لعبة الغدر

لعبة الغدر

الفصل (1) : يا ربي وقتاش تنوب عليا و نرجع لبلادي ميسالش ناكل ضرب بابا و تحريد مرتو عليا ! والله نرضى عادي ! ميسالش مهم نخرج من هالبلاصة الخامجة ! صغري عديتو بكى و ضرب و فدة لا نخرج لا نلبس كي أندادي لا حتتتتى شيء ! من الدار للليسي و من الليسي للدار ! نخدم في مرت بابا ليل و نهار تي لاااااا ! و نزيد في الليل ناكل ضرب من بابا ! تحرشو بلعاني هكاكا خوويا هرب من قهرها و ظلمها لينا .. أنا ديسق 24سنة .. طولي 175صم نوزن 95كغ هع هع هع دبة آه ! إي إي نعرف ! عينيا عسليين ! شواافري طوال. حرجي كي أمي الله يرحما أكحل شعري طوييييل هاديني ربي متحجبة و نصلي من اللي عمري 13 سنة ! عندي خويا توأمي هارون نسخة مني عنين عسلي حرج أكحل لحية خفيفة ! شوافر طوار بوڨوص بالتمام و الكمال ! توفت أمي بعد ما أنا و خويا غلقنا العام بابا مانجمش يعانين و تعب مالوو إلا راجل و عندو الحق يعاود حياتو خذا بنت خالوو وحدة جيعانة وجه شر و فقر كبرتنا و بعد ما ولينا 6 سنين بدينا نشوفو فيها كيفاه تعامل فينا و حاقدة علينا خاطر كانت تكره أمي و تبخر بالريحة متاعها كيفاش خذات بابا بعد ماكان يحبها هيا و عرفها على حقيقتها !! عام وراا عام و أحنا نكبرو و نزيدو نكرهوها عيشتنا القهر و الجوع !! و بابا في كل كلمة مصدقها و عاطيها كل شيء و ينفذ كل حرف منها ! كانت تحرش في بابا باش يضرب خويا و وصل بطلو من القراية و خلاني أنا خاطر هو راجل و باش يخدم عليها بنت الحرام الله لا تربحها .. عامت الباك متاعي تعبت أكثر من اللازم لا يزي من همها هي و لا يزي من ستراس الباك الفصل (2) : 24 أكتوبر 2012 أتعس نهار في حياتي تعدى عليا ؛ أخيب ما ريت بعد موت أمي ! عندي كتب ناخو فيهم من المكتبة العمومية وخرت شوي تي نص ساعة بعد عادة مرواحي تعطلت شوي خاطر معبيا ! روحت للدار نلڨى بابا متحزملي بأربعة محارم بالطبيعة هاك المسمامة كلاتلو مخوو كيفاش وخرت - وينك للا لتوو وين كنت ؟ - بابا مكتبة معبية و تشديت شوي في المراجعة - مراجعة لتو أناهي مكتبة تبقى محلولة ل 18:30 ؟ (مرت بابا يهلكها) - شنيا ! أرحمني أعتقني ؛ خليني نقرا على روحي فكني ! و مانحس كان بابا هبطت عليا بالكفوف و المشطة و نحا سبتة و بدخول خويا جاااااء يجري يفك فيا منوو و هاك الكلبة دز فيه باش يخلي بابا و ما يحزش عليا ! كلمة من خويا و كلمة من مرت بابا ! للي بابا شد خويا و يضرب فيه - أخرج عليا أخرج. .. أخرجلي من داري معاااادش توريني منضرك برا شوف حل لحياتك بابا يعيط على خويا و خرج رماه البرا في الشارع و رمالو دبشو و نبه عليه معادش يخرج من الدار و أنا خلاني مدمدمة في حالة تي عظامي دڨدڨهالي و الشمايتية لأخرى تضحك و ما علابالهاش !! تو شهرين و خويا لا ريحة و لا خبر عليه مانيش عارفة وين غبر وين مشا الله و رسولو أعلم حايرة ما خليت شكون من صحابو نسأل عليه و ندور و شيء نافع الله الفصل (3) : 14 فيفري 2012 و أنا مروحة من الليسي ساق لقدام و ساق لتالي وين نتفكر جهنم اللي عايشة فيها نتمنى إني نموت و لا نزيد يوم مع بابا و أنا دايرة في الدورة عرضني إيراد آآآه يا ربي !! وين نشوفو ننسى الهم و الغم اللي عايشة فيه و ننسى وجه اللوح مرت بابا طفل عاااقل متربي ولد عايلة متربي في الخير الزين و النور اللي هابط على وجهو مانستغربوش ! خاطر أفعال ويا اسبحان الله تقول ملايكة لا يدور ببنات الناس لا يتعدى على أعراضهم حدو حد روحو الخدمة و الدار و الجامع هذا اللي ملهينوو .. حرج أكحل ماشاءالله عليه عينيه كحل و شواااافرو ياااامي الضحكة عسل و الللحية و سبحان من زين الرجال باللحي ديما مستوية .. البدن و الطول وهرة بصراحة تبارك الله عليه بالرغم اللي هو أكبر مني أنا و خويا (توأمي) ب عامين أما هو صاحب خويا روح بالروح !! ديما خويا معاااه مايفارقوش جملا و ديما ينصح فيه و يواسيه كي يبدا يشكيلوو من مرت بابا ! نمشي و ساااارحة في زينوو تباركالله حتى هو زينو ياخذلك عقلك تي بقلاوة موش حاجة شافني تبسم جاني مد يدو سلم عليا - وينك ديسق آش نحوالك ! - لباس حمد لله و إنت ؟ - هكاكا .. هيا للا عندي ليك خبر هايل بااااز باش تفرح بيه - أمان قلي .. خبر على خويا هارون ! - إي ياا للا خبر على هارون خوك ماحسيت بروحي كان معنقتوو و دموعي هابطة خبر فرحني ماقعدلي من ريحة ميمتي كان هو عينيا و روحي هارون خويا - هارون في إيطاليا خرج جمعة لتالي تعرف على وحدة وخرجتوو معاها ! - يااااااا و كي جاء يمشي شبيه ماجانيش علاش ما طمنيش عليه علاه خلالي قلبي مقبوض والله نوم الليل لا نرقدو لا يزي باك و لا يزي هووو علااااه خلاني نقاسي في هم بابا و مرتووو - ديسق ! ديسق ! أمااااان تحكيش هكا تو مشى هارون شبيني أنا هاني خوك معاك تستحق أي حاجة قلي تحشمش وصاني عليك و إنت أمانة بين يديا تووو !! و زيد جات حكاية مزروبة شوي خرج معاها - ماقلكش كيفاه نجم نكلموو ؟ نحب نسمع صوتوو و نطمااان عليه - هو كلمني مرتين جمعة هذي و طلب مني إني نطمنك عليه و تبقاش متحيرة - أماااااان يا إيراد نهارة اللي باش تكلموو خليني نجي معاك و نكلممو - باهي تحبشي غدواا تجي للدار و تكلممو بالسكايب ! - مع وقتاه ماك تعرف هاك الكلبة ! أقل درج روطار ترصيلي في طريحة من بابا ! - 22678**.. نومرويا قيد عندك و تو نكلمك و نقلك وقتاش تجي - باااااهي هوكا قيدتوو - قيدس تخافش معاك راك أمانة - أيااااا نخليك خليني آ خويا نروح - باهي برا و رد بالك على روحك الفصل (4) : روحت نزرب للدار خير من اللي يشوم نهاري دخلت بدلت دبشي فطرت و حطيت نقرا ! غفيت لين نسمع في آذان المغرب قمت توضيت و صليت و كليت حاجة غسلت ماعون و رجعت لبيتي مرت بابا ما كلمتنيش ههه شنيا السبة ؟ لازم فما مصيبة و لا حاجة أنا هكاكا و هيا دقت الباب و دخلت - عجبك العشاء ؟ هاو كويس عصير حلي بيه يعاونك على التركيز و باهي مع المراجعة - ههههههههههههههههههه !!!!! طرشقت بالضحك و بقيت مبهما فيها ! اول مرة آش بيها زعمة شنيا سبب ؟ - شبيك تضحك ياخي نفرق في الرمان ترا فيا ؟ - لا لا حشاك ! - أشرب أشرب و أقرا على روحك و هزت روحها و خرجت من بحذايا ! بقيت نخزر للكاس و نبقق في عينيا و نعاود تبداش حاطة الجفال و لا هم فيه ! بففففف حليت شباك و بزعتوو مانشربش ياخي شبيني هبلت أنا ! جاية تبسس بنت الحرام أندرااا آش تكمبس راجعت شوي و حطيت راسي على المخدة لين جاء وقت صلاة العشاء قمت صليت و رجعت لفراشي و غمضت عينيا ! يححححححح شوووو جاء البالي طولي و ريحت البارفان لتووو في خشمي !! نجمش ننسى تبسيمتوو على جنب و لحية اللحية رااااااو قتلني بيها ! اللي نحكي فيه راو موش حب و لا طايحة على راسي لاااااا إعجاب بشخصيتوو و زينو كهو ! و زيد مخي في خويا و قرايتي ! هو مالو إلا ولد حومة و يعرف حكايتي و زيد مستحيل يخزر لوحدة كيفي سمينة و ماخيبني ! و هو الزين و العين ! صحيح هو متواضع و بسيييط و موش حڨار أما عايلتوو عايلة كبيرة طنطخة و تفشفيش و تفشليم ! بوه صاحب أكبر شركات بيع كراهب في تونس ! أختوو محامية ! و هو عامين و يخرج يقرا لبرا إدارة أعمال و يشد شركات بوه ؛ مالا خو الوريث ! بوه محلاااااااه متواضع و ماحلاه برغم الفلوس و الكراهب أما يحكي مع الناس و يضحك موش كي مرتوو ! حتى باش تشري خبز تمشي في كرهبة ! و لبسة و شيء و شيء بفففففف ربي يزيدهم و كهو هزيت تيليفوني من فوق طابل دونوي و نلوج في ليست النوامر عليه هو .. باش نتسبل و نقلوو أهوا نومرويا قيدوو عندك تننن تنننن تننننننن - ألوو ألووو !! - ...... و أنا ساكتة ... نفس داخل و نفس خارج .. - تي شكون تكلم . -وي إيراد ديسق معاك - تي شبيك ساكتة مالا خهههخ خايفة مني ؟ - لا لا أهوااا نومروويا قيدو عندك .. كلمتك حبيت نقلك غدواا نحب نجي نكلم هارون ميسالش !!! - أي إي تو هذا كلام !! دار دارك - ممم باهي هوكا مالا مع 10:00 ل 12:00 نقراش ساعتين باهي يساعدك ؟ - هههه لواه على الصباح باش تفيقني و طيرلي نوم و غدوا سبت أنا مانقراش .. الفصل (5) : - ألو صباح الخير - مرحبا مرحبا بالعروسة - يزي من البلادة أيا وينك هاني بحذا باب الدار فيسع أمان خلي نكلمو و نروح فيسع سيب عليا من المشاكل - هيا هاني جيتك لحظة برك .. ... . .. تحل الباب .. طووووول حطيت يديا على عيني و درت خرجلي في شورط طويل شوي كهو بلا مريول - تي أدخل برك أدخل - هيا هيا و نمشي نزرب القدام و دخلت بقيت في الصالة ونستنى فيه - أيا هاي قهيوة على كيف كيفك و هاو البيسي كلمتو هارون البارح و قلي مع 10:30 نحل و نكلمكم .. - حمد الله جاب ربي تفاهمت معاه و الا رانا بقينا نستنوو - تهنا يا للا !! تو هذا كلامك درجين .. ثلاثة أربعة .. يااااااا هاو يطلب - فرختيييييي .. شطري ويني عيني آ روحي لباس - هذا عمال تعملوو تخليني وحدي نقاسي يا هارون تخلي أختك وحدها ! شكون عندي أنا غيرك حتى بابا على مراد الله خاتم في صبع مرتوو .. شكون باش يحز عليا و يفكني من بابا شكووون يا هارون تخلي أختك وحدها ! شكون باش يصبرني أنا شكون خلاتني أمي و تزيد تكمل إنت علاااه - تي يزي أمان تي يزي خليني نريڨل أوراقي و تو نرجع تي أص مانطولش عليك - يحبلك باش ترجع (والشهقة تهز فيا و تنفض ). - والله ورحمة أمي لااااااااا تخافش ! لباس عليا نشد خدمة و نبعث مصروف أختي نخليكش ! كمل أقرا على روحك و أي حاجة تستحقها هوكاااا إيراد حذاك - قلتلها يا هارون والله أختي هذيكا و تاخوو عينيا ! - لا لا لا يا هارون تخلينيش أمان والله هاك الساقطة تستنالي في غلطة والله لما تخلطني عليك ! طردني ! - أماااااان يا ديسق يزي من التهلويس أنا راجل إنت مرا ما يخرجكش بابا والله تخااافش و أقل حاجة هوكا إيراد حذاااك تهنيني يااا إيراد حطها في عينيك راك صاحبي و خويا بربي معاك بربي ! - تو هذا كلام تحكيه ؛ تي من غير ما توصي أنا من قبل معاكم موش من تو - هارون رد بالك على روحك هنيني على روحك يا خويا ! تنسانيش ! - أيا نخليكم تو مالا ! باي - أتوووت ! تن تن تن ... علق و هز قلبي معاه هو ريحة أمي و سندي اللي بقى هاو زاد مشى و خلاني (دموعي هابطة ) و سااارحة فيقني إيراد صفق في وجهي ههههه سخطة والله فجعني - هيا عيش أختي يزي ! تو يحلها ربي ! إكبس روحك و إنجح سنة و فرح ميمتك و خوك وبعد تبدا فاك تكري تخدم و تقراا و هاني معاك أنا ! الفصل (6) : الأشهرة كل واحد ورااا خوه لف لف ! و أنا عمال نذبال و عينيا تحوق ! نكلم في خويا كل يوم من عند إيراد والله هاك طفل ما قصر معايا ! واقفلي وقفة خوو بوو و ماخلانيش ولا دقيقة أي حاجو نستحقها فلوس ماكلة مراجعة يعاون فيا كي نوحل في إڨزرسيس ! الله يرحم والديه ماهوش مقصر أما بلاصة حد مايملاها حد ! خويا وحدو بابا هذاكا موش موجود جملاا ! زعيم كان يصيح و يضرب و يعيط و مرتووو تتشمت مت تحت لتحت ! و أنا والفت بالهم و الغم معادش نحس الضرب قلب ميت تبعد مامشات أمي و زاد خويا بعد عليا .. اللي مشجعني هو حاجة برك لازمني نقرا سنة و ننجح ناخو باك و بعد نبدى فاك نكري و نقرا !! كل ليلة نفس المنوال ناكل نغسل ماعون نقرا نصلي نشد فرشي و ساعة ساعة يكلمني إيراد يطمان عليا و المدة الآخرة ولا يكلممني و يقلي خليه تيليفون يمشي أرقد على روحك ! ههههه مهبول !والله محلاااه هاطفل ! كل يوم يعرضني بالكرهبة قدام ليسي يوميا يملالي كرطابلتي بالشكلاطة و المصاصات هه و يقلي راك أختي و صغرونتي كي أنا كي هارون خوك يضحكني و يمسحلي دمعتي كي نتفكر ميمتي اللي ماهيش باش تشاركني فرحة الباك و زاد كمل خويا و كي نرا بابا يزيد يركبني الغم تو جوان و ريزيلتاا قريب تطلع و أنا قلبي مقبوض و خاااايفة ندعي كل ليلة و مهمومة و مرت بابا عذبتني -تي هابنتي تو تنجح محسوب و يجيب منك ربي ؛ وجوه فقر نتوما لاخر غبر وين ملا راحة من منظروو و إنت كان خذيت ولد أختي راو ناب عليك ربي و جبت صغار قلو قراية قلو ههه و أنا نسمع و ساكتة و نعدي فيها بالسيف و ندعي ربي يحلها في وجهي غدوا إنشاءالله تجيني نتيجة و ربي يعاوني شادة بيتي من اللي حليت عيني صباح و قاعدة ندعي ! في الليل حطيت راسي على المخدة و تيليفون صوناا - شطري .. وينك آأختي آش عاملة وين وصلت توو ههه مازلت تتعصر ها بنتي والله مسلكتهااااا تخافش غيرش غدوا حضرلي مبروك نعرفك تڨد روحك يزي من الترهدين سنين الكل تجيب في 16 معدل و تو خايفة ! الفصل (7) : خليت تيليفون يمشي و هزني النوم بعييييد بحذا خويا روحي كبدي لأيطاليا ! هههه رقدت رقدت رقدت لييين طار عليا نوم مع 03:00 قمت توضيت و بديت ندعي و نعاود تفكرت ميمتي دعيتلها بالرحمة وجعني قلبي من القهرة و الهم اللي هابط على راسي إستغفرت ربي و قمت ! مشيت للكوجينة ؛ خذيت كاس حليب و رجعت البيتي و هزيت التيليفون علقت و عاودت كلمت إيراد وقتها ؛ بفففففففف يمشيش يتغشش عليا كيفاش قيمتو بكري ! هارون بعيد عليا و ميمتي زاااادة قلت خلي يواسيني هو و يفرحلي كان سهل عليا ربي ! بالرسمي محلاه ! -مممممم .. - تكلم شبيك - هيا هيا. . صباح الخير لا ترقد و لا تخلي شكون يرقد ؟ - ياااااا سامحني سامحني .. أنا غالطة - تي إيجا هناااا قلوو غالطة هالعزوزة قداااش خرنانة ضحكت من تحت لتحت ماشلقتش والله زايد مايضحكني كان هو !! - زعمة تسلكها آ دبة ؟ - إدعيلي ! - إنشاءالله ربي ينجحك و ترتااااح من المشاكل والله نفرحلك ! تنساش المبروك ! - تي ننجح برك تاخو لي تحب و نسمع في نفس متاعو في وذنيا هابط طالع ! حسيت برعشة في بدني أول مرة نحسها وووه شنيا هذا ! علقت .. قلبي يدق يدق يدق يدق كل عرق في بدني نسمع قلبي يدق ! حطيت يدي على فمي و بقات كان عينيا تبلحق ؛ لطف ءش صار ! مشواااار و تيليفون عاود صونا ! هزيت .. - تي شبيك ! لباااس ! - إي إي - مالا لواه تعلق والله فجعتني ، - تو طالبني بعد ساعة - ماو نعرفك تتبهلل ! و تعرف اللي أنا موصيك تعليق لا ! - مممم أي أي (وقلبي يدق يدق ) - أيا كان نجحت شباش تخلص مبروك ! - هههه نعرش على قد اللي في مكتوبي ! - كفتاجي مثلا ؟ - تتبولد ! هذاكا اللي نقدر عليه أنا ! - لا لا والله لاااااا ! تعرفني نجم نتبولد على أختي ! بفففففففف هو قال أختي و أنا بررردت قولش عليه صب فوق راسي سطل مااااء بارد ! الفصل (8) : - أيا خويا نخليك تو باش نعلق ! - إيجا هنا قلو ماشية وين ! هاك معايا تفيقني و تخليني ! نهون ؟ - جاني النوم - طرد جد والديه ماكنتش من العاكسين ! و طرشقت بالضحك !! هههههه - إي إي هكاااااااكا أضحك أضحك ! - يهلكك ضحكتني و ماعيني فيه ! كملنا حكينا للي طلعت الشمس و تو 09:00 متاع الصباح ! مع 10:00 تجي النتيجة ! و كي عادتها المسمامة هز هذي حط هذي ! و الدعاء ؛ و بابا لا سأل على خويا ! و لا حتى بالكذب عليا أنا و عارف اللي يوم نتيجة تخرج ! صونا تيليفوني هزيتو و كرت لبيتي ! - آ شطري .. هارون كلمني بكري شوي ! و يسأل ! آ جاتش هالسخطة - مازاااالت ! تو كي يوصل تو نبعثلك ميساج ! - لا لا يا بنتي هاني لوطة في الكرهبة لوطة شوي من الحومة إيجااااا تو - وووه تو كيفاش باش نخرج - تي حاول حااااول على خاطري نحب أنا نقرا الميساج كي يوصل !! - باهي 5دقايق ! لبسة جلبابي وعملت فولارتي و خارجة كي السارق من الدار ههه سكرت الباب و شعري دووووب مايطل من تحت المحرمة ! و هابطة نجري في الدروج ! كليت من باب جنينة ريت الكرهبة ! مشيتلو طلعت ! - شطريي ! و نڨز باسني من خدي الفصل (9) : حطيت يد على فم و نصصصصصيييييح بالقوي و هو يضحك يضحك شااااايخ ! - هههههه يا بنتي شبييييك ما صااااار شيء أص أص سلمت عليك و أنا باقي حاطة يدي على فمي و يد الأخرى على خدي منين باسني و عينيا كي صحفة فيه ! و هو يضحك و موش هنا السيد - يا بنتي خوك قلي سلملي عليها تي شبيك ! - بالله ! خويا قلك بوسني (نبرة صوتي تبدلت ) - إي إي .. تن تن أسمااااااس !! - أص أص أص ميساج جاء يا ستار ياااااا ربي يا ربي يا ربي يدي بدات ترعش و عينيا زغللت بالدموع و خاااايفة خطف مني تيليفون و حل ميساج كان يضحك عااادي ملامحو تبدلو في لحظة و ڨحرلي على جنب - تخلص بوسة و لا تهزني تشريلي شكلاطة مبروك طرشقت بالضحك و دموع هابطة عرفت روحي سلكتها ! ترمى عليا عنقني و يبوس يبووووس فيا من جبيني - حمد لله يا ربي حمد لله أول واحد جاء بين عينيا ميمتي يرحمها أفرح يامي بنتك كبرت و خذات الباك أفرح يامي أفرح راني هزيتلك راسك كان جيت لنا يامي راك تعنق و تبوس فيا و ريت دموعك يامي فرحانة ببنتك وينك يامي فرحتي اليوما موش كاملة باش نروح كي خديمة في دارنانقضي و ناكل سطاكة كي البهيمة ربي يتولاها إنشاءالله ياااا ربي علاه حرمتني من ميمتي علااااه مانيش كي أندادي نقول لأمي راني نجحت تعنقني و نبخر دار و تعملي سهرية علاش يا ربي علاش - يا بنتي شبيك يا طفلة ! إستغفر مولاك هالصباح تره مسحلي دموعي و يمسحلي في خنانتي هههههه - راهي توجع يا إيراد تووووجع شكون باش يفرح بيا أنا تووو - أمااااان أمان يا ديسق ؛ شبيني أنا و خوك !! - ميمتي يا إيراد ميمتي ميمتييييييي - أيا للا هيا تمشي تكلم تفرح خوك !! - هيا أما فيسع لازمني نروح بكري شوي نفوتوش نصيف ساعة !؛ ديمارا الكرهبة و قصدنا ربي ! هوكا بابا غادي أدخل نحط كرهبة في الكاراج و نجي ! - ياااا عم يوسف صباح الخير شنيا أحوالك - بنتي صباح الخير آش عملت نڨزتها و لا لا ؟ - حمد لله يا عمي لباس حمد لله - هيا حمد لله يا ربي والله فرحتني آ جيت باش تكلم خوك تفرحوو - إي عم يوسف سامحني عاد كل مرة جاية لداركم قلقتكم سامحني - يزي إحشم يا طفلة تي راكم ولادي كي إيراد و نرجس من اللي إنتوما صغار مرتو كلمة لا تهز فيا و تحط و طرشقت عليا - كل مرة و إنت صادمة علينا للا بالك تخسايب روحك دور في داركم ! بفففففلف مالا حثالة - طاطا - ليلى يزي شنيا هذاااا وووه عيب عيب خرجت نجري عرضني إيراد سطعت فيه و راني كيفاه نبكي - ديسق يا ديسق وين ماشية إيجا تي شبيك - معادش بكري عليا خليني نروح - عيب والله عيب اللي تعمل فيه راك يا مرااا علاه - آش عملت أنا خليها تفهم روحها موش كل مرة دازة الباب و داخلة لا إحم و لا دستور - بابا شبيها ديسق ! أمي إنت - إي أمك والله عيب عليها - الله يهديك يامي الله يهديك روحت للدار ترميت فوق فرشي و موجوعة والله موجوعة نهار فرجتي تبكيني هكا زححححح الفصل (10) : حلت الباب و دخلت .. - آ للا شبيك ههههه ماني قتلك ماكش ناجحة ياخي مانعرفكمش أنا وجوه فقر و هم و غم كي أمكم ماتفوتكمش ببرشا ! أنا قلبي معبي معااادش نجم أكثر من هكا مغلغلة عليها عندي سنين قمت من الفرش و تنطرت جيت في خناقها - أمي معااااااادش تجبدها معادش تجيبها على لسانك أمي تشرفك و تعرفك تجيش في شطر ظفرها يا مسخة يا عافنة يتولاك ربي إنشاءالله تي حتى صغار ماجبتهمش من فعلك و من كلامك إتقي مولاك الهم سخط هذي و هزيت يدي في شعرها طول و هي تصيح و تيعط قلبتها الدار و بدخول بابا للدار يسمع فيها دخل بيتي يجري - الله الله الله يا بنتي سيبها شبيك هبلت سيب أمك سيب إحشم و جبدلي يدي بقوة و دوني بكل قوتو على الحيط ا- ماهيش أمي عمرها لا كانت أمي و لا عاملتنا بالباهي تكرهنا و تكره أمي جبتلنا لفعة مسمامة للدار حليلك من ربي يا بابا الله يتولاكم - شبيك هبلت إنت موش خذيتلي الباك باش تتعالا على المرا اللي كبرتك - ههههههههه كبرتني ماو كل حسنة بأجرها لله كبرتنا ماو كي تكبر إنت تلم على الملمة و اللي فمااااااا هز يديه في شعري طوووووول و طاح يضرب فيا بالسبتة و يسب في أمي و يدعي عليا و يضرب يضرب .. و أنا والله ماني حاسة شيء والفت خاطر هذي العادة و العوايد دزني على الفرش و جاء خارج من البيت دووووووب مانسمع فيه تالمون من الضرب اللي كليتو وذني ثقلت و عينيا دووووب مانحل فيهم الله يهديك يا بابا و دموعي هااابطة - أسمع نقلك باش يجي يخطبك ولد أخت أمك باش تقبل بالسيف عليك فهمتني و أنا نبكي على همي في بالي باش يتحل باب العرش في وجهي ياخي فرحتي ما تمت باش يتكب سعدي الفصل (11) : وووه عليا كان تشوفوه هذا اللي يحكي عليه بابا لا يزي كبييير ! لا يزي معرس و مطلق قبل مرتين .. لا لا مايهمنيش أنا ناخذوش شبيني نقصف شبابي مع واحد هكاكا ناخذو نعمل سبة في روحي لا لت لازمني نلقى حل لاااازم آش باش نعمل يا ربي آش باش نعمل الحل الوحيد إيراد ! هو اللي باش يسلكهالي ! قمت مسحت دموعي و نحل في عينيا بالسيف ! و ندهشر باش نجيب تيليفوني في الكبوت - ألو ! ألوووو يا إيراد أطلبني تو تو ؛ - باهي علق ثلاث ثواني و طلبني - وي ديسق لباس شبيك آش صار - أماااااان يا إيراد راني باش نموت بربي عاوني بربي - تي أحكي آش صار يا بنتي أحكي - الليلة 00:00 تجيني للحومة بالكرهبة تو تعرف - لواه !! وين باش تمشي ؟ - نعرش نعرش تصرف و تو تعرف كل شيء بربي ياااا إيراد الفصل (12) :بقيت شوي فوق الفرش نرد في النفس و نتقهر على اللي نعاني فيه قمت تعشيت عادي ما على باليش رجعت لبيتي اليوم قررت اللي باش يفصلي المشاكل في حياتي خذيت الباك و كبرت و مسؤولة على روحي ! قررت نحي حجاب و اللي باش يصير خلي يصير مايهمنيش ! صليت بكيت طلبت من ربي يغفرلي و يسامحني إنشاء الله 00:00 حياتي باش تتبدل 360° معاد يهمني في شيء ! تو 23:45 - إيراد وينك ؟ - هاني في الحومة ! نستنى فيك والله عارفها ليلة كلبة ! تو ماكش باش تحكيلي آش صار يا بنتي ! - 00:00 تو تعرف كل شيء - تنجم تخرج من الدار ! كي يشلق بيك بوك ؟ - مايشلقش خاطر حليت الباب قبل ما نرقدو ؛ معناها مانيش باش نعمل الحس تخافش - باهي رد بالك ! و فيسع - تهنى .. بففففففففف قلبي يضرب في 100 أول مرة باش نخرج للشارع بلا حجاب ! مانيش عارفة ! أول مرة إيراد باش يشوفني بلاش زعمة باش نعجبوو ! مانيش عارفة هو يعجبني و نعشق تفاصيل وجهو الكل اللحية و العينين يحححححح و الضحكة الضحكة هياا اللي مهبلتني !! تو واحلة في مشكلة و شوو كيفاه نحكي ! ملا هبال الفصل (13) : ضربت 00:00 حليت باب بيتي صباطي تحت ضبوطي ! سروال دجين و فاست كوير قصيرة شعري كوتشوفال الفوق و قصتي هابطة على عينيا ! خارجة نمشي نتسروس كي السارق على طراطش صوابعي .. هبط في الدروج نجري سكرت باب الشارع بعد ماوقفت نخزر لدارنا و نتذكر في أيماتي المشومة هناااااا وصلت لراس النهج ريت الكرهبة حابسة و هو يشوف في منڨالتو و يعاود ! وصلت حليت الباب و حطيت ساقي لولى - يا .... بقى حال فمو يخزرلي عينيه قريب تطلع ! شهق فرد شهقة ! - فيسع فيسع موش تو وقتو فييييسع باقي حال فموو و يخزر و حتى كلمة ماقالها - إيرااااااااااد ! فيق وينك - آ آ آ !! ها هيا ديمارا الكرهبة و مشينا خرجنا من الحومة ! و قلبي في دارنا وين عشت وين كبرت !! أما مكانتش عيشتي باهية ! - أيا وين باش تهزني ! - ساعة قبل كل شيء شنيا تراس اللي في رقبتك أزرق ! - كليت طريحة من بابا قبل ما نكلمك ! شدني كلالي قلبي و يحب يعطيني لعمك رضوان الدجاج - آه ! شنيا ؟ شبيه هذا هبل ! موش مطلق هذاكا مرتين ! هاك العزوز المكمل ! - إي إي هذاكا ! بابا هنت عليه باش يبيعني بالفلوس يا إيراد ! عمري لا حسيت اللي هو يحبني و لا محسسني اللي أنا بنتو ! ضرب و نبز و تهنتيل ! أنا اليوم خرجت من الدار و ما يهمني في شيء ! قررت نبدل حياتي جملا ! - بففففففففف ملا حالة والله ! - أيا قررتش وين باش تبيتنا ! - في دار وين باش تبات ؟ خزرتلو على جنب هزيتو و حطيتو ! - شبيك تڨحرلي ! هذاكا الحل ! دارنا في الجبل ! نمشوو كل شتاء ! تخافش نعملك شيء ! - مممم .. فيها عساس؟ - لا لا ! فارغة مافيها شيء في الجبل فيها كان زوز كلاب أنثى و ذكر محلاااااااهم كان تراهم ! - إي أي بعيدة ؟ - لا لا ! هوني قريب نص ساعة - جيعانة - تو نشروو كل شيء ! شبيك ما جبتش دبشك ! - فاش باش نجيبو ؟ صاك ! باش نخرج صاك و نعمل حس ! تحب تشلق هاك الكلبة ؛ - باهي باهي تو نشوفو بعد أص تعدينا على كارفور ! خذا كل شيء و أنا نستنى في الكرهبة ! و خذينا طريقنا للدار .. نصيف ساعة و كنا قدامها ؛ ثنيتها واعرة شوي كرهبة تمشي بالسيف أما بصراحة تفتق غير عادية ؛ جاية في جبل الفوق ! المدينة الكل تحتنا ؛ المنظر اللي تطل عليه يعشق ؛ بففففففف ناس عايشة ؛ كهوو هزيت معاه القضية من الكرهبة و دخلنا للدار ! كلاب برجي محلااااااااهم ! هزينا قضية للكوجينة فرغناها في الفريجيدار و هزني لبيتي ! و خرج ! - يا ربي آش باش نلبس أنا ! - ديسق هوكا خزانة أختي حل شوف تلقاش حاجة على قدك ! طلع ورا الباب يسمع فيا ! - وين باش يجيني دبش أختك ؛ تراش فيا مبزعة ! - شوف حتى جبة ! - باهي باهي تنجم تتفضل ميرسي - ههههههههههه باهي آش تحب تاكل - برا تو نلبس و نجيك ! - فييييسع ! - هيا. .. مشى و بقيت نلوج في الخزانة . الفصل (14) : نسمع فيه في الكوجينة يغني دخلت .. - ديييسس فمو كي الكاراج محلول ! و أنا راسي ماهزيتوش الفوق ! حسيتو بدا يقربلي وخرت لتالي .. - مالقيت كان هذي !!!! - كل ضيقين و أنا بصحتي ! - علاه هكا ديسق علاااااااااااااه ! - شبيك لباس !!! - هههههههههههخهخههههههههه بقيت نخزرلوووو بففففف كل مرة نزيد نعشق دين أمها هالضحكة سخط -معناها ماجاك شيء كان سورية بابا ! ههههه حطيت يدي على فمي و شدني الغزول و شديت صياحي بالسيف ! - شوو كي حمارت شووو هههههههههه - باهي باهي يزي من الخرا متاعك جبدت الكرسي و قعدت و هو واقف يكمل في العشاء ياااااااااا زحي بدنو يعقد !! نخزرلو من تالي و نزيد نعشق فيه نحا مراولوو من الفوق الكل و باقي كان في سروال سبور .. وووه يا ديسق وووه عليك ! دار على غفلة لقاني شاااردة فيه - حممم حم حم حم !! فقت وجهي ولا طمطومة هبط راسي و ضحكت على روحي هههههه هزيت راسي بالشوي هههه نلقاه يحك في لحيتووو يمااااااا سييب سيب متاااااعي هذيكا ! و دور يديه على رقبتو ويحك في راسوو من تالي ! - أيا تاكل ! تذوق ماكلتي ؟ - جيعانة جيعااااااااانة ! الفصل (15) : - ههههه هالمهبولة هذي ! يبقى يبقى و يطرشق بالضحك ! تغششت طلعتلي للسماء هزيت روحي و خرجت من الكوجينة ! خلط وراي يجري ! - تي إيجا والله نفدلك !! - فدلكة ماااااسطة سيبني باش نرقد - أمااااااااان تخليني وحدي ؟ شكون باش يونسني ؟ - أسهر وحدك أمورك هزيت روحي و دخلت لبيتي طفيت ضو و الحس بات في الدار باين فيه إيراد رقد ! مشوااااااار و نسمع في باب تحل ! هزيت على راسي الغطاء دوووووب !! نرا في الباب يمشي و يجي و حس في الكلوار ! و في دوش ماء يمشي ! قلبي بدى يضرب في 100 و بدا العرق هابط معايا في بدني الكل وليت نطل بشوي دوووبا من تحت الملحفة دنيا ظلاااااام وليت بالعمل نرعش ! نحس في حاجة قاعدة تقربلي للفرش ! وووووه يا ربي يا ربي يا ربي شنيا الهم هذا باش نهز راسي نخاف لا الحاحة تنڨز عليا ! وووووه يا لبنات شكون صارتلها والله باش نعملها في سروالي ! الفصل (16) : بديت نقرا في القرآن تي زح حتى من حس سنوني نسمع فيه و شدتني رعشة - بووووو .. ووه ووه ووه يا ديسق يا دسق شنيا الهم هذا إيراد كان تسيب في المساطة ! إبعدني - بوووووو بوووووو !! - يححححح .. تي تكلم ءش تحب مني هزيت راسي مافما شيء ! - ياااا ديسسق !! شبيك لبيك ! أنااااااا ضميرك - تتبولد خرااااااا ! حليت ضو ما فما شيء - إيرااااااااااد يا إيراااااااااد جاء يجري ساقيه أعلى من راسو - شبيك آش صار ! موش قلت باش نرقد بدلت رايك فيسع ! - في بالي هكاكا ؛ نسمع في شكون يحكي معاي و بأسمي - شنيا يزي يزي بالله من الترهدين متاعك قلوو تسمع في شكون يناديلها - والله والله و رحمت أمي و راس خويا الغالي ! والله - إي شنيا الحل تو ؟ - أبقا معايا هناااا - ءه ؟ عينيه لمعوو و وساعوو قد الصحفة ! - أي أبقى معاي هوني ! تخلينيش نخااااااف - عادي ! - علاه ءش باش يصير لا هو ؟ - أبقى و أص ترمى على الفرش و أنا عطيتو بظهري و رقدت ! - إيراد .. - مممم شبيك - حبيت قبل ؟ - أنا ! لا لا ؛ جربتش - علاه ؟ ساعة حليلتك و بخدمتك. و كرهبتك و دارك ! و عايلة محترمة - موش بالساهل تلقى اللي يستاهل عزيزتي - عزيزة ركبتك ! - ممممم فهمت ! حتى أنا ماحبيتش راوو ! - شكون سألك ! تغششت ! سكت و رقدت ! بفففف شيء النوم طاير ؛ ما حبش يجي الساقط ! هههههههههههه الفصل(17) : - ديسق. .. يا ديسق - مممم نسمع فيك شبيك ! - نحب نحكيلك حكاية صايرتلي أكثر من الشهرين ؛ شعلت ضو و تربعت حذاه - أيا أحكي للصباح هو هرب هرب النوم. سهرية و فراڨها صباح أحكي .. - مممم نسناااااسة - أحكي أحكي .. - أنا عندي طفلة تعجبني - ياااااااا شكوني ! وين تسكن ؛ آش تعمل في الدنيا ؟ موش قتلي ما حبيتش؟ - تعرفت عليها في مدة قصيرة عااااقلة محلاااها صاحبة جو و كاااان تراها فدلاكة ! ضحكتها يا ديسق ضحكتها سحرتني - شكوني - تعرفها ! - أنا نعرفها هي ! - إي أي تي لا علينا فيه الموضوع هذا ! أيا أرقد أرقد ! و غدوا خمم آش باش تعمل ! - تي أحكيلي ! شكوني أماااااان ! - أص - إيراااااااد - ممم - ايراد ! - ..... - ياااااا رقدت و خليتني ! ساقط - .... أعععععععع خلاني ! طفاني ! بففغغف شكون هذي اللي يحكي عليها ! زعمة نعرفها ! خلاني نهلوس و رقد الخرا لا برجولية موش باش نرقد أنا ليلة عارفتها ! أيراااااااااااد ! - ها ها ها ! شبيك ! قام مفجوع - عههههههههههههه .. شبيك مفجوع نقوم فيك بالسياسة جاب ربي ! - بالله ! ملا فرخة تو تعيط بقوة صوتك و تڨلي شبيك مفجوع هاني فقت آش تحب شبيك ! - موش باش يجيني نوم لما نعرفها شكون طفلة راني أحكيلي أمااااان - تفيق فيا باش نحكيلك؟ مانيش حاكي ! باهي هكا سافا ؟ - تي.. - لا لا قتلك أرقد عطاني بظهرو و رقد الفصل (18) : جع جع جعجونة جووونة جوونة هزني النوم مع يدين الصباح بعد مابقيت نخمم شكون هيا ! و كيفاش نجمت تخطفلو قلبو ؛ هههه و بعد ما كمبست لحاجة نعملها نخليه يحكيلي ! ضربني ضو في عيني قمت نتكسل وحدة وحدة ! - صباااااح الخير يا عروسة - .... ساكتة حبيتش نكلمو زعمة زعمة هازة خشمي ! - صباح العسل - ... باقي ساكتة و أنا من داخل نغلي نحب نحكي معاه و نشوف ضحكتوو اللي خذاتلي عقلي ! - يا طفلة .. ياااا عزوزة صباح الخير - أهلا .. - هكا أهلا أنا جايبلك فطور لعندك في الفرش ! و تقلي أهلا ! هيا باللازمة لا ذقتو الفطور هاني خرج و هز روحي و خارج يترونق وحدة وحدة ماشي في بالو باش نكلمو ههههههه - إيراد .. - عزيزتي ناديتلي و رجع يجري بالطبق هههههههههه - شكوني ؟ - شكوني ! - اللي تحبها شكون ؟ - عروستي وحدي ! و متاعي ملكي - منين ! - هنا ! - هنا ! تسكن في الحومة هذي يعني ؟ - لا هنا هنا ! - وين هنا ؛ في الدار ! الخديمة ! - لا تحكي ! - معناها تحكي برشا خرنانة ؛ - لا مغشاشة بطبوطة ! شكون هذي يا ربي آه الفصل (19) - تي تكلم شكوني ! - أفطر و تو تعرفها ؛ - نحب شيء ! نحب نعرفهاااااا أنا توووو هزيت روحي و خليتو في اليبت ! دخلت دوش ! دوشت و حسوو بات خرجت للجنينة ! باش نفطر غادي بعد ماجبت الطبق اللي حضرهولي و خلاه غادي و خرجت .. جنينة هاذي جنينة هذي تووو ! مهملينها ! زحححح كان جات عنا راي جنة ! لازمني نلهى بيها بصراحة .. فطرت لعبت شوي مع الكلاب دخلت شفت آش فما في الكوجينة للغداء ! و حليت التلفزة نتفرج ! هو خرج و لتو ماجاء ! حتى تيليفونو مسكر ! زعمة لباس يا ربي برجولية بديت نتحير عليه أنا !!طاب الغداء و حطيتوو فوق الطاولة و سي الشباب لتو ما طل 15:00 متاع العشية خرا وينوو نسمع في تيليفون يصوني مشيت نجري لقيتو هو - عروستي فطرت ؟ - تي وينك زح ستوحشت وحدي راني ! - مشيت نجيبلك في شوي دبش ! و قضية للدار و دبش ليا أنا ! و نجيب البيسي باش تكلم خوك ! ناقصاتكشي حاجة إنت ! - إي جيبلي نحب نلهى بالجنينة زح علااااه مهملة هكا ! جيبلي كل شيء ! - بااااااهي يا فلاحة - هيا تبطااااااش عليا ! عندي مانقلك راني - صاروووووووخ الفصل (20) : هاك اللي طيبتو الكل خليتو للعشاء و بقيت نستنى فيه ! مدام هو يحب طفلة هذي ! هي شبيني أنا نحكيلوش الحقيقة ! و نقلو اللي في قلبي الكل ! مايهمنيش في اللي باش يصير ! مهم نرتح روحي ! طفل قاهرني بضحكتو العسل تي عينيه ساحرتني و تجي وحدة الله و أعلم شكوني تخطفوو مني لا إحم و لا دستور شبيني أنا ما نضحيش ! مانعجبش دبة وي ! مزيانة زادة وي ! مشواااااار و تزمير الكرهبة نسمع فيه لوطة هبط نجري من الدروج نهز معاه آش جاب ! - هيا عروستي عاااااد أيجا أحكيلي - هكاكا طووووول أصبر لين ترد النفس ! - باهي للا قبل كل شيء نص ساعة أخرى باش يكلمك خوك ! يحب يطمان عليك - باهي مالا تو نحكو في السهرية بعد - جبدتلك سيفة زنس أفلام رعب و ضحك ! و إنت إختار ! - عههههههه اللي يعجبوك إنت ! أنا عادي مانيش خوافة من الرعب ! و الضحك نحنا ليييه - عهههههههههههههههه إنت ماكش خوافة ! مالا شكون مكبش في يدي بارح كي البقة ليلة كااااملة و يتلوصق !! - نعرش طفلة كانت هنا و روحت الصباح !! - فرخة زايد هههه - صحيت صحيت سي الشارف .. - من غدوا نبدو في الجنينة ! - علاه هكاكا مهملينها زحححح ! خسارتها ساعة تقتل الفصل (21) : - ياخي بربي نجو مرة في العام ! و كان أنا !! ساعات بابا و أمي و أختي يجوو معاي !! - علاه دار تفتق بلاصة غير عادية ! تي زح ترتح الأعصاب - آش تحب تعمل بابا خدمة أختي قراية و أمي فواياجات كان أنا نجي نعمل طلة نرتح أعصابي أيامات و نروح - جبتلي ماو زريعة ورد و كل شيء - ماني قتلك كل شيء في الكاراج - غدوا مالا على الصباح لازمك تفيق بكري - إنشاءالله .. - هيا ماكش باش تحكيلي تو ؟ - شباش نحكيلك ؟ - آه ! - شبيك - طمع فيا صار ! إيجا هنا تو نوريك - هههههههه كان نجمت تشدني أعمل آش تحب و بدى يجري ورايا و ندورو بطاولة في الصالة كي الأولاد الصغار و الضحك على طول أصواتنا - ههههههههههههههه عااااااد - يا مصفارة و عمل روحو تغشش و بقى على الديفون و جيت بحذاه تعبت والله ههههه ضحكت من كل قلبي - هاني شديييييتك هههههههه - يااااااا .. سيبني عااااااد آآي خنقتني أح أح يا مجوووودر سيب - باش تحكي ولا لا ؟ أحكييي - سيب تي سيب باش تقتلني خنقتني رااااااك الفصل (22) : - مانيش حاكية سيب السخط إنشاءالله فيك ! - والله زايد والله لاعاد نصدقك أنت - برا زمر .. - شوو كي مازالت تتقبح الفرخة هذي - .... حقرتوو و طلعت لبيتي دخلت و خلط ورايا - كي نبدا نحكي معاك تخلينيش و تمشي هكاكا - .... باقي حاقرتووو .. - فهمت ولا لا يعيط بطول صوتو - بشوي بالله على أعصابك - تي أحكيلي - لا لا برا أرقد باش نفيقو بكري - ماكش حاكية .. باش ترقد و تخليني و ماكش ساهرة معاي ! هذا آش طلع معاك معناها ! - ..... حقرتوو و نلم في شعري - باهي أوكي بونووي للا ! و جاء خارج - سكر باب في يدك ! - ..... ضرب ببونيتو الباب بقوة و خرج كهو حطيت راسي على المخدة ! و شدني الضحك كيفاش شدني و يحب يعرف عهههههههه مهبول ! هزني النوم للصباح .. الفصل(23+24) .. قمنا زوز الصباح فرد وقت ! خاطر قلقتو بالحس هههعع كل مرة نرمي حاجة في القاعة نكسرها هاو كاس هاو صحن سخط قول راقد في سابع أرض ! نسمع في باب بيتو تسكر عملت روحي نفطر و ما ريتوش دخل للكوجينة دخل يححححححح يحب يجلطني هذا و لا شنيا ! دخل لابس شورط قصير و من الفوق عريان دخل يحك في عينيه و يتثاوب - صباح الخير - ...... حقرتووو و كملت كليت عضمتي هزيت كاس قهوتي و طول للصالة خليه وحدوو ههههه عاملة عليه بالعاني شوي ! أما هاني محضرتلو مشروع باهي نخليه يبدل رايو و ينسا صفرة اللي خذاتلو عقلوو - شببها هذي ياخي ! نسمع فيه يهتري وحدو هههه هههههه مهبول والله ! جاب طبق فطورو و خلط ورايا ! ماقتلكمش اللي هو ما يفطر صباح كان بالڨرندور ڨنوشو ولد أمو ههههه حط طبق و قعد بحذايا يتشوحر و يهز فيا و يحط زحححح مانيش منجمة نشد ضحكتي هههههه أما شديتها ها مالا لازمني نخليه يولي يحبني - هات الكوموند .. -..... طفيتووو و زدت في الغنايا و مبققة عينيا لين باش يطلعوو مالا بوڨوص في الكليب يخليهولو هههههه - يااااااااااااااا هكا - موش عاجبك للا ؟ بففففف الخرا كب عليا صحن ڨراندور و حليب مالا تفوريخ - تي شبيك فرخ ياخي ! - شنيا أنا فرخ !! إيه باركا الله فيك إييييه نستاهل - موش عاجبك ؟ - باهي كهو سكر فمك سكر - نخدم عندك بابا ؟ - .... حقرني و مشى .. لميت اللي فرتوو و هزيتو للكوجينة غسلت ماعوني لبست صالوبات و مظلة على الشمس تنقب الراس و ناديتلوو باش نبداو بالجنينة نريڨلوها - إيرااااااد ! يا إيراد - ..... ماجاوبنيش ! - يااااااا إيراد معاااااادش بكري راوووو هيا - .... شيء مافماش جوابو وينو العزى رجع رقد ياخي؟؟ - تراه خلي نطلعلو لبيتو بالك رجع رقد !! طلعت درجة للبيت حليت الباب و دخلت .. - يح يح يح شنيا هذا الله الله الله - وووووه عليك و على سعدك حطييت يدي على عينيا باش مانزيدش نشوف اللي شفتووو ! كان يدوش و نحى المنشفة باش يلبس دبشووو لبس سروال و قربلي جبدني بقوتو ليه من يدي - أحيتاااا شبيك ياخي وجعتني - للا هذي بيتي داهمة عليا هكا لواه آش تحب - جيي..ت .. باااااش.... بفففق الكلام ضاع سخطة قتلني راااااو لحيتووو عينيه بدنوو ياااامي ريحتو بعد الدوش وووه يا ديسق وووه عليا قتلني رااااااو - تكلم شبيك توكوك !! أحكي آش تحب ! - جيت باش نقلك هيا نبداو في الجنينة جبدت روحي و خرجت نجري من بيتووو والله كان زدت درج آخر يمكن تصير كارثة بيناتنا محلاااه الخرا ! سعدها اللي باش تاخذوو والله قتلني والله والله .. الفصل(25) : ربع ساعة هبطلي بعد ما أنا بقيت نستنى فيه في الجنينة لين يجي سي الشباب معادش آش يخرج العروسة من دار بوها ولا هو تو العروسة ! - هيا باش نبداو ! هزيت راسي و طوووول خزرت للي لابستو أنا ! - هههههههههههههههههه تي هام كيف كيف هما ! - إي شريت نفسهم البارح ! باش نكونو كيف كيف ميسالش ماو ! - ههههههه مهبول والله ههههه - مهبول بيك إنت ! قالها بشوييي - شنيا ؟ آش قتلي ؟ - قتلك هيا نبداو قبل ماتغرغر القايلة ! - ممممم إي إي هيا هيا ! - نخرجو الماتريال من الكاراج ساعة ! - إي إي هيا حل الباب و دخلنا - شنيا هالڨربج زححح ! - تي هابنتي مرة في العام نجي باش نبقى نظف أنا و نكسر في راسي - عادي عادي هيا نخرجووووه الكل اللب باش نڨدو بيه و اللي ماعندو حتى أهمية يطيش البرا ! بدينا نخرجوو فيهم الكل كراسي مكسرة و طواول و شوالقو زيتوا متاع كرهبة و أسطلة دهن و شكاير ورد (زريعة) و كلللل ماهو ڨربج زح خسارتها هالدار مهملينها آش خص كان جات داري ! راني عملتها قصر تي لا لا جنة الأرض - ريت بالله مالا ڨربج - خسارتها الدار ساعة من برة تقتل و من داخل لا أراك الله مكروه ! صحيح المثل اللي يقول يا حالك من برااا ... - باهي باهي صحيت هاو فاش زعيمة كان .. و قصيت عليه كيما قص عليا - سكر إنت ! - شوو كي تتقبح هاو باش نجي نهدهولك - شو كي تتقبح هاو باش نجي نهدهولك ( نعاود في كلامو ) ههههههعععههههههه و نطرشقو زوز بالضحك الفصل (26) : فرزنا آش حاجتنا للجنينة و الباقي خرجناه لكميون البلدية الڨربج الكل لبرا ! خذيت مقص - اللي نعملو تعمل كيفي ! باهي ؟ - أي أي باهي ! بديت نحفف في الشجرة ورا أختها وهو يقلد فيا ! - منين تعلمت تطييب ! ماكلتك بنينة ! - من مرت بابا ! حتى كان خايبة أما ماكلتها عسل و توصلك المعلومة حتى كاني خايبة ! - أها و إنت فيسع تقبل المعلومة ! ڨحرتلو على جنب و شديت ضحكتي بالسسيف هههه رقعة طلع الوحيد عههههههه - تحشمش عااااد هههههه - .. ماجا بتوش و سكت ؛ - تغششت ؟ -.. باقي ماجاوبتوش ! - أووووه نفد من واحد يتلفني راو - ... كي العادة سكت - ألوووو؟ - تنجمش تسكت درج ياخي ؟ - ياااا هاك تتكلم ! - بالله سكر سكر عمل هكا كب عليا سطل ماء بحذاه - أووووه هاو بدينا بالتفوريخ تو يضهرلي تغشش من الكلمة هههه سكت خاطر ماجاوبنيش .. - أيا تو بعد ماقصينا الزايد الكل باش نحفرو وين باش نزرعو الورد !! أيا أبدا بالحفرة لولة خلي نجبد الوردة من الشكارة بوقت اللي تكمل إنت ! - حاضر .. - فيسع .. بدى يحفر فيها و أنا نجبد في الوردة بالسياسة باش مايصيرلها شيء ! - أيا للا هاي كملت ! هات الوردة - أيجا هزها معاي .. جبدناها و حطيناها و هذي أول وحدة زرعناها شدت بلاصتها - هذي أول وحدة إياااه ! - تو ثانية كي العادة للي كملناهم الكل و شدو بلايصهم و ريڨلنا الأحواض للشجرات الكل أما اللي عجبني في الجنينة هو شجرة التوت الكبيييييرة خطرت في بالي فكرة تحفونة ! أما زعمة هو يوافق عليها ؟ تي تو نشوف كان وافق نعملوها ! دخلنا للدار و كل واحد شد بيتو يدوش و بعد نخرجو نطيبو العشاء ! نهار كامل تعب والله أما نهير ضحك و جو و فدلكة من القلب كملت أنا لبست دبشي شيحت شعري و هبط للكوجينة نحضر للعشاء ! و هو لتو ماهبط خليه يرتاح كان رقد تو يفيق كي يجوع ! صنفت آش حبيت و غنيت والله نهارين أحلى من العسل مرتاحة في مخي من حس مرت بابا و عياطها و تحريدها لبابا عليا أياه يا ربس رتحت والله ! آه عملت طاجين و كسكسي و سلاطة و باش نحضر طارت للسهرية مع شوي قلوب هههه كهو !! - زعمو يخلني نعملها درجيحة في الشجرة ؟ زعمااا ! ولا فك عليا ! - هبلت تحكي وحدك؟ - العزا فيك إنشاء الله ! سخط وقتاش فقت و بلا حس - كان جيت في وعيك راك سمعتني و لا هو عندك حق راو اللي يشم ريحت هالماكلة البنينو يمشي لبعيييييد إييييه والله تسلم يدياتك يا طفلة صنافة طلعتي ! - كان ماجيتش جيعانة مانطيبش هكا ! - بالله صار موش ليا ! - لا لا - ممممم أوكي أوكي هيا حط نرهجوو ! - هيا عاوني قص طاجين خلي نسقي الكسكسي ! و هيكا سلاطة فوحها - حاضر - صحيت فيييسع راني مت بالشر حضرنا كل شيء و حطينا فوق طاولة و بدينا يا نبي مولاك يا نبي مولااااك لييييين شبعنا الحمد لله يا ربي ! - الماعون تو نغسلو أنا ! - إحم إحم ! ههههه كي السبة ؟ - نعاونك ! هاك عمتلي أبن عشاء - موش ليييك ! - باهي باهي ! برا إسبقني للصالة نكمل و تو نجيك ! - باهي و هيكا طارت كملها جيبها و أعمل شوش و تاي و جيب القلوب و إيجا !! - هههههههه تدلل راك عروستي - يزي من المسااااطة - حشمت هيا ! عروستي حشمت ! - طلعتلو لساني طرشق بالضحك و مشاااا خههههه مهبول هذا ! الفصل(27) : نص ساعة و جاني .. جاب الطارت حطها فوق الطاولة ! و أصحنة صغار و قلوب و كل ماهو لازم للسهرية هههه موش باش نصبحو راو ! أما سهرية صغيرة قعد و حط ساقيه وحدة فوق الأخرى ! و يتفرج ! قصيتلو شوي من طارة و مديتهالو - كول رهج - أماااااان هكا تقول ! - نفدلك - ممسط دين أمك ڨحرتلو على جنب و سكت شوي و بعد تلفتلووو - أسمع غدوة ندهنو الكااراج بالدهن هذاكا لواه يبقى خسارة ؟ - باهي. .. كول كول - حط حط فيلم نقصرو بيه الوقت حط ! - هيا هيا ! هاو خذا تفرجت فيه قبل تو يعجبك ! كهو نتفرجو فيه هو شوي رعب على شوي رومنسية مخلط ! 00:30 .. - ديسق يا ديسق ! - ممممممم - فيق برا شد بيتك فيق ! و أنا مكبشا فيه كي البقة ! بعد الدمومات و الهم اللي تفرجنا فيه الله لا تربحوو ركبلي رعب ! أما في نفس الوقت راقدة عندو سيبتوش ههه خاااايفة (مبن ريحتوو) هههههه حتى راقدة و بعمالي ! - ديسق هيا نهزك لفرشك هيا ! و أنا رااااقدة نجبد فيه خميري هههههه - ديسق قوم ! - .... و أنا باقي ساكتة ! - باهي للا هانا قاعدين هنا أرقد مسكين والله .. جابلي ملحفة و غطاني ! الفصل (28) : قمت الصباح رقدت مرتاااااااحة يااااا شبيه راقد هنا ! تي لاااا علاه راقد هكا زحح ! ظاهر فيه تعذب ليلة كاااملة هكا هذا ! زحح يعطيني منعولة إنشاءالله - إيراد يا أيراد ! -... ما جاوبنيش ! جبدت روحي بشوي منو و طلعت لبيتي دخلت دوشت و لبست دبشي و هبط نجري باش نحضرلو فطور ! دخلت للكوجينة لف لف حضر كل شيء و حطيتو في الطبق و مشيت ناديلو نفيق فيه ! وصلت نلقاه كي البيبي راقد شعر دووووب ماهايج شوي ! شوافرو عينيه شفايفو صدروو ! يحححح يما يما عليه - إيراد يا إيراد - ممممم نعم - إيراد فيق باش نفطرو ! - مممم هيا ! رجع رقد سخط ! عديت يدي على وجهوو بشوييي بشوي لين وصلتلو لصدروو ! شدلي يدي على غفلة ! -فاااااش تعمل يا ولدي ؟ -و إنت فاش تعمل ؟ حشمت و طبست راسي لوطة ! جبدني بقوة من يدي ليه لين طحت فوق صدرو العين في العين جات ! شعري كل فوق وجهو ! حط يدو ورا ظهري من تالي ما خلانيش نقوم ! و بقى يخزلي راااااه ذوبني قتلنيييي - تي سيب سيب ! - لا لا لاااااا ! لواه نسيب فيك متاعي إنت ! - شنيا ؟ شبيك ؟ - ياااااا ولدي سيب سيب قوم أفطر قوم ! - تي قووووووم سيبني ! شدني جبدني ليه دور يديه على راسي و شدني من شعري من تالي و جبدني لييه و بدى يقربلي بشوي بشوي .. قلبي يضرب في 100 و باقي قاعد يقربلي و أنا حتى مانجمتش نبعد عليه نفس متاعو في وجهي هابط طالع هابط طالع ! و بدى يقرب أكثر لين شفايفو وصلو لشفايفي غمضت عينيا وصلت لعااااالم آخر بعييييد ! عالم محلاه كلو ورد تصويرتو فاتت الخيال عالم وااااسع محلاااه ماجبدتش روحي منوو ! بقيت سيبت روحي عليه حسيت بدني رزن عليه هههه سمينة راني ههههه - حم حم حمممممم ! حل عينيه و طرشقنا زوز بالضحك ! ضحكتلو ضحكة صفرة كلها شر ! فقت على وضعي و ضربتو بكف و طلعت نجري لبيتي ! خلط ورايا يجري و لقا الباب مسكر ! طاح يدق و يدق و يدق و أنا ساكتة - ديسق يا ديسق والله مانقصد ! يا ديسق وينك يا ديسق ! - .... دق دق و مشى ! حليت الباب ما لقيتوش ! هبط نلقاه يفطر في الكوجينة الفصل(29) : هبط لابسة دبشي ! لليوم باش ندهنو الكاراج -ميسيو حضر روحك للخدمة ! - حاضر - إي و لم البلاصة و أغسل كاس القهوة و اللي خمجتو ؛ - حاضر - فيسع أخلط عليا هاني نستنى فيك تبطاش - حاضر - جيبلي قهوة في يديك ! باش نعمر راسي - حااااااااااضر فك عاااااااد - شبيك تعيط ! حقرني و يغسل في كاسو و يلم في الطاولة و أنا هبط لوطة غاضتني منوو كيفاه يعيط صحيح مستانسة بيه الفعل هذاكا أما ماتصورتوش منو هو هبط و دمعتي على خدي تي حكاية عادية و أفرغ من الفارغ أماااااا تغيض ! ربيع ساعة و خلط عليا يزفر و ماعلابالوش باللي عملوو ! مسحت دموعي و خذيت القهوة من يديه ! و مديتلو فوشة و وريتو منين باش نبدوو دهينة ! ... انا سارحة في زينو و لحيتو اللي بدى هابط طالع على خدي بيها تي رااااااي عسل مغمضة عينيا و ريحتووو عقدتني يحححح تي كابس عليا بقوتو بدنو عصرني بين يديه - ياااااااااااااا هكا - هههههههههههههههه صار إنت هكا ! تحب بوستي ! تحب لحيتي ! تحبني دونك ! و أنا مبهمة فيه نخزرلو و نسيت ءش عملي في وجهي .. و أنا سارحة مغمضة عينيا مشى في بالي باش يبوسني ياخي عدى الفوشة معبية بالدهن في وجهي و على شفايفي خرااااااا هذا - هههههههعععهههه - تضحك سي شباب كان تفدلك راو خراااااا تفدليكك - تحبني أص أص أصصصص - أوووووووه منك إبعد سيب سيب باش نروح سيب - تي أيجا إيجا هناااا إيجا ! و جبدني من يدي ! - سيب سيب سيب !! هبط على ركايبو ! - سامحني سامحني سامحني و انا باقي متغششا ههههه طمعني الخرا و جبد بيا سخطة هذا ! - ممم إي قوم قوم كهو - سامحتني ؟ - سيب كهو هيا كهو الحيت كمل ! باش نطلع للدار ندوش و نقيل ! - باهي أطلع و هاني خالط وراك ! - باهي .. طلعت نتلهمص و الدهن في وجهي يعطيه منعولة ! ملا تفوريخ فيه بفففف أما هههههههههه حلبت على روحي أنا و شلق بيا كيفاش نحبو زعمة ؟ دخلت للدوش دوشت و لازمني نخمم في طريقة باش نخليه يزيد يقربلي أكثر ! الماء هابط عليا وجات لبالي لمستوو ! و بوستو عديت يدي على شفايفي ! آآه ؛ يا ربي راو قتلتني ها الراجل ! - ديسق يااااا ديسق ! - نعم هاني في الدوش ! آش تحب ! - أسمع فيسع فيسع عنا وين ماشين راو - وين - تي كمل ساعة و بعد تو تعرف أسمع إلبس خارجين رانا ! - باهي باهي كملت و لبست خرجت نلقاه يستنى فيا في الصالة - لتو ياخي هيا معادش بكري هيا ! - تي قلي وين ماشين - هيا تو تعرف ! - كي تهزني للفينڨا ! ڨحرلي على جنب هزني و حطني و قلي بصوت كلو غل و غش - تحرك قدامي تحرك و الشورط اللي لابستو موش طويل علاه مازدتش نقصت فيه ؛ - لا لا هكا سافا ؛ - إنت جمعة تو نحيت خمار هبلت ها طفلة كنت حليلتك - حاجة تخصني يضهرلي .. - باهي باهي أوكي سامحني للا ! - هيا معادش بكري عاد كنت تزرب فيا راك ! - إمشي قدامي إمشي ! خرجنا ركبنا في الكرهبة ! ساعة بالوقت و لقيت روحي قدام حجامة كبيييييرة ! - آش نعملو هنا ؟ - أدخل تو تعرف كل شيء ساعة ! - باهي ؛ هبط من الكرهبة دخلت لقيت زوز بنات فرحو بيا دخلوني وروني برشا روب باش نختارهم أما اللي حلات في عيني وحدة كحلة طويييلت يديها دونتيل ! و ظهرها زادة ! و صدرها عريان شوي ! و ضيقة من اللوطة بحكم شعري طويل يغطي كل ما هو عريان ههه ركحولي ضوافري و عملولي شعري على جنب و كعبات بالبابيليز و قصتي هابطة على عينيا ! روج غاااااامق في فمي ! و ماكياجي غامق زادة ؛ طلعت الحاصل تحفونة موش خايبة ! دبة إي أما أنا عطيت الزين للماكياج و الروبة هههه شبيهم البطابيط مايضحوش ! الفصل (30) : سويعتين تو 18:30 ! حضرت خزرت للروحي في المراية تي هي نعدي روحي هههه - صحة مادام صحة ! ماداااام ؟ شبيها هذي ههههه - تيك صحة عيشك -مدام راجلك يستنى فيك لوطة ! و إنشاء الله ترجعلنا مرة أخرى عاااااد ! هبط ريتو ماشي جاي و يشوف في الوقت ! خرجت من الباب هز راسو شافني تكى على الكرهبة و بقى شاهق ههههه وصلت حذاه حطيت يدي على فمو - سكر سكر ذبان داخل خارج خييييت - .... و ساكت مازال يستوعب في اللي يشوف فيه قدامو مسكين حتى أنا قنبلة بأتم معنى الكلمى هههههعع - فشلتني ! خرااااااا ماشب دين أمك - ريت ريت محلااااني ! و هاك ناوي تبدلني بأخرى - والله ما تتبدلها إنت يا بنتي أص أص - ماقتليش وين ماشين راو - ماني نسيت أنا .. _ آش نسيت زادة - أيا إركب تو نحكيلك في ثنية ركبنا زوز بعد ما حلي الباب و باسلي يدي هههه يا للا يا للا لواه هذا الكل ؟؟ - وين ماشين وهو يسوق و يبربش في التيليفون - عرس صاحبي نسيتو من بالي جملة ! - ووووه و الروبة و لبستك و حجامتك وقتاه تفكرتهم ؟ - جيستومون ! بعد ما دخلت إنت دوش جاني تيليفون من أصحابي باش نمشي معاهم ! و مانجمش نخليك وحدك في الدار أولا خاطرك خوااافة و ثانيا تبدل جو هو يحكي و أنا زدت ما تسحرت باللحية اللي تحصرت هو يحكي و انا ساكتة هااااايمة و سارحة ههههه دار على غفلة لقاني كاشخة فيه - هاهي ها طفلة و طرشق بالضحك ههههه - شي شيء ! - مالا فاش سارحة و شبيك تغزرلي هكا أول مرة تراني ! - لحيتك - شبيها ! - .. سكت هبط راسي و حشمت زح و هو باقي يضحك بطووووول صوتو سخطة هذا ! - لحيتي لحيتي و يحك فيها بيديه و يعملي في فازاة بعينيه و يهز في حاجبو ههههه حسسني اللي هو يحب على بوسة ههه مهبول ! - هيا بركا هيا هاو قريب نوصلو و تو نروحو ! و تشبع بيها لحيتي !! وصلنا حط الكرهبة ! و دخلنا للصالة كبييييرة مضخمة و ناااس الكلها شيك في وصتها أحنا نمشيو الناس الكل تغزرلنا و بصراحة حسيتهم يحكيو ههههه علينا تقول نحنا العرايس ! مشينا سلمنا عليهم ؛ و صاحبو أول مرة يراني ! و مشينا شدينا طاولة و قعدنا كي الناس الكل مشى جاب كاس باش يشرب و خلاني وحدي ! أنا هكاكا و حاء طفل يتراما باين سكران أمااااا يااااامي حليلتو و مشبوووو كلااااس و مضخم أسمر عسل و عينيه خضر و حرجو أكحل بدن و لبسة يفتق والله مانحكيلكمش أما ريحتو شراب العزا ؛ خساااارة باين ماركة بنات و سهريات أنا ماعطيتو حتى إهتمام - تسمحلي في شطحة - وي Avec plaisir شدني من يدي و هبطني نشطحو حط يديه على ظهري من تالي و يد الأخرى في يدي و نشطحو كي الناس الكل ! و على دورتي تلفت نلقى إيراد ياااااامي ماكلني بعينيه ماااااااااكلة ! كان ما جوش العباد وقتها رااااااو كلاني بالرسمي ههههه جاني جبدني منو بالقوي و كمل هو يشطح بيا ! - آآآي وجعتني راااااك بشوي كبسلي على يدي بالقوي و يدو لأخرى في ظهري ! تعدات سهرية تهبل الحاصل أما إيراد الغش يهز فييييه و ينفض ! وفات السهرية و روحنا ! الفصل (31) - ديسق إيجا هنا - نعم ؛ - طحان أنا ؟ - ووه !! شنيا هالكلام لواه - جاوبني بااااالك طحان أنا تشطحلي مع هذاكا ! - مممم صار على هذاكا إنا لا حبيت تجاوبني في الكرهبة و لا تكلمني و مروح ترحي في الدخان ! - جااااااوبني والله أول مرة نراه هكاكا زححح كشاكشو على برى و يعيط بطول صوتو ! - شبيك تعيط ! - ماتقليش شبيك تعيط سكر فمممك ديسق سكر ! علاه تشطح معااااه علاه دور بيه - ما كلمتوش هو جاني و كي خليتني إنت وحدي و تتضيحك مع هذيكا ماريتش روحك ! كلمتك أنا - ما يجيش ربع ساعة من اللي خليتك - إي مهم خليتني - ترجع في فازة معناها إنت ؟ - لا لا نقصدش أما شتهيت نشطح معاه و زيد ماهوش دوني حليلتو هو هز يدوووو و جبد عليا بكف شفتي على البلاصة طرشقت بالدم - هذا باش المرة جاية كي تجي تشطح معاه يجي بين عينيك تولي تشد بلاصتك و تريض توريلي في قدك و قايمة توري فيهم و الروبة بالله الفونط اللي على جنب لواااه هذاكا الكل ! و لا ظهرك اللي مهدع تي كي قدر عليك ربي رديت شعرك عليه غطيت بيه ! و أنا شادة خدي و نبكي بالشهقة و شفايفي بالدم وهو ما شافهمش يعيط و هايض نحمد ربي ماقتلنيش أما لواه هذا الكل ياخي - آش .. دخخ..لك إنت ! حتى الكلام نجمتش ننطقو الكل يعطيه كسرة في يديه إنشاءالله - لواه ؟ آه لواه ؟ يا للا أنا باقي مع لولاد لتالي و نسمع فيهم فاش يحكوو ملا فخاض ملا زين محلا شعرها و تلفتلي واحد يعملي منين دبرتها !يعجبك هذا إنت ؟ - باقي دموعي هابطة نخزرلووو و هو يحكي و متغشش هزيت روحي و طلعت في الدروج للبيت باش نبدل دبشي و نسمع فيه دڨدڨ طاولة في صالة شكون هو باش يضربني و يمسني ياخي بانا حق يمد عليا يديه ؟ نسمع فيه يكسر و يدڨدڨ و هااااايض تقول عليه أسد و لبوتو فكوهالو قتلوها لواااااه هذا الكل ! لبست دبشي و هبطلوو ! دخلت للكوجينة عملت طرنجية و صبيتها في كاس و قلت هيا خليني نمشيلو ظاهر فيه هدا شوي ! دخلت للبيت نلقا يديه بالدم كسر مراية بيت النوم و مرمي على الفرش يخزر للسقف كثر من الشرب خاطرو ! -ووووه شبيها يديك خراااااا آش عملت في روحك الهم هذا - سيبني إبعد عليا تمسنيش إبعد - تي إيجا هناااااا ما أصح راسك - سيي..ب سيب بااااالع بالشرب مشيت مديت آلكول من القجر و فاصمة و نظفتلو يديه و لفيتها في بونداج ! نحيتلو سباطو سقيتووو الطرنجية و نحيتلو دبشوو ! بالقطعة بالقطعة ! بدنو سخوووون ! أخرج يا ديسق أخرج خير من اللي يصير البلا الليلة أخرج وليت نحكي وحدي كي المهبولة - ديسق نحبب.... - ارقد ارقد ! - نحببب - أرقد قتلك - تخلينيييي.....ش خلي...ك هنا.. - يحكي كلمة و 10 يقص عليهم تالمون شارب ! جيت خارجة شدني من يدي و جبدني ليه طيحني فوقو - تخلييي...نيش هاك معاي .. - سييبني باش نرقد عاااد ! - ههااااك ... مع..ا ..ي و رقد و خلاني فوقو حبش يسيبني هو ! مكبش تقول عليه طفل صغير نخزرلو كيفاه راقد والله تقول ملايكة أهيااااا اللحية اللي هبلتني أهياااا حطيتت يدي عليها و نمس فيها و نعاود هههه ما كذبش كي قلي بكري تو نروحو و تشبع منها ! طحت نبوووس فيها و نعاود ؛ هههه مبننننها ! أما كان عملتها و هو فايق خير ؛ ديسق يزي من الهبال بربي متاعك ! الفصل (32) : رقدت مع يدين الصباح والله كيما خلاني لقاني الصباح فوقو بعد اللي مكبش فيا ليلة كاملة فرد جنب سخط لا تحرك لا دار مشى في بالي مات أنا ياعة ساعة نشوفو يتنفس و لا لا ! هعههههه ملا هبال - ديسق ! -مممم - قوم قوم فاش تعمل هنا ؟ - خليني نرقد أمااااان قام بشوي مسكين ! حبش يفيقني ! شالقة بيه أنا أما غالبني النوم والله كان نقوم لما نطيح على البلاصة بالنوم معادش فيا قام خرج من البيت و خلاني على راحتي ! 11:00 دق البا و دخل ! - ديسق !! قوم عااااا خمرت راك هيا قووووم - مممم مازلت مازلت !! - هيااااا عاد ؛ حليت عينيا نتكسل شعري مشبشب و حالتي حليلة - صباح الخير ! - صباح الفل حطلي طبق فوق حجري في الفرش فيه الفطور و فيه وردة حمرا ماأشبها ! و ورقة مطوية و خرج حليت الورقة " سامحني .. و يدي اللي ضربتك يعطيها قصة " لطف عليك ياحبي اللطف يراه في راس اللي يكرهك ! لطف - إيراد يا إيراد ! نسمع في الكرهية خدمت طليت من الشباك ريتو مشى ياااااا ! وين مشى زعمى هذا و خلاني وحدي زححح فطرت و لميت الدار. و االي كسرو هو الكل حييييتا يا ربي هذا آش ناقص تو عفست على ڨزازة زح دخلتلي في رجلي يااااامي تووووجع تي وينووو الخرا هذا ؟ مشيت نعكل بشوي نظفت الجرح و لفيت ساقي و تكيت في الصالة و حليت التلفزة .. 13:00 . 14:00 و هو لتو لا فما ريحتو وين غبر الخرا و أنا جيعااانة و ساقي تشويت فيها ! خذاتني عيني رقدت ! و هو لتو لافما 19:30 باش تحل الباب و نسمع فيه داخل يزفر - عروستيييي عروستي وينك هاني جيت - هاني هوني في الصالة إيجا دخل شاف ساقي هكاكا تفجع ترمى عليها يقلب و يشوف شبيك لباس آش صار ؟ - تي ماصار شيء تخافش تخافش عفست على ڨزازة صغيرة تخافش - باهي ماهيش توجع فيك مهم ! - لا لا تخافش ! - باهي أيا إلبس هاذم و هيا - وين و أنا ساقي هكا - تخافش موش بعيد هنا غمزني و خرج يستنا فيا في الكرهبة جيت نشوف ووووه هاذم باش نلبسهم شبيه هذا هبل ياخي ! مايوو أكحل بالكاش متاعو هو محلاه أما لواه عهه و الدار في جبل ؟ على شنيا ناوي هذا ياخي ! لبستهم و خرجت نكوع ههههه لين وصلت للكرهبة طلعت و مشينا -وين ماشين ؟ - تو تعرف أصبر ؟ - باهي قريبش نوصلو ؟ -شد ساعة هذي نربطهالك على عينيك و بعد تو تعرف كل شيء ! ماهيش بعيدة درجين ماكس !! ربطلي عينيا و رجع يسوق درج و سكت الكرهبة و دار حل الباب و هبطني شدني من يدي و قلي تبعني و بلا حس وشوشهااالي في وذني بشوي لين حسيت قلبي يدق يدق يدقققق شادلي يدي و يجبد فيا بالشوي حس موجة بحر و رمل هههههه - جبتنا للبحر - نعن .. حسيتو تغشش عههههههه بااااز حرقتلو الفيلم نحالي اللي على عينيا و كاااااااااان تراو اللي نرى فيه أنا تو و تحسوووو يااااامي ماشبها البقعة و مزينهاااااا قعدة على الرمل و شمووووع في كل بلاصة و الورد و الأنبابل قلوووب حمر في كل بلاصة وين نتلفت نلقاااااهم في كل وين تركح عيني يااااااا عيني زغللت بالدموع و يدي على فمي مانيييش مصدقة - عاجبتك ؟ عمتلو أي برااااسي و باقي عيني في كل بلاصة الفصل (33) : جبدني من يدي بشوي و هبطني معاه باش نعومو - ياااا تو هههه لا لا يزي بلا هبال أمان يزي - هيا هاك معاي تخافش إيجا سحرني رااااااو هبلني بضحكتو تي وووووه على ديسق و على همك يا ديسق راو بااااش يقتلك طحت نتبع فيه كي المهبولةو ماشية معاه باش نععومو ههه مهبووول والله حضني ليه و عدالي يدي ورا رقبتوو و حطلي ساقي بين ساقيه و يمشي و يجي في الماء - ديسق ! هزيت راسي و خزرتلوو - نعم ! وجهي و شعري تبلو يهبط و يطله فينا تحت الماء - في بالك بحاجة - لا لا ! شنيا إنشاءالله خير ؟ و وراني بصبعو باش نخزر تلفت - ياااااااااااااا هههههه كلمة نحبك بالكبيييييير بالشموع و الأنبابل طايرين نڨزت عليه نبوس فيه و نعااااود هههه قتلتو تي حتى ساقي اللي تحرق فيا الجرح مانيش حاسا بيها قد ماني حاسا الفرحة في قلبي هبط شعري على عيني نحاهولي بيديه و هبطلي على شفايفي كلاااااااااهم كلاهم ماكلة بعد ماااا قتلني بخزرتووو - إيراد نحبك راني ! بقى حال فمو و يخزرلي - شبيك تو تكلمت ! نبرة صوتو تغششت هههه - إي نحبك و نعشقك نحب لحيتك نحب ضحكتك نحب صوتكنحب مساطتك نحب بلادتك نحب بوستك اللي هبلتني و هزتني لعااااالم ءخر نحب غيرتك نحبك نحبك نعشقك - هبطوو دموع فرحتو و عنقني و هبط لوطة تحت الماء و يبوس فيا هههه ملا مهبول هه خرجنا هز المنشفة و ينشفلي كي الطفلة الصغيرة ! في شعري و في بدني نحالي الكاش مايو و بقيت في المايو و أنا بزة أما حطني بشوي على رمل و قعد جنبي après tout هههه يعدي في يديه من وجهي لشفايفي ل رقبتي لصدري حتاااااكش للي وصل لصبع ساقي - ريت البدن هذا متاعي ! ملكي ! إنت دبتي إنت فرختي أنت بڨرتي هههههه طرشقنا الزوز بالضحك و عديت يدي ورا رقبتو و جبدتو ليا و هزيت راسي شوي و لعبت بخدي على لحيتوو و بستها يماااا راهي تقتل و اللي معرسة تجرب تعملها ههههه و شوف راجلك آش يعمل عههه - لحيتك متاعي ! شفايفك و ضحكتك و إنت بكلك ملكيييي لفني في المنشفة و هزني كي البيبي معنقني و هزني طلعني في الكرهبة ! و راجعين مروحين ! - علاه فيسع ياخي خلي نزيدو شوي ! - هيا هيا فما حاجة أخرى و زاد غمزني ! - ههههه مهبول ! هيا شوقتتني ! وصلنا للدار دخل الكرهبة للكاراج و ما خلانيش ندخل للدار ألا ساقي ساقو !! حل باب جنينة مغمضلي عينيا بطبيعة ههه - تي هيا آش فما يااااخي ! - هيا حل عينيك ! حليت عيني ! و ياااا - لا ناوي تجلطني إنت ! هههه تي راااااااااك مهبول مهبوووول ! جنينة كللللها نوار و شمووووع تي لاااااا و الدرجيحة في التوتة ! مزيننننها بيضا و مغلفا بالنوار يااااامي محلاااااها ملا مهبول ؛ - وقتاه عملتو هذا الكل ؟ - مايهمكش في الوقت ماعندو حتى قيمة للحاجات هذي مهم إنت تبدى راضية ! و الفلوس تعمل المستحيل ! يمكن تستغربو كيفاش ماشلقتش بالكلمة و لا تقولو هو شببيه يحكي أصلا هكا ! طريق كلوووو ورد لوطة في القاع و شموع مضويه ! تي لااااا حتى الدار لداخل هكاكا ! حتاااااكش لبيت نوم و أنا حالا فمي نغزر شاهقة ! داخل بيا معنقني و أنا كي المهبولة باقي شااااهقة و نخزرلو و نعشق فيه كي البهلولة دخلني لدوش !! دوشلي و مافيباليش هذا الكل خططلو باش يعمل آش يحب ! حطني على الفرش ! ..... بوس تعنيق ! و القلب يضرب في 100 نحس في اللحظة معاه كيما كل طفلة تتمناها مع اللي تحبوو ! داااايخة في زينوو و هابلة على قوتو اللي تزيد كل درج ورا خوووه ! دحنيس و بوووس ! لين عنل اللي في بالو خذا ءش حب مني برضااااي أما أنا ماشي في بالي تحل باب العرش في وجهي و باش تزهالي الأيام ؛ ياخي طلعت مخبيتلي الهم و الغم صااار اللي صار ! كمل اللي بداه باسني من جبيني ! و ضحكلي ؛ و رمى روحو على الفرش و رقد خلاني موجوعة ! بالسيف نتحرك ! و البيت بردت خاطر خلا شباك محلول و الوجايع شدتني في حزامي ! تعبني برررؤشا و وجعني ! عظم صحيح ما بقاش فيا لفيت روحي في ملحفة و رقدت موجوعة ! للصباح ! فقت ما لقيتوش جنبي ! قمت لبست سوريتو هو و خرجت نلقا في الصالة ! Passeport و أوراق سفر لإيطاليا بإسمي ! و زوز ملاين ! و ورقة مكتوب فيها بالكبير "تصفية حساب و الفلوس تشري كل شيء " ووووه شنيا الكلام هذا ! ءش يقصد إيراد و علاه حكى هكا معاي ! آش معناها ! حتى طلبتو بالفيكس ماهزش ! نصف ساعة نسمع في الباب تحل فرحت في بالي حبي جااااء ! باش نعرضو في الباب نعنقو نبوسوو ! نلقاها أموو ! - ءش تعمل إنت هنا ؟ - مداممم ..... تلكونت في الكلام ! نجمتش نحكي - أخرج عليا من داري أخرج ! - مداام ... - تي قتلك أخرج ! طلعت للبيت بعد ما هزيت الأوراق و الفلوس لبست الدبش اللي جيت فيهم و خرجت دموعي سبالة ماني فاهمة شيء ! مانيش عارفة على روحي وين نمشي أقرب تاكسيفون لقيتو قدامي كلمت إيراد ! - وي إيراد وينك ! شنيا الفلوس و الورقة آش معناها ! - إيجا هاني في مطار تونس قرطاج ! - باهي ! ساعة باش وصلت للمطار ! دخلت ريتو واقف ! مشيتلو - إيراد ؛ تلفت ! و كرشق بالضحك - شنياااا.. حط يدو على فمي و قلي - أص خليني نحكي تو تفهم ! - أص خليني نحكي تو تفهم ! عمتلووو إي براسي ! - يمشيش في بالك نحبك ! لا يمشيش في بالك اللي حكيتو صحيح ! لا ! يمشيش في بالك اللي حسيتو معاك أول مرة و إنت حب حياتي و هاك الأفلام الكل ! لا !! هذاكا الكل مستواك و قيمتك طرف فلوس كهو ! هذاكا حقك ومتتاع البارح و تعبك هههههههه تو تاخو طيارتك و تمشي لخوك ! و سلملي عليه يا شريفة ! و أنا دموعي هابطة سبالة ماشي في بالي حبني ! أما أنا حبيتوو شنيا ذنبي و اللي صار معاه ! و اللي حسيتووو كلو كذب ؟ عللااااااه يا ربي علاه ! الجزء الثاني : الفصل(1) كل ما نحل عيني نتذكر اللي حكاه ننقم ! كل ما نخزرلهم نحب نقتل روحي تعبت و فديت و روحي باش تطلع معادش لاهية بروحي بالرغم اللي ما نقصني شيء من الزين أما لواه و لشكووون ؟ ليلة اللي ركبني في الطيارة بعد ما قتلني بكلامو نتذكر وصلت لإيطاليا الصباح عرضني خويا غادي و أنا معااادش فيا دايخة و عينيا حمر شافني هكاكا نڨز عليا يسأل آش بيني هكاكا و آش صارلي !! - يا بنتي أنطق تكلم شبيك و عادي بروحي معاه نخزرلو فقت كان 19:00 في السبيطار حليت عينيا نلقاه بحذايا شادلي يدي و يبكي مسكين والله سخفني توحشتو توحشت صدرو الحنين توحشت ريحت أمي اللي فيه توحشت خوفو عليا آآآآه يا آمي آش باش نحكيلو ؟ آش باش نقلووو - هاروو....ن هز راسو لقاني حليت عينيا ! طاح يبوسلي في يدي ويعاود و يبوس - حمد الله حمد على وخيتي حمد يا ربي لباس تخافش ما فما شيء حمد لله لباس - أنا؟...و..ين - أص أص ؛ تقلقش روحك ! أص إرتاح ! - ... جيت باش نتكلم حطلي يدي على فمي ! نهارين و روح بيا لدارو وين مرتوو غديكا لهات بيا مسكينة نااااس ملاح والله يرحم والديها توكل و تشرب و هازتني و فرحانة بيا على خاطر هارون هههههه سلعة ساعة تبدى تحكي معايا بالطليان نفهم موش مانفهمش نفهمها كي تقلي اللي أنا نشبه لهارون برررشا هههه مافيبالهاش اللي نحنا تواما هههههه - آ ماحكيتليش آش بيك جيت هكاكا ! و شبيها حالتك ! - مممم ... بقيت نمهمه و مالقيتش الكلام ! ضيعت البوسطة هههه - تكلم تعاركت مع إيراد ! أحكيلي شدني البكاء كي سمعت إسموو و مانجمتش نكمل و مشيت نجري شديت بيتي ! قداش كرهتو هاك العبد و قداش كرهت حياتي وين تجي عيني عليهم نتفكرو هو تو شهر في إيطاليا بحذا خويا و إيراد لا طلب لا سأل عليا ؟ و متأكدة ماهوش باش يعملها ! مرت هارون إسمها نرڥين و أنا ناديلها كي هارون عيشوشة ههه قمت الصباح دايخة و خواطري دايرة خلااااايق متاع السماء متاعي في سباطي دخلت للدوش قمت نرد و نجي على راسي سمعتني جات تجري و تسأل فيا بالطليان ! شافتني هكاكا تفجعت عليا مسكينة حكيتلها اللي صار الكل مع إيراد بقات بوشبي ! و تخزرلي مسكينة رات دموعي و عرفتني نحبو و نموت عليه و هو عمل الخايب معاي قتلي نمشي نجيبلك تاست من الفارماسي تجربو تنجم تكون حبالة هذي ! و أنا قلبي مقبوض والله كان يسمع خويا يقتلني و لما يهبطلو هاك الطحان !! جابتو و جات فيسع دخلت فيسع للدوش عملت ستنيت شوي و بعد شفت آآه راي قهرة فم وين كانت الغلبة و المصيبة طلع بوزيتيف التاست شدني البكاء و القهرة غصة في صدري قهرتني و هيا طبطب عليا في الباب و منها حلت و دخلت تسأل فيا خذات من يدي التاست فرحت مسكينة هههه تي طارة من الفرحة و عنقتني و تسكت فيا و تفهم فيا اللي هذا آش كاتبلي ربي و اللي صار صار تو دبرتلي خدمة في مطعم باش نجم نلمد و نصرف على أولادي نولد و بعد نكمل قرايتي ! الفصل (2) : روح هارون في الليل للدار نسمع في عيشوشة تحكيلو قام يصيح و يعيطلي أنا قلت ساي قتلني ! كلالي قلبي الليلة دز الباب بساقيه و دخل عليا ! - شكون ! وقتاه ! - إي .......رااا .. - تكلم أحكي شكون راني قتلك طحت نوكوك و دموعي هابطة و يعمل هكا يجبد عليا بكف و شدتلو عيشوشة يديه و تجبد فيه و أنا غااارقة في دموعي بالشهقة - أيراد ! إيراد إيرااااد صاحبك اللي خليتني عندو و عطيتو كل ثقتك و أمنتو عليا إيرااااااد و دخت قمت ضاربني ضو في عيني حليتها بالشوي راسي ثقيييييل و يوجع فيا على الآخر قمت نلقى خيوط في يدي عرفت روحي في سبيطار دخل طبيب يطمن عليا و معاه عيشوشة فهمت اللي هو يوصي فيها خاطرني حبلة و لازمهم لا بغششوني و لااا يدورو بيا !! تطمن عليا الطبيب و خرجت روحت بيا للدار و قتلي اللي هارون متغشش على الآخر و كشاكشو تتناطر للسماء و شدتوو بالسيف على الهبوط لتونس كان ماشيلوو وصلت للدار عملت دوش وشديت بيتي نبكي و نتفكر في همي لا عشاء لا كليت و عيشوشة متعذبة بيني و بين خويا قمت الصباح نلقى فطوري و ورقة مكتوب فيها اللي عيشوشة و خرجت تقضي قمت فطرت عملت دوش و اليوم حياة جديدة باش نحافظ على روحي و على ولدي و لا بنتي اللي جاين في ثنية نخدم و بعد نرجع نقرا على روحي و أولادي عند مرت خويا نخافش عليهم شديت المقص قعدت قدام المراية و قصيت شعري أغلى حاجة عندي اللي كانت لاهية بيها أمي و كانت تحبها قصيتو لكن مرة هذي كي خزرت لكرشي ما كرهتش روحي لا فرحت اللي أنا خذيت منو حاجة إي منو هو حرمتو منها هو خسر الحب خسر يا ولدو يا بنتو هههه بول عليه اليوم نشد الخدمة و اليوم حياة جديدة باش تبدى زعمة باش نفرح باش تتبدل حاجة ؟ إنشاءالله يا ربي .. شديت خدمتي و بديت نكلت على أيامي تو 4 شهور عندي خدمة تعبت برررشا من الوقفة و من كلام الطليان اللي يكرهو المسلمين كان ما جاش خويا مصبرني في هالبلاد و لا راني مت ماك العام تعبت و فديت نحب نرجع لتونس ميسالش نقبل الضرب من مرت بابا و بابا و لا هالعذاب هذا يا ربي نحب نرجع لتونس لبلادي تعبت والله تعبت و في الشارع نشوف كل مرى حبلة معاه راجلها مونسها و يبشبش بيها و كان أنا نولي نحط يدي على كرشي و نحمد ربي حتى كان حبلة منو تسترت عند خويا هوني حمد لله يا ربي حمد لله آش مازال و نشوف آش عندي في كرشة ! موش برشا ! نشوف حبي اللي جاي من صغرتي نحلم بتواما أما اللي يجي ربي يسهل فيه و يجيبو على خير إنشاءالله نخدم من 10:00 ل 15:00 بحكم مولاه بو عيشوشة مخليني على راحتي أما مانيش تاعبة منها تاعبة من كلامهم و همزانهم دخلت في الشهر الخامس هزتني عيشوشة للطبيبتها باش نشوف آش عندي وصلنا للكابيني دخلنا بحكم عيشوشة خذات رونديفو قبل بنهارين تي فرحانة بيه قبل مايجي هههه سعدونو تي تحضرلو في دبشو و فرشو و بيبرون متاعو هههههه تي حتى من الكوش و الحليب دخلت تكيت على الفرش و عملتلي هذاكا فوق كرشي و حطتلي appareil فوقها و هناااااااااااااااا كانت الفرحة الكبيرة دموعي هبطو بالوقت يااااامي يا ربي تواماااااااااا و 3 تمنيت يكون هو معاي و يشوفهم و يفرح ! و يعنقني دموعي هابطة و شاهقة في الإيكرون هههه و عيشوشة فرحاااااانة طايرة بالفرحة ! كملنا خرجنا مروحين و المرا طااايرة بالفرحة أكثر مني هههه و أنا دموعي على خديا تمنيتو معاي و يلعبلي على كرشي في الليل نبات قاتلني الوحش !! متوحشا ريحتوو و كلاموو و ضحكتو لحيتوووو يا ربي علاه بعدتني عليه ! علاه طلع ساقط ! علااااااه خلي عاد هارون هذاكا يعنق فيا الفووووق و يبوس فيا من راسي هههه الفصل(3) : الشهر 6 و ال7 فيسع ماتعدو و الخدمة دووب ماني مرتاحة خويا يسايس فيا و مرتو عااااملة حهدها معايا ! و معاونتني برشا تو دخلت في شهر 9 و قريب ولادتي بيت ولادي حضرو و دبشهم هههه عيشوشة هاك حدها و فرحتها بيهم أكثر مني ههه اليوم لميت دبشي و باش يهزني خويا لسبيطار باش نولد كهو عاد و صلت حطيت دبشي و أنا نكالي في كرشي فوق قلبي هههه تقول مرا حبلة ههههه تي لا لا تي حبلة جاني طبيب قلي بعد ساعتين تدخل تولد كهو عاد مع 14:00 دخلت للبيت العمليات و خويا و مرتو يستناو فيا البرا ! سمعت صوت اللول و الثاني و الثالث ولااادي جاو مرحبا بيهم و سعدي بيهم فهمت من الطبيب كان كي قال اللي أنا جبت ثلاثة أولاد ذكور ياااا فرحة خويا و مرتوو دخت أثر فيا البنج ! قمت كان بعد وين و وين ! نلقى مرت خويا حذايا في البيت سألتها على خويا قتلي مشى يقيد في الأولاد و سبقتكم بالحديث اللي أنا خذيت طلياني ! باش يقيدلي أولادي بإسمو و نطلقو بعد باش ياخذو جنسيتهم كهو يزي ! دخل يطمن عليا مسكين و يشوف فيا لباس و لا لا قلت لمرت خويا باش تجيبلي أولادي ! خرحت تعيط للفرملية باش تجيبهملي نرضعهم و نشوفهم جابولي وليداتي مشبهم و محلااااا زينهم كي بوهم يعطيهم دووودة محلا زينهم ! هههه لزيتهم لصدري و نرضع بالواحد و هوما ساكتييين هادين لا بكاء لا حس والله دموعي هبطو من غيير ما نشعر - هيا للا هانا قيدناهم تبارك الله على وليداتي و عيني ما تضرهم يا للا هذا يوسف و هذا ياسين و هذا سليم و إنشاء الله غدوا نروحو بيك ! رضعو وليداتي رقدو شبعو بالنوم و مرت خويا جابتلي ناكل و جابتلي طرنجية بحكم الوجيعة مازالت شادة ما حبت تسيب مرت خويا مرا باهية قلبها طيب حنييينة ! مانعرش يمكن كي عرفت من هارون اللي أحنا تربينا يتاما حنت علينا و حبتنا نعرش أما نعرف حاجة برك اللي هيا مرى عظيمة و أحلى كنة والله صدقوني نحبها و حبيت لهوتها ليا و لأولدي والله بنت أصل و إنشاءالله ربي يقدرني و نرجعلها حتى شطر إنشاءالله هذي حكايتي مع إيراد الكلب اللي حبيتو عشقتو عشقت كل تفاصيلو زينو عنادو حتى غيرتو المصطنعة لحيتو حبيتو إي نعم ! حكاية ماهيش طويلة بدات بحب ! و هاني حصلت منو حاجة ثمرة حبي ليه 3وليدات ! يشبهولو في كل شيء تي يوسف عندو نقبة الزين اللي عندو هو و ياسين حرجو أكحل كيفو بالظبط أما سليم كيف مرت خويا هههه عيني زرق و شعر أصفر تقول هههه طلياني أما زادة ولدي زين و عين تو ولادي أعمارهم 4سنين و أنا 28سنة كملت قرايتي بفضل مرت خويا اللي عاونتني في الصغار و كبرتهملي و عااناتهم معاي كان في طبيب كان في لبسة و دوايات حتى أول كلمة نطقوها هيا إسمها عيشوشة يناديوولها عيسوسة تحبهم لأقصى درجة تي تعشقهم أنا قلتلكم كملت قرايتي في إيطاليا ! و وليت طبيبة رجعت لبست الخمار زينت أكثر و تولهيت بلبستي و ستيلي ! معادش هاك الطفلة السمينة الخايبة ! شعري رجع كيما هو صحيح نحن و قلبي يتعب كي نرا ولادي بلا بو ! إي نعم ! نبكي نتعذب أما نمسح دموعي بالوقت و نتفكر كلامو اللي جرحني و شواني وجعني برررشا ! اليوم قررت بعد ما تبدلت حياتي 360° و عشت الهم أكثر نويت نرجع لتونس بعد العذاب ! نخدم في بلادي ! توحشت تونس و ريحتها توحشت الماكلة المحرحرة والله توحشت بابا و مرتو والله ! والله قلبي مات بالوحش على بلادي نحب نرجع نشم ريحتها ريحة الياسمين اللي في الحومة نحب ولادي يتعلمو كلام أصلهم نحبهم يلعبو في الحومة يتمرمدو و يضحكو يبكو نحب و نحب ونحب - هارون راجعة لتونس ! طيح كاس القهوة من يديه شرق و بدا يكح مديتلو شرب رد الروح و تلفت قالي - شنيا ؟ وين راجعة لشكون ! علاه ! بلا راجل ماشية ! - تو بخدمتي و كرهبتي. نمشي نكري نخدم و نعيش في بلادي تعبت خنا والله تعبت نحكي و دموعي هابطة و عيشوشة أعظم مني ههه ماي تعلمت شوي تونسي ولت تفهم فهمتني آش قلت غاضتها على الأولاد ستانست بيهم - أعلاش مااشية لتونس ! - عيشوشة توحشت بلادي صحيح هوني مستقبل أضمن ليا و لأولادي أما توحشت بلادي نحب نرجع غادي إنت هزيتني و عاوتني الفصل(4) : مشيت خذيت أوراق كلينيك في الزهرة ... و كلمتهم على بلاصة قالولي وي مرحبا بيك ريڨلت جوي في الخدمة و عملت صحبة مع وحدة غديكا قتلها راني ماعنديش دار شوفلي حتى جرد برطمان صغيرة نشد بيها يدي لين نشري دار وحدي الحق ماقالتليش لا هيا و عملت جهدها يعطيها الصحة شافتلي دار و حضرتهالي باللي قدرت كهو نهارين و نرجع لبلادي نهارين و نجيك يا تونس نهارين و نمشي لقبر أمي نشم ريحتها و نزورها و نوريها ولادي و نقلها ياااامي هاني جيتك طبيبة ! حضرت دبشي و كل شيء كهو اليوم السفر متاعي وصلني خويا كبدي و مرتو للمطار مسكينة هاك حدها على الأولاد و تبكي هههه تقول متنا و أحنا ماشين لتونس تي 4 سوايع تكون حذانا ! و لا أقل ! - تي هيا أمااااااان عيشوشة يزي تي يزي تو تجينا و نجيك تي هياااا - عيسوسة حبك أنا ويه ! - حبك يا عينيا سليم قلها ههههههه و هيا تموووت عليه - تمشيش توصل غادي تحن و ترجع لآك الساقط رد بالك ! - تخااااافش ! - إنشاء الله ربي معاكم و دددوووب ماتوصل تكلمني هننيني عليك و علاهم ! - بااااهي هيا معادش بكري على الطيارة عنقوني زوز هههههه و يبكيو هههه صحيح باش نتوحشهم أما والله تونس توووونس هيا اللي كلاتلي قلبي بالوحش معااااش نجم . خرجنا من أيطاليا 08:00 تو 15:00 باش هبطنا في مطار تونس قرطاج اللي خرجت منو دموعي على خديا ! خرجت نبكي مقهورة و تو رجعت بأولادي ثلاثة ! رجعت طبيبة راسي عالي للسماء بعد أربع سنين رجعت لبلادي خرجت من باب المطار إيييياااااه مبنها و مطيبها ريحتك ياالخضراء مبها وجهك السمح و محلا ناسك ! خرجت نلقى مروى تستنى فيا الطبيبة اللي حكيتلكم عليها دبرتلي دار و حضرتهالي ! كهو سلمنا على بعضنا بالبوس ههه تقول نعرفو بعضنا سنيين ! عاونتني في هزان دبش و ركبت لأولاد في كرهبتي إي شريتها بتعبي و فلوسي ! و شدينا طريقنا للزهرة وين الكلينيك و الدار ! سويعة من زمان وصلنا للدار حومة نظيفة ظاهرة كراهب مضخمة و فيلات ! داري متحفنة صغيرة فيها ثلاث بيوت و صالة و كوجينة و زوز أدواش و جنينتها واااااسعة -والله يعطيك الصحة في هاالدار ! ذوقك يقتل ههه - حمد لله كي عجبتك والله حمد - إي بالأخص جنينة روعة - ظاهر فيك تحب الورد و الشجر !! تنهدت تذكرت الجنينة - أيا أختي خلو الدبش و الصغيرات ! ماحسيتش بدمعتي كي هبطت من على خديا ! مسحتها ! و سكت تولهيت ندخل في الدبش و نركح فيه والله ماقصرت معاي ها الطفلة ! - ديسق نحب نقلك على حاجة و إنشاءالله تفهمنيش بالغالط ! و تعاوني ! - تو هذا كلام مروى راك عاونتني تفضل قلي آش تحب ! - أنا كارية مع زوز بنات من البلاد ! و متقلقة شوي معاهم كان إنت ماتراش مانع نجم نسكن معاك للي ندبر دار - صار إنت ماكش باش تسكن معاي و باش تخليني وحدي ! - ماو هكاكا مشى في بالي باش نخليك على راحتك - لا لا ي للا تخلينيش وحدي ! باش تسكن معاي و تعاني معاي هاذم ! و هانا مع بعضنا في الخير و الشر نڨزت عليا تبوس فيا من راسي هههه يعطيها منعولة ! - أسمعني جبتلك هوكا فايز الروج متاعك هذيكا ! خوذ اللي يعجبك ! حلتها لقاتها كلها روب و سبابط مضخمين و كبابط ههههه و شكلاااااطة و ماكياجات - يااااااااا شكلاطة - خوذ صحة و تجبد بالوحدة و تشوف و تقيس و تلبس و تنحي ههههه مهبولة - عيشك يا ديسق عيشك - معادش تقولها ! أيا فيسع نظمو الدبش و نمشو باش نتعشو البرة الليلة ! و معانا الصغار ! - إي خلي نجييب دبشي عاد ! - تي خلي غدوة تو نشمو نحضرو رواحنا و نخرجوو الليلة ليلة و فراڨها صباح هههه مدام نهار الإثنين خدمة الفصل (5) : دوشنا أحنا و دوشنا للأولاد لبسنا أحلى ماعنا أنا لبست روب طويلة و فاست دجين و صاندال و خمار نوار و الأولاد كي العادة كيف كيف في كل شيء ! ثلاثة لبستهم صالوبات دجين و سورية منصوفة هههه و كونفيريس بيض ! ثلاثة كيف كيف هههه ماااااشاءالله على عوينااااتي راهم المهبولة لبست روب طويلة و صاندال عالي هههه و سيبت شعرها ههههه مهبوووولة تي لاااا عملت روج غاااامق هههه و خرجنا تو 19:00 ماشيت نتعشو على البحر بحكم صيف تو مانخافش على الأولاد مازالو جمعيتين و وليداتي يغلقو 5سنين ثلاثة كهو كبرت إيييه هههه ركبنا في الكرهبة و قصدنا ربي ! نص ساعة وصلنا لريستو كبييير محلاه دخلنا هزنا الطفل لطاولتنا قعدنا و قعدت وليداتي حذايا هههعع كل واحد في كرسيه ههههه يحبو ياكلووو ذكروني بروحي كي نجوع ههه أما هذاكا قبل يا حسرة تو ديسق ضعفت لهات بروحها ستيل و زين و ڨد إيييه يا ديسق ! تو تلهى بولادك تكبرهم و تدللهم و تعيش عمرك الكل ليهم ! أنسى الرجال و نحيهم من بالك لا يصيرلك كي قبل ! تعشينا و جابولنا ديسار و عملنا جو و ضحكة من القلب معاها و مع صغيراتي ، ههههه اللي شيحولي ريقي من بلاصة لبلاصة ! و يدورو ! أما الحاجة اللي قلقتني شوي هيا وحدة في عمري قاعدة بعيدة شوي علينا هي و واحد عاطينا بظهرو تي لااا تتشوحرلنا ! قام يوسف يجري مشالهم لطاولتهم مشات مروى تجيب فيه وهو شد في فاست الراجل ما سيب ! جابتو و جات تتشوط هههههه قتلي و كااااان ترى الراجل مشبوو ! تي من لبستو عاطيني بظهرو باين شباب ههههه كهو كملنا سهريتنا ! خلصت و خرجنا روحنا - زعمة نعمل صحاب جدد في الكلينيك ! - ويي بطبيعة إنت طبيعتك عسل يا ديسق و تو تراااااا محلاهم طبة الكل غادي والله عز الناس - إنشاءالله يا أختي والله تعبت وحدي حتى أنا اليوم الأحد و غدوا على الصباح نصبح في الكلينيك نخدم كل شيء جديد لازمني نحاول نخرج من العزلة اللي أنا فيها و نحاول نعمل صحاب جدد و باللي يكون لازم لاااازم ننساه الساقط و نحيه من بالي اليوم صباح جديد و عيشة جديدة لازمني نخزر لصغاري قبل كل شيء ! نخدم عليهم و نكبرهم و نقريهم ! ڨمت عملت دوش تفرشكت و ماقتلكمش اللي أنا كلمت مرا باش تجي كل يوم تنظف الدار تنظف ! و تلهى بالأولاد كهو يزي ! حتى العشاء نحنا نطيبو برواحنا لبست دبشي ستنيت المرا لين تجي و ركبت كرهبتي أنا و مروى وخرجنا ! كهو عاااااد قلبي هاو بدى يضرب بالقوي ! خايفة شوي أما ههههه تو نستانس - زعمة نسلك روحي - هههه تخافش تخافش مربوحة مربوحة هههه - تتمنيك مروى والله قلبي ماقايلي خير زحححح حاسة اللي أنا باش نطير من بقعتي هخه - هذاكا من الفرحة يا عيني - أيا بركا يزي من المساطة يزي ماركك هههه وصلنا للكلينيك وراتني مروى وين نحط كرهبتي وين buvette - ياااااااا ديسق كاااااان ترا مدير الكلينيك مشب دين أمو العزا أما مطلق الكازي ههههه - يخليهولك الهم طلعتني للمدير تقابلت معاه صحيح مشبوو كوستيم و صغير في العمر و شبااااااب بارفان تكوخر عيني خضر حشيش و لحية كحلة تقتل و أبيض حليب ياااااامي آآآه ذكرني في الخرا لآخر الفصل (6) تعرفت عليه و هبطني لوطة دورني في البيوت الكل في الكلينيك عرفني على الطبة الكل و هزني لبيرويا أنا اللي كان يااااسر كلاس البلاصة اللي يطل عليها محلااااااها تقتل تي تهبل هو الكلو الكلينيك محلاه تحسو هااااادىء تي أعصابك ترتاح فيه ! كهو عاد درت كيما حبيت عرفتوو نقبة نقبة و شديت بيرويا لبست طبليتي و بديت على بركة الله ! نهار لول ما فما شيء أما نهار الثاني دز الخاطر كيما يقولوها ههههه أنا إختصاصي إيكوو ! كل مرة داخلتلي وحدة حبلة مع راجلها يسايس فيها و يهز و يعاون و يضحك فيها إيييييه تذكرت عامة الحبالة متاعي آآه يا دنيا كهو جمعة تو خدمة في الكلينيك موش برشا تعب شوي ضحك مع الزملاء و اللي معاوني أكثر هي مروى اللي تروح كل يوم بكري باش تحضر العشاء و تلهى بالصغيرات والله وخيتي معاونتي أختي راهي تعاون فيا باللي تقدر .. فرحانة بخدمتي و كجو في حياتي جديدة وليداتي قاعدين يكبرو كل يوم ورى خوه و يعرفو و يا نهارة اللي باش يسألو على بوهم شباش نجاوبهم إنا ! بوكم مات ؟ - ديسق نسألك حاجة و تاخوش في خاطرك مني ! - تو هذا كلام مروى أحكي شبي أختي - وينو راجلك ! أنا قلبي معبي من عند ربي و نستنى في حد يواسيني باش نطرشق و نفرغ قلبي و نحكيلو و نشكيلو همي لين يهزني النوم و نرقد والله متعذبة و شدني البكاء البكااااء و مروى تخزرلي حالا فمها - ديسق ديسق يزي أمااااان يزي شبيك ءش قلت أنا أما باهي بااااهي سامحني يا للا أحسبني ما قلت شيء أكهو - راهي توجع يا مروى رااااااي توجع راو غدرني راااااو قتلني بالحياء طمعني بالحب ستغلني بكلمة نحبك بمشاعر كاذبة رااااو ضحك عليا بعد ما سلمتلو روحي تي راااو عمل هكا بونتو في خويا راو غدرني و طحت نحكليها في اللي صااااار الكل و هيا مسكينة حالا فمها شاهقا فيه الساقط كيفاش تصرف و عمل هكاكا - ياااااا مسقطوووو ! - واالل..ه حب..يت..و والل ...ه كلامي ضاع و شهقة غلبتني نجمتش نكمل نحكي حكيت حكيت حكييييت و نبكي و مروى تصبر فيا مسكينة و تسكت فيا ! و تعنق فيا - يزي أمان تو اللي صار صار هو الكلب خسر ما خسر حد خسر جوهرة ضيع فرصة في عيشة مليان حب و هناء ! هو خسر بول عليييه - نحب....ببووو يا... م..رو...ى باقي شهقة عاملة فيا تذكرت يديه على بدني و نفس متاعو في وجهي تذكرت أحلى ما حسيت بين يديه ! تذكرت اللي تعدى في وقت قصير معاااااه الفصل (7) ليلتها ليلة كاملة و خيالو بين عينيا ما فارقنيش للصباح نوم مارقدتوش ! بايتا نحكي وحدي كي المجنونة زعما عرس زعمة جاب صغار زعمة يتفكرني ! تي راو عرس و نساني ! و جاب صغار ! أما تو يطيح فيه ربي و اللي عملهولي ليا أنا يطيح في صغارو ما يضيع شيء.. قمت الصباح عينيا منفوخين بالبكاء و حمر - ديسق شبي أختي حالتك هكا علاش زحح شبيك ! - ماجانيش نوم للصباح والله تاااااعبة زح - من غير ماتمشي اليوم للكلينيك أقعد إرتاح و تو اللي يسأل عليك نلقى سبلة برا أرجع أرقد على روحك هذا الكل من جرايري أنا الله يعطيني قصة في لساني إنشاءالله - تي أص أص منعولة لوااااه دعاء هذا تو ! برا زمر أخدم و إيجا تو نطيبو عشا يهبل الليلة و نسهروو عندي مديدة على فيلم يضحك نبدلو جو زح جمعة كاملة لا خدمة لا خرجنا لا شفنا وجوه جديدة - بااااهي ! ماتوصي شيء نجيبو في يدي ! - لا لا ردبالك على روحك و كان تحب جيب طرف ڨلاص كهو - حاااااضر ! حضرلنا كل شيء و تو نعاونك فيه العشاء باست لأولاد و خرجت رجعت رقدت جات خالتي محرزية قلتلها اللي أنا مانيش ماشية نخدم ولات من فميكا هزت روحها و روحت صغيرات يلعبو و يتفرجو في التلفزة في الصالة و أنا كيما قلتلكم رجعت رقدت مع حكاية 12:00 و 13:00 صونا تيليفوني ! - آ خردة آش تحب شبيك ! - يااااااااااااا بنتي كاااااان ترا جاء اليوم صاحب مولا الكلينيك عندو مديدة ماشافوش بعظهم و طلع أناهو ! - أناهو زادة هههه - تذكر ليلة اللي خرجنا نسهرو معانا لأولاد ! هاك المزيان اللي مشالووو يوسف يلعب معاه ! و هاك اللمصفارة اللي تڨحرلنا ! - ههههه هاوخيتي بالسياسة عليا و أنا منين نتفكرهم هاذم الكل ههه هاك إنت ماشءالله عليك تنسى شيء - تي سخط و زين هذاكا كيفاش يتنسى تي الهم شيء يكووووخر أصل - هههههههه لا هبلت إنت ظاهر فيك ! - إييييه كان شفتيه تي والله يهبل تي والله عقلي هزو معاه - أنا عندي ياسين و يوسف و سليم زين هذاكا الكل و باش نخزر لراجل آخر ههههه شبيني أنا - إي إي والله ههههه عنا زين هذاكا الكل العسل بكلوو - أيا برا برا أخدم ماسألش عليا مدير ! - تي ماني قتلك من الي جاء صاحبو خرج و مارجع لتو - رد بالك على روحك في المرواح باهي - باااهي تهنى باي علقت و هزت قلبي معاها حسيت حاجة درااااا كيفاش ! حسيت قلبي دق إي إي دق دقة حلوة موزونة مسموعة ؟ آش صار شبيك ها مرا أرقد ارقد إنت عم قالتلي مع 16:30 نكون هنا و تو 19:00 التيليفون مازال مسكر و ريحتها لا و أنا قلبي مقبوض ضربة ضربتين نطل من باب الشارع أوووووووه زح ويني -ماما زعت - هيا تو نعطي ولدي هيا هاني جيتك بابا دخلت عشيت الأولاد و حطيت كل واحد في فرشو و قعدت نضبضب عليها مرة في باب الشارع مرة نطلب مع حكاية 20:00. باش سمعت مفتاح دار في باب نڨزت من بلاصتي جيت واقفة طليت - وووووه شبيك هكا آش صار شبيه هكا هو لبااااس آش صار - عملنا آكسيدون ستدعيتو للعشاء و ضربنا طفلة صغيرة حمد لله لباس ماصارلها شيء و هاك ترا راسو كيفام مجبر راسو ! ساعة مشى في بالنا باش نفرحوك بحكاية - أدخلو ساعة أدخلو برا بدل دبشك إنت هيا معايا ميسيو تفضل دخلنا كوجينة و بقينا نستنو في المرعوشة للي تجي - أيا آش كنا نحكيو مالا ! - تعشى و أص و بعد تو نحكو سربيتلهم الماكلة و تعشينا والله مقتلة ضحك وتفدليك و نتفكرو في أياماتنا في المكتب و كولاج ههههههه مالا مدير و ملا هو هههههه صاحب عمايل طلع ههههههه حتى من الماعون غسلو معايا في الكوجينة هو و المجنونة كملنا و بقينا في الصالة نتفرجو في فيلم لمبي والله بالدموع هههه و ناكلو في الشوش - سامحني بالله ديسق ماحكيتليش على حياتك الشخصية ؛ وينو راجلك ! -سامحني ! أما لازم نجاوبك ؟ - ممم أوكي ! سامحني للا ! - أما هاو باش نجاوبك أنا ماخذة طلياني و مطلقة ! ماتفاهمناش - أهاااا فهمت ! مكتوب - أيا نبداو في الصحيح شبيك بكري قتلي كنا باش نفرحوك بحاجة و لا شنيااا ؟؟ - إي إي أنا و مروى باش نعرسو - ياااااااااااا هههههه من وقتاه ؟ - عندها برشا الحكاية ! أما تأكدة هالأيامات اللي أنا نحبها و نحبها تكون حلالي ! كلامو كان سكينة طووووول في قلبي ! علاه إيراد ماكنش كيفو يخمم هكا !! آآآه دمعتي هبطت من غير مانشعر -مبررووووك عزيزتي إنشاءالله والله فرحتلك من كل قلبي ! كهو كملنا سهريتنا بعد ماتفاهمنا على كونجي باش تكلم دارهم مزروب يحب يعمل عرس طول ! و قالنا باهي ! و هنااااااااا وين باش ناكل صدمة .. الفصل (8) خذيت أنا كونجي جمعتين ! و هيا عاد عروسة باش تضرب شهر و جمعتين أضرب على قلبك يا للا ههههه كلمت دارهم و قالتلهم هوما الحق يستنو فيه النهار هذا بالدقيقة و الدرج فرحو برشا و قالولها اللي هوما باش يبدو في التحضيرات الكل .. أنا و هيا من بلاصة لبلاصة نشوفو في الروب و أناهي لأحلى و نختار في دبش لأولادي و نكملو في شوي تفش للدار دارها هيا ! كهوو عديناهم أيامات ضحك و عسل و جووو كل يوم قومان مخر و فطور و دوش و تحويييس للليل !! جمعة داخلة إنشاءالله باش نروحو لدشرتهم بالرسمي في التصاور تعقد و محلااااااها لمينا دبشنا و حضرنا كل شيء ! كااااان تراو آش باش نلبس ولادي ههههه خسارتهم ولاد نجمش نلبسهم روب لاااااا أما تو نقلكم بعد هههه أنا كريت روب بيضا طووويييلة تتكركر و حجاب تركي بطبيعة و تو تعرفووو الباقي ليلة اللي باش نلبسهم .. خرجنا اليوم صباح بكري وصلنا 12:00 لدارهم الحق فررررحو بيا و بولادي رحبو بينا و البخور و التزغريد على العروسة و يااااااا جو جو هوني باش نفرغ قلبي أنا هههههه تصدقوشي حتى بابا لا مشيتلو لا طليت عليه كي روحت و لا يهمني فيه سمعت اللي هو طلق .. أحسن ماعمل حتى خبر على إيراد بالشيخ !! جملا ! لا هو لا عايلتو لاااا شيء مخي مرتااااااح و راسي رايض. .. نهارين و تبدى حنة أختي كي كل عروسة غسلنا الجهاز و ڨربطناه و جاو دار العريس هزوه حفلت الدار تلمدو ولاد العم و ولاد الخال و الخالات جيران و جارات و البخور عجعاجي و زغاريد و غنا و شطيح و رديح دار دار عرس و جو و المحفل زاهي .. ناس كلها فرحانة تضحك من القلب و تدعي ربي يهني و يتمم بالخير .. فرحت لوخيتي تستاهل والله قلبها كبير و باهي و هوني وين أنا ضحكت و فدلكت حتى وليداتي حسيتهم يلعبو مع الصغار و شايخين حمد ليك يا ربي ! اللهم أنعمت فزد أما موش هذا اللي يقولولو الهدوء ماقبل العاصفة ؟ زعمة تكمل حياتي هكا و نعيش متهنية ؟ و حتى كان باش نعرس شكون باش ياخوو وحدة ب 3 صغار ! تي لااااا عاد طبيبة و شكون ماتغروش الفلوس و ماياخوش طبيبة كان المهبول الفصل (9) : اليوم جيبان العڨيرة للعروسة تلبس اللبسة العربي و تتزين بالذهب و السخايب و ريحتوو الفايحة ممم مبنه و مبن ريحتوو يااامي جات العڨيرة و تذبحت و تطيبت و كلات الناس و شبعت و أنا معا دار العروسة في القضية في الضحك في كل شيء و ولادي مع مروى هههه من بحذاها مايتحركوش يحبوها ساعة ساعة يعملو مشكلة مع الصغار أما يرجعوو يطلبووو السماح هههه لأمهم طالعين إي بالطبيعة بوهم ! ساقط كلب أيا فك هليا تو نبقى نبقى و نتفكر والديه الخرا كي نتفكر يديه على بدني نشعل نحنلو لبوستو على لحيتو كيفاه يلعبها على خدي آه يا ربي الليل و ماجاب الليل و أنا متفكرتووو أماااا كلامو كرهني فيه و كان نلقى نقلع قلبي و نطيشو للكلاب ! حرقست العروسة .. حنت .. عملت السكر مشات للحمام عملت الوطية رشق عليها العريس شطحوو للصباح أما أنا ماكنتش حاضرة يوسف مريض شوي مانجمتش نخلي ولدي ملوح في بيت وحدو و نلهى في الشطيح و الرديح البرااا لا لا نجمش غدوا سبت غدوا دخلة العروسة لازمني نفيق بكري باش ندوش للروحي و لأولادي و نوصي أخت مروى عليهم ! وليداتي عاقلين ماكلة ونووووم ما يدورو بحد قمت الصباح ناااشطة و عاملة جو نضحك من قلبي دوشت و دوشت لأولادي و قصدنا ربي للحجامة هزنا ولد عم مروى بروف فرنسي محلاااه هاك الراجل و معقلو و مدفاه صاحب نكتة و ظامر دخل قلبي والله أما كي خويا ما أكثرش أنا باب العرس سكرت عليه و حلفت ولادي نكبرهم وحدي و نعيشهم أحلا عيشة عملت ماكياج غامق شوي و رووج غااااامق على الآخر في فمي لبست روبة عملولي حجابي العروسة زادة كملت اللعم صلي و سلم على أختي زين و عين و دعاء والدين نور هبط عليها تبارك الله روب تتكركر طويييلة و ماكياج خفيف اما روج روج غاااامق يهبل طلعنا زوز ههه نص ساعة و يجي يهزنا ولد عمها يروح بينا !! والله جعت أنا تتصوروش قداه و هذيكا جلطتنا نحنا البنات في الحجامة نجوعو أععععع مخيبو إحساس وصلنا للدار لقيت وليداتي يبكو يلوجو عليا لبستهم عااااااااد لبستهم اللبسة السحرية اللي إختاروها الثلاثة كيفكيف كوستيم و papillon كل واحد إختارها لون الحاصل تبارك الله عليهم 3 رجال زين و عين ههههه تي حوت حووووت ههههه لبستهم و ريڨلت ماكياجي روتوش الآخر و خرجت بحذا مروى تستنى هههههه مسكينة أما الدمعة على فراق بوها في عينيها هههه تي بري بركا تو تعرسي و تفرحي و تتهني و تنسيهم ! سويعة بالوقت باش جاء الراجل ياااااااا للا شنيا هذا شنوا هالزين و والهرة يقتل الكازي عرفت وين تحط روحها الفرخة ههههه ربي يهنيهم إنشاءالله - سامي أمان تسوق معاي بالأولاد ! - هيا في كرهبتي عاد إنت ! - بالك نقلقك ! - تو هذا كلام ؟ ركبنا الأولاد من تالي و ركبت جنبو و خلطنا ورا الكراهب اللي خرجت بالعروسة - تعرف تباركالله عليهم هالخنافس اللي عندك يتربو في عزك إنشاءالله - ههههه عيشك ربي ينوب عليك بكيفهم الفصل (10) : ساعة باش وصلنا للصالة اللي كانت مليانة بالعباد تستنى في العروسة وقت دخولها كلها قامت تزغرد فرحانة بيها و الورد فوقها و الآنبابل صحة ليها و ربي يهنيها و أنا ولادي معاي و سامي محمل يوسف في يديه و أنا نكالي في ياسين و سليم قعدنا في الطاولة مع طاطا و بو مروى و مروى تضحك و فرحااااانة تحسها باش تطير ربي يهنيها وخيتي إنشاءالله بعد ماشطحت و فرغت قلبها ههه قعدت في تصديرتها و الغناء عامل مسد و الناس كلها فرحانة أنا قاعدة نبربش في تيليفون في يدي و يوسف تنطر يجري من قدامي - إيجا هوني إيجااا يوسف ريتو ماشي يجري ورا راجل و جبدو من سروالو من ساقيه بشوي تلفت دار بشوي هزيت معاه راسي و العين جاااات في العين يا ديسق شنيا هذا تي منين طلع هو ؟ تي ....... طوووووول حطيت يدي على فمي مستحييييييل يكون هو تصدمت تيليفون طاح لوطة مشى كل حاجة في شيرة هو حل فمو عينيه زغللت بالدموع و شاهق فيا طاح لوطة على ساقيه و يبكي كي المرا ! ناس كل تغزر و الغناء وقف هبط يبوس في يوسف لقاه يشبهلو و يوسف يبكي بين يديه و يحب يمشي عندوو - سامي يا سااااامي إيجاااااا جاني سامي يجري ماهو فاهم شيء - سامي روح بيا أمااااان روح بيا تووووو - باهي هيا هيا و هو باقي يبوس في يوسف و زاد شاف ياسين و سليم مشيت بست مروى و قلتلها تسامحني و إعتذرت منهم زوز و هزيت روحي و خرجت مع سامي و هو يناديلي و خرجت و حقرتو كلب بول عليه روح بيا سامي للدار نغفص في دموعي و مانيش قد بعضي جملا ! يظهرلي عرفتوني على شكون نحكي و آش نقصد بعد 4 سنين طلعلي آش يحب مني ! لوااااااااااااه - شكون هذاكا ديسق ! لواه ولا يبكي هكاك آش صار ؟ - بو صغااااري ! بقى حال فمو يخزرلي باهت - آه - إي نعم بوهم 4سنين لتالي تعرفت عليه ضحك عليا و خذا آش حب برضاي و بعد لوحني على طول يديه و هكا ترا ! عندي 3 أولاد تواما منوووو - ديسق ناخذك و نقيد ولادك بإسمي نربوهم نكبروهم نعلموهم الصالح و الغالط و أنا معاك الفصل (11) : - أعطيني فرصة نخمم ! قلبي مازال محىروق و نتعذب منو - في يديك الوقت الكل خمم و قلي نحطك في عيني و نعملك تاج فوق راسي - أيا نخليك تو باش نرقد ! - باهي خمم في عقلي و أي حاجة جديدة عديت ثلاث أيام و أنا شادة دار و صغاري معاي نخمم آش باش نعمل تو أنا نقبل ؛ لا ! نعيش عمري لأولادي و لا كيفاه القصة ؟ بففففف يا ربي عاوني بعد جمعة رجعت نخدم و حليت تيليفوني نلقى قرابة 100 مرة طالبتني مروى و نومرو آخر مانعرفوش ! و جاني قداه من مرة سامي للدار أما تخرجلو الخديمة تقلو موش هنا نحب نقابل حد و لا نرا حد رجعت نخدم اليوم كالوندريا معبية برشا خدمة .. - سوسن إيجا حاجتي بيك ! - هيا مادام - آ شنيا خدمة اليوم ! - برشا مدام .. فما راجل البرا يستنا فيك يحب يدخل ! ندخلو ؟ - شكون ! تعرفوش إنت - نعرش مدام وين ريتو أنا ! ندخلو - وي وي ! دق الباب - تفضل .. مطبسة نبربش في أوراق - سلام .. قلبي دق دقان في جرة بعضوو بدني كل مشى بالعرق حسيت روحي سخنت و فرت عرفت الصوت مازال يتعاود في وذني .. ليالي و أشهرا و سنين .. هزيت راسي و خزرتلو - تفضل .. - لباس ! آشنيا حوالك ديسق - حمد لله تفضل فاش نجم نعاونك ! - جيت حبيت نحكي معاك ! - فاش ! ءشبيناتنا ! - بيناتنا 3 ولاد ! هو قالها و أنا طول عرفت اللي مروى عملتها فيا و حكااااتلو كل شيء غلبت دموعي ماخليتهمش يهبطو بسهولة و بدلت نبرة صوتي ؛ - نعم ! شنيا فاش تحكي يا سيد ! ولاد شنيا ! - ديسق باش نحكي معاك برجلة ! مانيش باش نحاول نلتجأ ناخو ولادي بالقانون ! و لا نتصرف تصرف يمكن ما يعجبكش إنت ! جيتك تو نحب نفرغلك قلبي. - ماعندك ماتفرغ ! و ماعندك ماتحكيلي دموعي هبطوووو سبقو كلامي من غير مانشعر دارلي جاني للكرسي و هبط على ركايبو قدامي و يمسحلي في دموعي بيديه و أنا نجبد في روحي منووو أما لاااااااااا نجمتش ! حسيت لمستو ردت فيا الروح و رجعتلي نقصان 20 سنة فرحت و قلبي يضرب يضرب - ديسق وااله نحبك والله والله نحبك واللله ! ماتتصورش بعدك قداه تعذبت و تعبت والله ! مت 1000 موتة والله ! خرجت كملت قرايتي في كندا و رجعت شديت الخدمة الكل هبطت على راسي بعد ما مات بابا و قبل طلق أمي و خذات ورثها الكل و الله وأعلم وين هيا تو و أختي عرست و خرجت مع راجلها ! والله ضعت بعدك كي الطفل الصغير و خلاتوو أمو والله يا ديسق والله نحبك يحكي و دموعو هابطة اللحية هايجة و عينيه محوقين حالة ! هعه شوو كيفاش ولا ضعف حالة نقص برشا زح حسيتووو صادق أما الكلام اللي حكاه قبل شنيا هذاكا ! تقليل من قيمتي أنا نجمش أكثر من هكا ! نڨزت عنقتوووو بكل جهدي ! خليت وجهي مغروس في صدروو دموعي بلو مريولو جيت نسكت فيه و لا هو يسكت فيا ! و يمسحلي في دموعي الفصل (12) : الفصل الأخير و إنشاء الله تكون عجبتكم !! -------------------------------------------------- - نحبك يا ديسق نحبك والله مرضت بعدك والله و جيت لإيطاليا و لوجت عليك والله حطيت يدي على شفايفو نسكت فيه بااااسني ! يححححح قلبي قلبي - أشششششش ! معادش فما كلام أششش !! - نحب نرا ولادي ! أمااااااان ! - أهبط لوكة ستناني ! تو نكمل و نجيك ! أنا نكمل 16:00 خدمة ياااا ربي آش باش نعمل تو أناااا ! باش يبقى يستناني زعمة ! 12:00 وقت الراحة متاعي .. خرجت في بالي باش نلقاه ماااافما شيء يااااا ماهوش هنا نساني ! بالك روح و باش يرجع بعد ! يمكن ! نصف النهار الثاني نخدم على أعصابي مافمااااش ريحتو زححح ! خرجت 16:00 مشيت لكرهبتي - سلام مدام ! - عسلامة تفضل ! - إنت مدام ديسق ؟ - وي تفضل فاش نجم نعاونك ! - تنجم تتفضل معانا تو ! ولدك عنا و إذا باش تعمل أي حس و لا حاجة رااااو تعرف آش باش يصيرلو ! موش واحد برك ! 3 رااااو فلذا حس لااااا - باهي باهي كهو نعملش أمااااان قلي آش تحب ! و أنا نعطيك ! صغاري لااااا بربي لاااااا ! - مانا طالبين شيء ! حتى شيء ! إنك تمشي تو باش تدخل لبلاصة تعمل آش باش نقلك و تخرج فمك ساكت و أقسم بربي إذا باش تحاول تبكي و لا حتى تنطق كلمة تلوم روحك - باهي باهي والله لا نتكلم والله و مانبكيش ! .. مشينا دخلنا لحجامة كبيييرة نعرش ولواش جابني هنا !!! لبسوني روبة بيضا طويييييلة ! و مكيجولي ! روج محلاه و ماكياج يقتل ركبنا في كرهبة مضخمة موش اللي جينا فيها تهبل و انا باقي ساكتة كلمة لا ! تي سيد حتى البكا قلي لاااااا ! ماكانش يضرلي صغاريي ! يا ربي يقدر الخير يا رب ! شنيا هالمصيبة اللي باش تهبط على راسي ! وصلت بينا الكرهبة قدام صال أفراح كبيييييرة ! هبط من الكرهبة حطيت ساقي لوطة و هزيت عيني نخزر للدروج نليققققااااااااهم وليداتي مع بوهم نفس اللبسة نفس الزين نفس الڨد نفس الشعر نسخة مطابقة والله ماصدقت روحي طرشقت بالبكاء طوول جاوني 4 هبطولي و طلعوني في الدروج ! دخلت من الباب الورد فوقي و خويا و مرتووو حبلى مروى و راجلها إيييييه عملتها يا مروى فيا عملتها ! وصلت وين طاولة لقيت عدل شهاد بقيت على الكرسي - ديسق .. تقبلين الزواج من إيراد بالشيخ ... - نعم نعم نعم نعم نعم نعم إي إي إي و دموعي هابطة و تعالت زغاريد - إيراد بالشيخ .. تقبل الزواج ... من ديسق ؟ - ها مالا لاااااااااا ! تي راهي العمر راهي الدنيا راهي الروح آآه و كلهم قامو يتمنيكو و يزفرووو بالقوي هههههه مهبووووول صححنا الزوز و عمل هكا خطفني من يدي و خرجنا نجريو وصلنا للدروج حملني و هبط بيا يجري - تي وييييين ماشي !! لولاد خليناهم - أص أص عند مروى تخااااافش حطني في الكرهبة ! و بدى يسوق بزررربة ويدي عندو يبوس و يعاود هههه مهبول باش يقتلنا ! وصلنا للفيلا اللي تعدات فيها أول ليلة و حبلت بوليداتي يامي ييااااااااامي دار جنة ولاااااات ورد و شمووووع و الدرجيحة محلاااااااها دخلنا للدار و مدلي مفتاح - هذي دارك ملكك متاعك حقك ! عيني زغلت بالدموع و عنقتووووو ليييه وحشة بدني مشتاااااقلو عقلي يفرفط ليه روحي تناجي لحبو و لمستووو اللي تحرمت منها لياااالي تي راااااهم 4سنين !!! حملني و هزني للبيت نحالي الروبة و الفولارة - يااااااا شعرك ؛ - إي إي حلفت باش معادش نقصوو هزني دخلني للدوش يديه في شعري و بكلي فوقوو في البانوو و الماء مغمينا زوز - إيراد ! - يااااااا روح روح روحووووو - نحبك - تي راك الهوووووا اللي نتنفسو .. رتحنا شوي و هزني ملفوفة في المنشفة حطني فوق الفرش و ينشفلي كي الطفل الصغير بين يديه يسايس فيا تقول أندرا شباش يصيرلي ! - تبعد عليا نموووت وشوشها بشوي في وذني لييين حسيت بدني رعش وحدوووو يااااامي شبيني أنا لاه درجة نحبوووو تي نعشقوووو يديه مع بدني الكل !! كل بلاصة باسها مسها قلبي في 100 يضرب و روحي تنااااادي عليه صدري هابط طالع معاه صاااااااار اللي صار و تو مدااااااام بالشيخ ! بالفم و الملاااااا ! .. .. .. .. . .. .. .. .. ------------------------------------------------- عيد الحب بعد 20 سنة .. جابلي شكلاطة و دخل .. - حبي يا عينيا هذي ليك .. يوسف قاعد جنبي يتفرج في التلفزة - آه بابا عاود آش قلت ؟ - قوم برا شد بيتك سي البغل .. هههههعهعههععهععععععععععههههههههههههه ..

person_outline Unknown 

all love