صرخة الماضي

صرخة الماضي  

الحلقة 1 "" _ سيبننني نحب نمشي لخويا اوووف ( تفرفط بساقيها و مرت خوها تجبد فاها .. ) - ا بنتي اركح .. هو مازال يترانى كيف قلي نستناوه هوني ...- اااااع سيبني ..نكرهك انا نكرههههك برشا .. ( تبكي .. و تكرع في شعرها .. ملي هي صغيرة اكاك .. قالو كيف تكبر تتبدل ..و ترجع عادية .. أما بقات اكاك ..نفس الحالة .. نفس الاعراض ... ) – ارككككح دارين اركككح اوووف منك و من هبالك راك كبرت اعمل عقلك ... عمرك 21 سنة و مازلت تتفورخ ( هبطت من الكرهبة و دخلت للبارك وين يترانى خوها ايمن ..لاعب كرة قدم .. اللي يراها يبقى يغزرلها ... عرضها واحد من اصحاب خوها ) – دارين شتعمل هوني-..خوياا وين ... وييييين ... ( تبكي .. بالشهقة ) – فالفستيار .. شبيك تبكي ؟؟ ( جا بش يمسها بعدت اعليه ..)- سيبني .. رد بالك تقربلي .. – باهي بركااا هيا بش نهزك ليه ... شدني من المريول ميسالش .. ( شدتو من مريولو و هي ترعش بكلها .. وصلها قدام الفستيار .. ) ابقى ستنى هوني تو يخرج .. ( بقات تستنى اللي يخرج و يدخل و هي شادة فالحيط .. قلبها يدق .. و برشا حس اولاد ... ندمت اللي هي دخلت ..صوتهم يقززها ...يقشعرلها بدنها ..ضحكهم ..حركاتهم ..سكانتهم ... و زيد اللي قهرها مرت خوها ضربتها و هذا اللي جننها .. و هذا اللي خلاهااا تدخل في حالتها اللي يكرهوها الناس الكل ..حالة الفزع و الذعر .. من كثر الخوف دخلت للفستيار .. تصدمت ...طفل وحدو فاها و عريان من الفوق ... قامت تصيح ... عرفتو ليث صاحب خوها ) – س.س..سامحني ... ( غزراها و قام يضحك لبس مريولو فيسع .. و هي وجها تقلب ألوان ) – دارين ديما تعمل فاها العملة هاذي .. – ا ...ايمن وينو ؟؟ - ايمن يحكي مع المدرب متاعنا ... شنية اليوم ؟؟ شفمااا ؟؟ عملة جديدة ؟؟ طلعة جديدة - هدى مرتو ضربتني بكف ...- خاترك ما تقعدش عاقلة ..( قربلها و هي لصقت فالباب ) ابنتي شبيك خايفة ؟؟ ليث راني نسيتني .؟؟ - مانسيتكش أما ما تقربليش عيشك ..مانحملش – بااهي باااهي مانقربلكش .. تفرجت فيا و أنا نكور ...- اي تفرجت انا و هدى -_- أما قمت نصيح ... – أعلاااش ؟؟ - فمااا واحد طيحك يخي انتي بقيت فالقاعة و ما قمتش .. نسخايلك متت هههه. – هههه تضربت وقتها .. ( هوما اكاك و دخل ايمن .. مشات لصقت فيه ..) – دارين ؟؟؟ شتعمل هووووني ؟؟ يخي مش قتلك معادش تجيني هوني – ه هدى – شباااهاااا ؟؟؟ شعملتلك ؟؟- ضربتني بكف ...- اوووف هدى اووف باقي مش فاهمة ... ميسالش اعزيزتي تا نوريك فاها غير اهدى ... هيا نروحو – لااااا مانمشيش و هي غادي لا لا ..مستحيل نرجع .. ( بقات تخض بكلها ... و ايمن يجبد فاهااا ... بكل عنف .. جاا ليث و جبدها .. مشات تخبات ورا ليث .. أيمن بقا مصدوم ) – لا مانصدقش ...مستحيل – شنية ا لمستحيل ؟؟ شبيك ؟؟ - أول مرة تتخبى عند حد غيري .. ( ترعش وراه من فكرة الرجوع للجحيم اللي هي فيه ... مرت خوها رافضة مرضها .. هي مصدومة ..و الصدمة كبيرة ..خلاتها تخاف من حاجة اسمها رجال .. الخوف تولدها نهار بعد نهار .. ) – امان ليث قلو مانحبش نرجع .. غادي نخاااف .. ( دارلها .. و تبسم ) – أعلاش ؟؟ ايمن معاك ..- مرتووو تعمل فيا .. ليث امشي عيط اعلاها عيشك قلها معادش تضربني .. – دارين ايجا عيش اختي .. أعلاش الفضايح توو .. و سيب الراجل ( جبدها منو .. بالغصب .. ) – سايسها ايمن اززح شوف حالتها ...- ليث نتقابلوو غدوة .. ( يكركر فاها .. و هي مسوهمة .. تغزر لليث و اكهوو ..عينيها طافة بالدموع ... ليث قلبو وجعو اعلاهااا .. نوارة كيف هاكي .. مسكينة عدى يديه على شعرو بكل توتر .. لازمو يتصرف .. مستحيل يخلاها اكاك ..) - امشي عاااااد دارين امشي راك بش تخرجني من مخي ( ركبها فالكرهبة ..و طلع القدام .. تلفت لهدى و العصب ماكنوو ) نورمال يخي انتي يا هم ؟؟ - شبي كسي الشباب شاعل فيا ؟؟؟ ماووو لاباااس - قداش من مرة قتلك اختي خط أحمر ( شدها من مرفقها بكل عنف ) كسرتك هاذي ما تحطهاش اعلاهااااا ... يخي مخك الملحم وقتاش يتحل .. ملا مسطكة هاذي ..ماتفهمش اللي هي مريضة - و انتي صدقت تشقنيسها اعليكم ..ملا بهلول حتى انتي .. تتسكبن - ( خذى نفس .. ) شووف هدى اقسم بالله ... و رحمة امي .. و بابا ..كسرتك مازلت تمسها تصبح مطلقة ... ( بقات مصدومة فيه ... ) - بربي ؟؟؟ - اي والله كيف ما قتلك .. و تو سكر *** فمك و سووق .. ربي يعدي ها نهار على خير ... هدى بقات تجحر و تتشوحر لدارين .. و ايمن العصب ماكنو ..ديما اكاك اللي يمسلو اختو يتنرفز .. دارين شادة في مرفقو .. و ترعش .. – دارين لاباس اعزيزتي .. معادش تمسك ..ماتخافش ... اقف اققققققف .. – شبيك أيمن ؟؟ ( هبط و طلع من تالي بجنب اختو و جبدها لحضنو ... كبشت فيه .. )- ايمن خايفة ..توحشت امي .. برشا .. برشاااااا ... مازالت تصويرة الحادث قدام عيني – اششش سملا على اختي ماتخافش هاني معاك .. ( هدى تغزل اعلاها و زيد عااد تووو تخلااات .. بقى يقرا على اختو فالقرآن لين رقدت .. وقتها قلبو ارتاح شوية ... و يلعن في هدى الف لعنة .. ) الحلقة 2 "" قاعدة في بيتها ...معنقة دبدوها .. ممكن الوحدة هي اللي تخلاها اتنجم تتنفس شوية .. هي اكاك و ايمن يدخل اعلاها في يدو كاس ليموناضة .. – ايا اشرب و عيش اختي يهديلك اعصابك .. – نحب نمشي نزور قبر امي ..- بااهي نوعدك غدوة نهزك .. ( قرصلها خدها بشوية .. تبسمتلو تبسيمة يعرفها بالباهي .. اتلف فيه هي ماهاش لابااس ... أما اداري و برا .. ) أيمن ركح روحو و خرج للقهوة و بقات هدى و دارين وحدهم فالدار ... هدت اعلاها للبيت – شنية للا ...بعد ما شربكتهالي مع ايمن ..قاعدة و شايخة ؟؟ - شبيك هدى شنية حكايتك معايا ؟؟ - انتي تتمورض عمرك لا كنت مريضة .. ( دارين قامت .. و جبدت الدويات من القجر ) – و شنية هاذم ؟؟؟ يعني انا ناخو فالدوايات أكاك من الحيط و الطبة يكذبووو ..شنية مشكلتك معايا هدى ؟؟ أعلاش تكرهني ؟؟ أعلاااااش ؟؟ - خاااتر ايمن يحبك اكثر مني – أنا أختو .. أما تعرف أعلاش نكرهك ؟؟ - أعلاش زادة ؟؟ -_- - خاتر انتي انسانة حقودية .. و تافهة .. ( جبدتها من شعرها ..) ااااع سيبني ..حراااام اعليك – يا مقسوفة الرقبة .. تعلمت تجاوب يا فرخة ... ( دزتهاااا بالقووووي .. هدى جات لاصقة فالحيط .. من الخوف دارين تفسع .. تحل الباب بكل قوتهااا .. هابطة فالدروج .. سمعت صوت باب يدق ... مشات تجري حلتووو .. تغزرلوو و تلهث بكلهاا .. صدرها يطقام و يتحط و شعرها على وجهاا ... كيف شافها فالحالة هاكي قربلها مفجوع )- دااارين شبيك ؟؟؟ شصاارلك ؟؟ - ليييث ...نحب نمشي .. بربي هززني من هووني .. ( خلطت اعلاها و جبدتها من شعرها بالقوووي ... ليث مصدوم من كمية العنف اللي عند مرت ايمن ... مشى جبد دارين بين يديها الكلبة ..)- يخي نوووورمال في مخك ؟؟ - شكون سيادتك انتي بش تدخل ؟؟ - يخي نورمال انتي تتصرف هكا معاه اقسم بالله بش نلبزك رانننننني .... ( حط يديه في وجها و دزهاااا .. جات طايحة .. ) – هاااي انتي ؟؟ تضرب فيا في داري – ما عندكش حق تمسها دارين ...( بقات مصدومة فيه .. شبيه يدافع أعلاها ... لدرجة هاذي سخفتو ؟؟ شنية الحكاية؟؟ على دخلت ايمن يلقا اختو شادة الحيط تبكي و ليث يصيح على هدى )- شبيكم يخي ؟؟؟؟؟ شصااااار ؟؟ ليث شفماااا ؟؟- مرتك تضرب في اختك يا ايمن.. ( ايمن خذا نفس و مشى لهدى عاااد العصب مكنووو ... هو بش يوصللها و دارين قامت تصيح ..و تخض بكلها ... و وجها زرااااق ...و نفس تقطع اعلااهاا ... ) لاااااا لاااا ايمن ماتمسهاش .. – هدى مش قتلك الف مرة معادش تمسهااااا راهي مريضة مررريضة ... اي حاجة تأثرار فاهاااااا ... يخي مخك شنية فيه ؟؟ فااااااارغ ... هدى اخررج ... تووووو ( جبدها من يدها و خرجهااا و سكر الباب ...) – أعلاش ايمن ...مرتك ...انا اللي نخرج ...( جات بش تخرج عرضلها بيدو )- انتي قبلها ... ماتخرج كان مع راجلك ...( دارين عينيها دمعت..فكرة اللي هي تحب و تتحب بعيدة على مخها ..طلعت تجري فالدروج .. قلبها موجوع .. اعلاش خوها يحكي هكا ؟؟ تعرف هي تكره الرجال ..و صنفهم ..ترمات عالفرش ..و شيعت عينيها للسقف ..كل مرة تتفكر نفس الحكياة ..نفس الوجيعة ...تصويرة امها وقت انقذتها من يدين خماج كانت ممكن وقتها تخسر شرفها ..اما امها ضحات بروحها و حياتها ..على جالها ... التاريخ و البلاصة و الدقيقة ...الريحة و الرجال ...اي حاجة منهم تفكرها بموتة امها ...وفاتها نقطة كحلة في حياتها تبقى تتفكرها بكل تفاصيلها ..ماتت قدامها و لفضت اخر انفاسها قدام عينيها...وجيعة ...برشاااا وجيعة لدرجة دارين مرضت نفسيا ملي راتو ..و ماتحبش تحكي فيه لحتى حد .. صبورة كحلة حتى خوها ماحكاتلوش شنية صار نهارتها ... صرخة الماضي ..تصيح في داخلهااا تزعزع ثنايا روحهااا ..هدتهااا ... و اثرت فاه حياتها الكل ..و ممكن الصرخة اللي حبت تسمعها من روحها وقتها ما سمعتهاش ...يخي بقات في قلبها لتو ..و مش منجمة تخرجها من الصدمة .. ) – دااارين حل الباب عيش اختي خليني نحكي معااااك ...- سيبننننني ايمن امشي رجع مرتك ..زايد اللي تعمل فيه انا غدوة ماشية لدار اعزيزي –حل البااااب حل تو نوريك صحة راسك ..حل البببببباب والله نهدو ( خاافت خاتر هدو قبل .. مشات تجري حلت الباب ... ) يخي انتي نووورماللل ؟؟ منين تجيب فاها صحة الراااس ؟؟؟ - نبقى كان ماترجع مرررتك ..مايجيش ليل مطيشة فالشاررع ..- ضربتتتتك ..- عاااادش انا ماشية لدار اعزيزي – لاااا ماتمشيش وحدددددك ...كلمة ما نعودهاااااش – لاااااا قلت نحب نمشي يعني نحب نمشي ... امااان ايمن والله تخنقت هوووني ... – باااهي باااه...اما راك عندك برشا مامشيتش ..ماتتفكرهاش – امشي معايا – لااا مانجمش ..- تي هاك ماتكووورش .. اووووف – بااهي تا نشوف ليث يهزززك خاتر انتي للا ما تركح كان عندي ولا عندو .. – جووووو ... ( قامت تنقز و هو يضحك على هبالهاااا ... هي فرحانة اما زعمة شنية بش يصير ؟؟ غريبة النسا نديما ما يعرفش شنية بش يصيرلو ..و يبدى على نيتو أما راهو ربي مخبيلنا حاجااات عمرنا لا نتوقعوهم ) الحلقة 3 "" قدام المراية يركح في روحو اليوم بش يوصل دارين لدار اعزيزهاا .. لبس الفاست النوار متاعو .. عدى يديه على شعرو الحرير .. تبسم .. " زعمة دارين ماخممتش فيا مرة ؟؟ " .. كان يخمم فاها في كل لحظة من حياتو .. حتى كيف يغزر لروحو فالمراية .. يقول زعمة يعجبها شكلي ؟؟ ... كان طويل .. و عندو ضحكة تفتق .. و نظرة عينهي و تعقيدة حواجبو ..غير اللحية اللي زادت فيه الشطر اما بدنو كان مخدوم من السبور .. كل شي فيه تتمناه اي انثى عادية .. اما بالنسبة ليه دارين مش اي طفلة .. تنهد كيف تفكر الحالة اللي هي فاها .. " انسى ليث انسى ..." تستنى فيه فالصالة و قاعدة مقابلتها هدى ملي رجعها وصاها معادش تقرب لاختو .. تكحرلها من تحت لتحت .. نظرتها كلها غل و حقرة .. كان تلقى تهجم اعلاهااا .. بقات شوية و ليث وصل .. مشات حلتلو الباب و الضحكة مالية وجها الكل .. دارين كيف تضحك وجها الكل يضحك معاها ..عندها حفر الزين .. الشعر اصفر من عند ربي ..و العينين خضر .. ممكن احلى حجة فاها لون عينيها .. سرح معاها فيقو نبرة صوتها الحنين – ليث جيت ؟؟ - لا مازلت فالثنية – ههههههه ..( طرشقت بالضحك .. ممكن هو الهدف متاعو يضحكها ...) سامحني خاتر قلقتك ..( في يدها دودو ... تبسملها ) – شنية اللي في يدك ؟؟ ( حكتو قدام وجهو )- هذا ؟؟؟ دودو صديق طفولتي ... كاتم اسراري .. – ( شدو من يدو ههه )- نتشرفو سيد دودا- دودوووو ...- ههه هيا حاضرة بش نمشيو ...( جات اكا المصفارة .. و ليث استعاذ من الشيطان ) – شبيك سي الشباب ريت عوبيثة ؟؟ يمكن العوبيثة اهون .. - -_- فيبالك مش بش نعديهالك بالساهل اللي عملتو البارح - هههه لاا والله شبش تعمل زعمة ؟؟؟ ( ضحكلها على جنب .. تعرف هو شنية يقصد .. بالباهي .. هاكي ضحكة التهديد هههه ...ضربت ساقيها فالقاعة بالغزول و مشات ...) – ليث شباها يخي ؟؟ تتصرف بطريقة غريبة ...- تو يجي نهار و تفهم ..- يخي انتي تعرف حاجة ؟؟ - كل شي في وقتو حلووو يا مزة ... شنية الزين هذا الكل ؟؟- يزززي ما ابلدك .. هيا نمشيووو ...- لحظة جبتلك حاجة –( ضحكت من كل قلبها )- شنية ؟؟؟؟ ( مدلها طبلية شكلاطة ... بكل انفعال خطفتها من يدووو )- ياااااا عيشك ... ( عدى يديه على خصلة هبطة من شعرهاا ..و دورها ورا وذنيها )- ما بيناتناش عيشك .. مش هكااا ؟؟ ( سرحت مع نظرة عينيه .. مش فاهمة شبيه يتصرف هكا معاه .. تبسمتلو )- ممكن .. خاتر احنا اصحاب .. – امممم اي اصحاب ..امشي يلاااا ( مسكين فشلتووو .. اما شنية يتوقع بربي ؟؟ اللي هي تترومس معاه و خدودها يحمارو تحشم ؟؟ لا مش البنات الكل كيف كيف ...هي حالة استثنائية ..ممكن اللي يقع في حبها و يقلها نحبك .. تبهم فيه ..خاتر مش فاهمة شنية يعني حب .. الرجال بالنسبة ليها عقدة ..صدمة ..و هي مصدومة في روحها كيفاش حاملتو و تحكي معاه و هاكا هو يمكن مقياس الحب متاعها ... غير هكا مايتوقعش منها حتى شي ... ) فالثنية تاكل فالشكلاطة و هو يسوق ..ساكت .. – ليث ..- اممم .. – حتى شي ...ههههه – تتهوبل اعليا ؟؟ - اي ههههه ( دورت راسها للشباك .. و تحس في قلبها تقبض ... ) ليث اقف ... – اعلاش ؟؟ - قتتتتتتتلك اقققققققف( هبطت ..ادور في بلاصتها و عينيها تمشي فيهم فالبلاصة اللي هي فاهااا .. تفكرت شنية صار هوني؟؟ صوت صياح امها .. البلاصة كانت ريف .. و خالية .. شريط اللي صارلها فالليلة المشؤومة لتو تعاااود شدت راسهااا بالقوووي و دموعها هبطو من غير ما تشعر ..حست بيه وراهااا بعدت ...)- ماااتقربليييييييش – شبيك يخي ؟؟ ماو كنت لابببباااس ؟؟ - نحب نمشي من هووووني ليث بربي ...هزززني ( شدلها وجها بيديه الزوز )- شبيييك يخي ؟؟ شصارلك احكي ماتخليش في قلبك ...- الصوت في مخي يتكرر ...صوتها و هي تقلي اهرررب .. صوتها يرن في وذني .. توحشتهاااا ليث توحشتها برشا ..هي اكبر فراغ في قلبي ..حاسة روحي ضعيفة .. – شكوني ؟؟ - اممممي ... ( جبدها لحضنووو .. و كبس اعلاهااا ... ) شش وفاات الوجيعة وفاات - لااا مازالت انا السبب فاللي صارلها انا اناااااا ... - اعلاش ؟؟ شنية اللي خلاك تحكي هكااا ؟؟ - هكاااا مانحبش نحكي مااانحبش ( دزتوو و طلعت فالكرهبة .. جبدت دودو و عنقتو و بقات تمشي في بدنها و تجيب اكاك تهدي روحها .. ) وصلت لدار اعزيزها .. دقت الباب .. و هو معاها .. - شبيهم ما يحلوش ؟ - مانعرررش ليث .. زعمة سافروا ( قعدو برشا يطبطبو ما حل حد .. )- متأكد هاذي الدار اللي اعطاك الادريسة خويا - اي يخي انتي ما تتفكرش ؟- لااا نسيتها .. منعرش انا من طفولتي نتفكر منها كان نهار منها .. ( طبست راسهااا .. هزلها دقنونتها باطراف صوابعو ..جات عينو في عينها ..)- نسألك سؤال ؟- اي - اعلاش بطلت القراية ..؟- خاااتر دودو يضربو البروف و زيد انا مريضة .. - بااش ؟- يجيني نوبات فزع .. و فالليسي تعقدت غادي ممكن معادش تجبدلي الموضوع هذا –بااهي يا للا على راحتك توش عملنا بش نبقاو هوني برشا – لا هيا نرجعووو ..بالرغم ماعينيش نرجع لاكا الهم.. –معادش بش تقربلك تهنى ..- هههه هي ماهافتش من خويا ازززح ماهاش متاعو والله- خلاها اعليا ...المهم انتي كون لابااس .. – ياا شوف جبل ...- ياا هاني نرا فيه – ههههه نطلعولو ؟؟- أعلاه برج ايفل هو ؟؟ راهو معبي ذيوبة و ثعالب – شنية بش يعملولنا – بش يسلموا علينا و يرحبو بينا هههه – امان ليث ...- يخي هبلت اطفلة ؟ امشي امشي ... – عيشك باهي ندخلو للغابة شوية .. شوف محلاهاا ..و زيد الطقس محلاااه يشجع ...- يهديك ربي معبية خنااازر ..يخي ماتخافش ؟؟- نخاااف اما نحب نواجه الحكاية اللي تخوفني .. ممكن اذاكا اعلاه نحكي معاك – انا نخوفففك ؟؟ - الكل .. الكل.. الحلقة 4 "" - لحظة نكلم خوووك .. – أعلاااش ؟؟ تو يقلنا لا ما تمشيوش للغابة ..- يخي بعقلك أنا بش نوافق و نهزك ... ( كلم ايمن .. )- ليث أعملت للي قتلك اعليه ؟؟ - اي بالطبيعة .. ( بعد أعلاه شوية و بقا يحكي ) يخي أعلاش اعطيتني ادرا س غالطة ؟؟ - تو كيف تجي نفسرلك كل شي ... هيا جيبها و ايجااا ... – بااهي ... ( علق اعليه و على تلفيتو ما يلقاش دااارين ... حس كان سطل بارد تصب اعليه ..) دااارين ... داااااارين ...( طول تلفت يلقاها داخلة للغابة ... قداش ؤاسها صحيح ..مشى يجري وراهااا ... ) ستننننى يا مهبووولة فاش تعمل ؟ ... ( دخل للغابة وراها و يسمع في صياحها ..حس كاينو سكينة تغرستلو في قلبو من كثرة الخوف اللي حسو ... زاد زرب في جريتو ..وصل يلقاهااا طايحة في حفرة ... ) – لييييييييث خرجني من هوووني .. – و كيف ما نخرجكش؟؟؟ على صحة راسك ...- بربي ؟؟ بش تخليني هوووني ؟؟ مستحيل تعملها .. ( طبس اعلاها و تبسم ) – أعلاش مستحيل ؟؟ يمكن يكون عقاب ليك تبقى ليل كامل هوني ... ( بقات تصيح و تبكي و هوو يضحك .. ) – ا بنتي يززي من البكااا – بربي طلعني برررربي ... ( مادة يدها و راخية شفايفها كالصغار كلها براءة .. سايى معادش فيه هبل اعلاهاا و على انوثتها الطاغية .. جبدهااا ..على غفلة .. تجي فوقو ... و شعرها الكل على وجهو .. بقى وجها مغروس في رقبتو ... عدى يديه على طول ظهرها حست بقشعريرة سرات في بدنها الكل ..احساس حلو اول مرة تكتشفو .. ريحتو البنينة .. برفانتو دخلت لروحها ..و زادت في دقة قلبها .. انفاسها السخونة تلطخ في رقبتو تزيد تشعلووو .. حاولت تبعد اعليه عاود جبدهااا ..و كبس اعلاهااا .. وبقى يتبسم و يعدي في يديه على شعرها ) – شعرك تمرمد ... اوووف – سيبننننني ليث خنقتني ... ( كابس اعلاااهاااا مازال و هي تحاول تملص رووحها منو ... ) – لا لا شعرك مازال مسخ – تي سيبننننني السخطة ... ( قامت من عندو و هو باقي يضحك شااايخ اعلاهاااا ) صااار انتي تتموسط ... ( ضربتو على كتفووو .. ) ما ابلدك ازززح ..اوووف منك ... ( لحظتها سمعت صوووت عياط.. طبست بحذاه ترعش بكلهااا ...) هياا امان نروحو – تو تحب تروح مش بكري قتلي نحب نواجه مخاوفي .. – لا لا بطلت .. عيشك هيا – انا عجبتني الحكاية بش نبقى هوني ...و زيد العياط ماشي و يقرب .. نتصور فما ارهابيين هووني – اوووه على سعدي ..اوووه هيا قوووم ...- سمعت اللي البلاصة هاذي فاها برشا دواعش و اكثريا قنابلهم يجربوهم هوني .. ( شدت في مرفقو و كبست اعليه )- يزززي بربي لا تخوفني قوووم هيااا ...- شبيك خوافة هكااا ...- تقلي دواعش و قنابل و و تحبني نبقى ... تي هياااا عيشك – زيد قرق بيا شوية ... هههه – عيش الزززين ..عيشك ليث ..( اذبلو في عينيها ) – بااهي بركا سخفتني ... يلا نمشيو .. ( ماشية و مكبشة في يدوو .. شاخ في مخووو ) – يخي نورمال انا بش نموت بالرعب و انتي فرحان – بش مرة جاية تسمع كلااامي ... بش يكونلك درس في حياتك – عيشو بروفيسور .. – هههههه محلاااك والله ... ( بقى يمشي و هي تغزرلو .. اثبت في ملامحو كاينها اول مرة تراه ...)- شنية مضيعة في وجهي ؟؟ - احممم حتى شي .. ( وجها حمااار و حست بيه شلق بااهااا عاللخر ..حاولت تطرد الاحساس اللي حستو من مخها ... لازم تكنترولي روحها ..مستحيل تخلي حاجة تصير بيناتهم خاتر عارفة روحها و عارفة مرضها .. ) وصلها للدار و بقى يستنى في أيمن فالصالة ... جاتو هدى .. لابسة روب قصيرة .. تحاول اظهر مفاتنها ليه و تتقرب منوا ما ليث عارف شنية طينتها و شنية هي .. يعني ما تأثرش فيه ولا 1 فالمية ... – ليثوو جيييت ؟؟ ( نبرة صوتها قززتو ) – كان حب ربي .. أيمن وين ؟؟ - ايمن يدوش و اوو بش يجي .. سافااا انتي ؟؟ ( تحكي و تعدي في يدها على لحيتو شدلها يدها و نطرهالها .. ) – قتتتلك الف مرة راو حركات المراهقات متاعك ما يمشيش معايا ...و مرة جاية كان تعاودها يدك نكسرهالك ... ( مشات للكوجينة تغزل اعليه ...بقى دقيقة و جاه ايمن )- اهلااا صااحبي ... – اهلا ايمن ... شنية جوك ؟؟ - قلبي على دارين شي غريب .. – قتلك خلاها اعليا دارين بقدرة ربي ترجع انسانة عادية .. قلي شبيك اعطيتني ادراس غالطة ؟؟- انتي ماتعرش دار اعزيزي يكرهو دارين يسخايلوها هي السبب في موت ام دارين – يخي انتووما خوات من البو اكهو ؟؟ - اي .. و دار اعزيزها يغزلوا علاها و مش طايقينها ناس مرضى و مربطين ..مخاخهم ملحمة ما يعرفوش اللي الحادثة صارت وقت هي صغيرة يعني شنية ذنبها .. – أنا نحب نعرف الحادثة شصار فاها – ماتحبش تحكي .. تحسها كاتمة على روحها ..و هاكي مهمتك يا صاحبي عاوني .. مدامها ترتاحلك يعني باز بش تحكيلك .. هنيني عيشك .. – تهنى .. يلا خليني نمشي نتلقاو غدوة فالماتش – على ربي .. اطل من الشباك شافتو كيفاش خرج من الدار ..قلبها يدق .. مش فاهمة شنية سر دقتها الزايدة .. " لاااا دارين لااا مش وقتووو تووو .. نحاها ها الحكاية من مخك مش وقتها ... " هي اكاك و تدخل اعلاها هدى ...-" وين مشيتوو ؟؟ " – مشينا لنيويورك و جينا هههه – هاهاها ... – شنية حكايتك مع ليث ؟؟ - أعلاش هو حكالك حاجة – حكالي برشا حاجات .. – شنية حكالك ( مشات سكرت الباب و رجعتلها ... جبدتها من يدها ) انطق شنة حكالك ؟؟ - حكالي اللي انتي ...- اي شنية ؟؟ - ههههه اخررررررررج هدى اخررررررررررج .. معادش تجي تحكي معايا .. شنية تفاهم معاك خويا – عبش اختي انطق شنية حكالك ليث اعليا ؟؟ - مانيش اختك و تووو قتلك اخرررررج ( دارين بدات تدخل في حيط ...)- بااهي بااهي هاااني خارجة اوووف ... الحلقة5"" اكثر،حاجة ممكن تخمم فاها شنية اللي بيناتهم .. مخها تعوج جملة وحدة .. احساسها تجاه الحكاية ماشي و يقوى .. كان تخمم هدى تخون خوها ممكن ايمن يتجرح برشا صحيح هدى حقودية اما ايمن يحبها .. هوما الزور يعرفو عيوب بعضهم .. ضحى علجالها برشااذ .. كان واضح معاها في كل شي اما هي لااا .. ! ممكن الخيانة بالنسبة لاها حاجة عادية .. "لارمني نتبعها و نشوف تصروفاتها .. اما كان بالحق تتلوعب شبش نعمل وقتها ... " هزت التليفون و كلمت ليث - اهلا اهلاا شنية توحشتني فيسع ؟ - ليث .. !( سمع صوتها فيه نوع من الجدية استغرب )-شصااار دارين ؟؟ -بش نسألك و جاوبني بصراحة .. - اي بالطبيعة اسأل - شنية حكايتك مع هدى .. ؟ - هدى انسانة مريضة و نتصور انتي تغرف هي شنية .. ديما تخاول تتقرب مني اما انا عمري لا نوصل نخون ايمن اذاكا عشيري .. حطها في مخك هاذي .. - شبيك ما حكيتش لخويا مالا ؟ - ههه مستحيل - فيبالك انتي لاهي تعدي فاها اعليه و تستبله فيه -شوووف ما تخلينيش نندم اللي لنا حكيتلك .. - كان ماتجيش توو و تحكيلي كيفاش مرت خويا تتصرف معاك خير ما نمشي نفضحها عند خويا وقتها انتي شنية بش يكون موقفك ؟؟ - يخي تهدد فيا انتي ؟؟ - يااا كيفاش طلعتها هاذي ههههه اي نهدد فيك .. - بربي ؟؟؟؟ - اي كيف ما سمعت - ااووووف منك ستناني قدام الباب ... - لااا مانجمش نخرج تووو وحدي - ركز عااد تحبني نحكيلك و لا لا ماتهبلنيش معاك ... ( دارين تشجعت .. حذات نفس بالقوووي ) - بااهي ايجا و ما طبتاش .و انتي تعرف شنية انجم نعمل ...- بااهي بركا سككككر ... بقات تستنى فيه قدام باب الدار ... ترعش بالبرد " اب اب اب ملاااا سقنطري يا معلم ... " وقف قدامها بالكرهبة طلعت فيسع تفرك في يديها - شنية البرد هذا ؟؟؟ - اي شكون قلك اخرج في ها الليل و زيد الطقس شوف كيفاش بش تصب المطر ..- بااهي بركاا احكي تووو - شوف كيف ما قتلك فالتليفون هي تحاول تقربلي - كيفاش تقربلك ؟؟؟ بالضبط ..؟؟؟ - بالكلام ... تهتم بيا تحط يديها على لحيتي و تتلوصق- ملاااا ساقطة هاااااااااذي و انتي عاطيها الجنب سي الشبااااب ؟؟ - شبيني ترا فيا مهبوووول؟؟ - مانعرش اعليك ... - انتي مازلت ماتعرفنيش يا للا .. انا مازلت صابر كان على صاحبي .. غير اكاك راني وريتها قدرهااا ... نستحمل فاهااا على خاطر ايمن ... - بااهي تووو نحب على تسجيل صوتها و هي تحاول تتقرب منك - و أعلاش ؟؟ - أما ليث عاااوني ... لازم يكون عندي دليل ضدهااا ... بش كيف تقربلي تخمم قبل ما تضربني و لا تصيح اعليا و لا حتى تحاول تقلي كلمة مش في بلاصتها … ( تحكي و عابرتها الخنقة .. حست روحها سايى بش تبكي ... شدت روحها بالسيف ... حس باها .. حط يدو على كتفها و كبس اعليه .. ) – باهههي انا معااك .. أماا ... – أما شنية ؟؟ - خووك كان يفيق بالحكاية – ماتخااافش ماهوش بش يفيق .. غير انتي عاوووني .. – بااهي تهنى .. المهم انتي تكون لاباااس اذاكا المهم ... المهم تكون مرتاحة – أعلاااش ؟؟ - شنية اللي اعلاااش ؟؟ - أعلاش ديما تخمم في راحتي ؟ - خاترك اخت اعز اصحابي ... و ايمن خويا .. نعزو برشا – يعني تحسبني كيف اختك ؟؟ - هههه أكيد انتي صغرونتي .. اكيد اختي .. ( دور وجهو للشباك .. بش ما يظهرش مشاعرو الحقيقة .. ) – حتى انا نحسبك كيف خويا يلا على خير .. ( هبطت تجري .. و تحس في روحها سايى معادش اتنجم ... دخلت لبيتها .. ترمات عالفرش .. ) "كيف اختووو ؟؟؟ شبيني تقلقت منها الجملة ؟؟ شبيني تقلقت من كلامو ..شبين نغزل على هدى من قربو ليه اكثر من خيانتها لخويا ... " ( خذاتها عينها و هي تسأل في روحها في برشا اسئلة اجوبتهم مش واضحة تحب تلقى اجابة لها الكم الهائل من الاسئلة مش منجمة .. تحس في مخها مشوش و ماعندهاش القدرة تزيد يخمم اكثثثر .. ) قامت الصباح على صوت صياح .. هبطت تجري .. تلقاها شانعة بين هدى و ايمن .. – تخووون فيااا ياا ***** ... ( دارين قلبها طااااح ) – ايمن شنية فمااا ...- ال*** هاذي نلقاها مرندفة هي و عرفها فالخدمة ... و تتمعشق هي وياه شوية اخرى و ترقد في حضنو .. – اماان دارين قلوو ما يطلقنيش بربي قلوووو ...- يخي تحبني نفرح بيك مالا اكيد بش نطلقك ... شب يما عنديش دين ام الزهر معاك يا مخلوقة ... – افهمني ..- شنية بش نفهم يا بنت الناس ؟؟ تحبني نكذب عينيا زااادة ... ( شدها من شعرهااا و حس العصب مكنووو ... معادش منجم يكنترولي روحو ) – سييييييبهااا ايمن سيبهااا ... – لا دارين لازم تاكلها الطريحة ...- شعندك فاهااا امان عيش خويا ماكش تاع الشي هذااا .... ( دزززهااا ... بقات تبكي و تترجاه بش يصدقهااا ... مشى و خلاهاا اكاك ... مشات دارين قومتهاا ...) – ساااامحني دارين بربي سااامحني .. كان ما جيتش انتي راهو وكلني طريحة نباشت القبور ... الحلقة6"" مرت خوها تلم في دبشها و هي بجنبها فالبيت ... قاعدة عالفوتاي ... – ههه ربي يمهل و لا يهمل .. اللي اعملتو فيك ربي رجعهولي ثالث و مثلث .. نستاهل و ربي يزيدني .. – أعلاش تخون فيه ؟ أعلاش هدى ؟ - تحب تعرف أعلاش ؟؟؟ خوووك عندوو 6 شهور ما مسنيش .. و ما قربليش و ما قليش حتى كلمة حلوة خاتر مانجيبش صغار .. شنية ذنبي أنا ؟ ماو يطلقني و يرتحني ... اي أنا السبب اي نعرف .. انا اللي ما نجيبش أما أعلاش يتصرف هكااا ... – أما ماهوش مبرر لقعلتك كان ممكن انتي اللي تطلب الطلاق .. – و المجتمع ؟؟ كنت نتمقعر عالنسا اللي يطلقو .. كنت من الناس اللي يراو مرا مطلقة يحتقروها .. تو بش نحتقر روحي .. شنعمل دارين قلي شنعمل ؟؟ ( بقات تبكي بهستيريا ... قد ما عملت فاها تبقى دارين قلبها ابيض .. قربتلها و عنقتهااا ..) سااامحني دااارين سااااامحني .. بش نقلك حاجة قبل ما نمشي .. و لازمك تعرف .. – شنية ؟؟؟ - دار اعزيزك عندهم سنين يلوجو اعليك .. أما ايمن مش مخليهم خااتر يكرهوك .... يسخايلوك اللي انتي السبب في موت امك .. – فاش تحكي هدى ؟؟ مالا أعلاش يخليني نمشي لدار اعزيزي ؟؟ البارح ... ( دارين تصدمت ...) لحظة اذاكا اعلاش مالقيناهمش فالدار ؟؟ - اي اعطاكم ادراس غالطة – و ليث فيبالووو ؟؟ - اي فيبالووو ..- هو وين خويا وين توو ؟؟ - أعلااااش ؟- هدى عيييييشك قلي وينوووو توووو ..- عندو ماتش فيبالي .. – بااهي هاني ماشية – ستنى وين ماشية وحدك ؟؟؟ - تو نتصرف .. جاا الوقت اللي بش نتحمل فيه مسؤوليتي ... باااااي ... ( خذات تاكسي للستاد .. وقفت وين الملاعبية يدخلو .. عادي كيف دخلت حتى حد ما يستغرب شكون ما يعر ش اخت ايمن أما مستانسين باها المريضة اللي تلوج على خوها بش تتحامى بيه ..أما اللي ما يعرفهوش المرة هاذي ماشية بش تعاركو .. قاعدة تلوج بعينيها .. صحيح مش حاملة حد اما عندها حاجة في مخها و لازم تعملها ... كيف شافها ليث تصدم مشالها يجري ) – شتعمل هوووني يخي خذيتها صفقة ..ماشية جاية .. شنية يقولوو الاولاد ؟؟ - اشششش وينو ايمن ؟؟ - شنية عملتلك المرة هاذي هدى ؟؟ والله ما نفشخهااا ( جا بش يمشي عرضتلوو ) – شبيك ؟؟ ماعملتلي شي المرا المرة هاذي صاحبك هو السبب ..تعرف البارح عاطينا ادراس غالطة يستبله فيا ولا شنية ؟؟ - خوك خايف اعليك منهم .. – عندهم حق انا السبب في موت بنتهم .. انا السبب في موت امي ... ( قامت تصيح .. شدلها فمها و دخلها للفستيار ...) – يخي هبلت انتتتتتتتتي ؟؟ تفضح في دين ام روووحك ؟؟ ( مازال حاطط يدووو على فمها و هي اذبل في عينيها ... عضتووو بالقوووي ...شد يدوو يتووجع ) حيييييت ملا مفترسة هاااذي – بش مرة جاية معادش تقرررربلي ..- بربي للا ؟؟؟ ..والله تا نضرررربك ...- جرب سعععدك حط يدك اعليا ...قلي تووو وين السخطة راني نغلي اعليييييه ...- يخي نورمال ماشية للجحيم بساقيك ؟؟ دار اعزيزك ناس مربطة ممكن يحبسوك غاادي ..و يعرسولك بالسيف اعليك بش ينتقمو منك – انتي ماتعرش انا شنية حاسة ... ريت امي تموت قدام عينيا بش تنقذني من يديه وحوش ممكن كانو يعملولي حكاية ..هي انقذتني و ماتت هي .. ريت كيفاش يعذبو فاها قدامي ...امي رااااااهي لازمني نتحمل مسؤوليتي انا السبب اناااا ...- انتي شنية ذنبك ؟؟ كان تسمع كلامك توت تغشش ... ريت الأم اضحي بروحها عااادي على خاطر صغارها يا مهبولة افهمها هااذي ...- لااا مش كيف .. مش بالطريقة الوحشية هاااكي .. انا اللي ريت كل شي و نعرف...وينو ايمن ..؟؟ لازمني نمشيلهم و نواجهم ..- انتي ترى في هذاكا هو الصحيح ؟ .. – اي ( دزتو و حلت الباب ...خرجت تلقاه قدامها ...)- شتعمل هوني انتي ؟؟ - نحب على ادراس دار اعزيزي الصحيحة ... تقامت تحطت ... بكااات ... ضربتوو على صدرووو ... عنقت بااست ... ترجاااتو و شي ماحبش يعطيها شي – لاا مانهزكش للموت ... كيف نموت وقتها اعمل اللي تحب انتي مسؤوليتي غير هكااا ماتستناش مني نهزك للوحوش ..- لازمني نواجهم عييييييشك ايمن ..- قتتتتلك لااا ما تزيدش تكرزني انا اصلي مكرز من عند ربي فكني توووو ...( هوما يحكيو و هي شادة الة التصوير في يديها و تصور فيهم .. و تضحك .. ايمن كيف شاف الفلاش ...شلق اللي فما صحافية تصور فيهم ...)- هاااي شتعمل انتي ؟؟؟ ...( كيف شلق بااهاا فسعت ...خلط وراها يجري ...) – ووووف شلق بياااا ... ( هي تجججري و هو يجري وراها )- ستننننننننننى ... ( شدها من مرفقها و دورها ليه ..سرح مع عينيها سرح لبعيد كاينو يعرفها ... يعرفها عندو سنين ... ) الحلقة 7"" شدها من يدها و هي تفااارع فيه -سيييييبني -فااااش كنت تصوووور اه ؟؟؟ هاااات الكارت ميمواااار - هاهاها تحلم انتتتتتتي -قتتتتتلك هات خيييرلك .. - قتتتلك لاا ماعندكش الحق ( خلطت اعليه دارين)- ايمن شنية فمااا يخي؟ - المصيبة هااذي صورتنا و عارف اللي هي بش تهبطها في باج من الباجات .. - لا بش نخلاها ذكرى -هااي يا شسمك خويا راهو .. يعني مايمشيش لمخك بعيد فسخ التصاور اصلا مستحيل تعمل بيهم حكاية - لااا مانيش مفسخة نحححححي يدك انتي ( نطرتلو يدو و فسعت .. ركبت في كرهبتها و شاددها الضحك)-طلعت اختو ههههه قداكشي بهيمة يااا سندة .. (هي اكاك و كلمها عرفها ) - وووي سندة وينك انتي تووو ؟- رادس - راااك بش تشيبلي راسي .. شهزك غاادي - ماتش قمة نسيت يخي - اي ماااو لسعد مشى -جبتلك خبير عالمي هههه - شنية هو ؟؟؟ - ايمن ال*** مع عشيقتو خلال مباراة القمة هاها ها - و التصااااور ؟؟ - موجودين ..هاااني جااية توو ... ( علقت اعليه و عارفة اللي الاشاعة هاذي بش تعمل ببببووز .. اما عارفة اللي ايمن مش بش يعديهالها بالساااااهل ) محسوووب المهم نربح خدمتي .. فالدار ..ايمن العصب ماكنووو - عاااجبك للا من جرتك صاااار هذا الكل - انتي هو اللي خبيت اعلياااا .. 😑 - بررربي ليث تكللللم معايا شوييية والله راهي بش تخرررجني من عقلي - اسمعني دارين ... - مانيش بش نسمع .. انا نحب نمشي لدار اعزيزي و نواجهم .. زايد اللي تعمل فيه انتي وياااه - احناااا خايفين اعليك -نعرف والله نعرف اما نحب معرف شنية يخممو ... ( ايمن حط يدو على راسو )- يااا ربي صبرني منها ها الطفلة مش حابة تفهم...مش حابة تستوعب اللي هوما ناس مربطين يخي باااش تفهم انتي مكنتني العصب ..- ( دارين شدت شعرها و بدات تمشي و تجي كاينهي تبنن بروحها .. كيف الصغار ) - امااا انا نحب نممممشي غااادي وين عاشت امي .. تصاورها غادي .. طفولتها ... حوايجها .. توحشت امي توووحشتها شبيك ماكش حاسس بيااااا شبيييييك ( قربلها ايمن و طبس اعلاهااا) - نمشي معاك .. ساقي على ساقك .. - و انا معاكم - عاادي ؟- اكيد عادي مانخليكش وحدك صاحبي .. - مش قتلي عندك اختك ؟ تخليها وحدها ؟ - تي نورمال هاكي سندة كان نقلها ماشين بلاصة جديدة تو اتجي راسها اعلى من ساقيها ... - باااهي مدام ما نكوروش الفترة هاذي نمشيو... و ربي يستتتر الحلقة 8 "" - شقووولك عرفي ؟؟ - ماكش نورمال يخي هاذي بالحق صاحبتو ؟- لااا اختوو ههههه - يقوى اعليك ربي هههه جبتها قد قد و زيد جمعيتو طالعة هالايامات يعني الخبر بش يقراوه برشا .. - نحطوه فالباجات الكل متاع الكورة .. و نهبطو ارتيكل فالصحافة الرقمية - هااك بديت تفهملها .. صحيييت .. اما كان خوك يفيق بيك مشيت فاها - انتي تعرف شيعااري .. العمل ثم العمل ثم العائلة و زيد بش يصيح نهارين و ينسى الحكاية .. - بااهي اكتبلي ارتيكل مزيان و ابعثهولي عالايميل .. - حاااضر عرفي .. ( هي اكاك و يكلمها ليث بقات تغزر يمين و يسار تسخايلو سمعها هههه هزت اعليه ) - آلووو حبي سااافااا،؟؟ - بهيمة انتي وين ؟ - فالخدمة - عندي ليك مشروع استكشاف وااااو - تحكي بالرسمي ؟؟ شنية هو؟؟ -طالعين نكتشفو دار اعزيز صاحبي في بلاصة ريفية .. - يااا جووو وقتاااش ؟؟ - غدوووة - بااهي نحضر كانون متاعي و نجي .. تو ناخو كونجي ... - هههه شاخت عندك رحلة .. ممكن اطلع شبعة مقالات غاادي و يجيك الالهااام ايااا حضرلي روحك غدوة - حاااضر هههه ( تلفتت لعرفها ) -برجوولية صححلي على كونجي جمعة - لا لا اخر مرة خذيت كونجي مش يااسر اعليك ؟ - باااهي نوعدك المشية هاااذي بش نجيب فاها كمشة مقالات - اممم و تضرب ؟ - اكييييد تضرب مالا شنوة .. صاحبك راجل .. اياا بااي .. نمشي لادار نكتب المقال اللي بش نهبوظها على السيد المشهور ايمن ال*** لبست الكسكات متاعهااا ... هزت سروالها هههه و حطت الكانون في رقبتهااا و خرجت .. ركبت فالاسنسار طلع معاها راجل يخدم معاهم .. ماسط لاسط .. - سندووو هاك هوني - ( شدتو من خناقووو)- ااااه جيلاني مش قتلك الف مرة معادش تناديلي سندو خير ما نلعج اعلييييك .. الهم هذاااا ممسطك .. - تي سيبني نفدددلك .. ( دزتووو بالقوي و هو باقي يركح في الكرفات متاعو ) - ههه حس الانوثة معندكش - بش تبلع فمك ولا نعرف كيفاش نبلعوهلك بطريقتي - اساااعة جبتلك معلومات على دار العمامرية ... - اننننطق .. شنية المعلومات .. - الادراس... - جيلاني تحكي بالرسمي ؟؟ ( خرجو من الاسنسار .. ) اطلع بالادراس - لاا عاااد اكاك .. لازمك تفرح بيااا - باااهي خلاص الفطور جمعة كاملة اعليااا - هكااا نفهمك حبي - ااااه جيلاني مد الادراس و اكبس روحك .. مدلها الادراس و في قلبها تقول "و اخيرا يا سندة بش تترقى فالخدمة .. هاذي فرصتك .. تو نهرب من الدار اللي بش نمشيلها انا و خويا فرصة ماهاش بش تتعاود .. اااه يا سندة عندك عنوان .. المعامرية اكثر دار غنية و فاسدة في تونس والله و لعبت يا زهر .. " عندها سنين تلوج عالعنوان .. و تو لقاتو حست روحها لقات كنز .. و اخيرا بش تفضحهم فردا فردا .. من غدوة حضرت روحهااا .. لبست الكسكات و دورتها لتالي .. لينات راي بااان .. سروال دجين و توب فالروج بوردو مع فاست دجين و كنفارس فالروج بوردو .. عملت شوية روج في فمها .. هزت ملازم التصوير .. و قبل ما تهبط لخوها بعثت المقال لعرفها .. " والله يا سندة تحلت في وجهك اشاعة ايمن ال** و عنوان دار المعامرية ملااا جوووو " .. الحلقة 9"" هابطة فالدروج تغني .. كيف هبطت تصدمت من اللي ترا فيه ايمن بشحمو و بلحمو في دارهم و قاعد بجنب خوه ؟ يعني ايمن هو صاحب خوها ؟ دورت وجها .. لمحها ليث - سنننندة ؟؟ هيا معادش بكري ...( تصمصرت في بلاصتها كانت عارفة اللي كان عرفها بش يفضحها .. " يا ربي ملا عملة اعملتها ... يااا ربي قويني " دورت وجها ليهم و تبسمت ابتسامة عريضة .. دارين كانت قاعدة كيف شافتها وقفت ) -ايمن مش..هاذي ..- انتي شتعمل هونننني ؟؟؟ - خلاعة ههه - سندة احكي مستوية .. - احممم انا اخت ليث - بتلرسمي ليث هااتاذي اختك ؟؟؟( يهز فاها و يحط .. ) - هاااي شبيني انا مانجيش اختووو؟؟ - لحظة لحظة اتنجم تفسرولي شنية الحكاية ؟؟ - يخي منين تعرفو بعضكم ؟ - نلقاها ادور حذا الفستيارات لقاتني انا و دارين صورتنا .. و مش عارف شنية نيتها كيف صورتنا ؟- اوووف منك سندة الف مرة نقلك اصحابي مادورش بيهم .. شعملت بالتصاور - ححتى شي شبيكم خليتهم للذكرى عجبتني علاقة الاخوة اللي بيناتهم .. - اعلاش انتي مصور العيلة سيادتك ؟ و زيد انتي ماعندكش فكرة انا و دارين خوات و لا وقتها .. انتي صورتها لغرض صحفي - صحيح اختي صحفية .. هاات المصورة هات ( ليث بقا يبربش فالتصاور و فسخهم الكل .. و سندة تقحر لايمن مسكين مايعرش اللي هي اذكى من هكا ببرشا و ديجا راهو المقال هبط و سايى ههههه ) ثنية كاملة سندة تصور فالمناظر الطبيعية - وااااااو محلاها البلاصة .. - هههه اول مرة ترا ريف يخي ؟ ( غزرلها من المراية .. هو لاهي يسوق و هي من تالي قاعدة ) - هاهاها انا عشت فالريف .. :) (و يوووووزع اعطتهالو النبزة .. رجع يسوق و هي تتبسم .. ) - ايييييمن اقف اماان اقف - اعلااااش دارين شبيك ؟؟ ( بقات تمشي و تجي رجعتلها الحالة .. ممكن الكرهبة هي العدو الاول لدارين .. تكره الضيق .. و حاجة مسكرة .. ايمن شد فران .. هبطت تجري دخلت فالزرع .. تتنفس بالقووي .. هبطت وراها سندة .. حطت يدها على كتفها .. تفجعت تنطرت )- مااااتخافش انا سندة ... لاباااس شبيك ؟ - شمدخلك انتي ابععععععدني اوووف - ( سندة كلات نبزة .. رجعت تخمم و تتسأل شباها زعمة .. مشات ليث قاعد بعيد وحدو )- ليث شباهاااا دارين ؟ - اسمع نحبك ما تسأل حتى سؤال يخصها .. و دارين خط احمر .. نعرف طوالعك - اوووف شبيك ما تحبش تحكيلي بالكشي نعاونها ؟؟ و زيد شوف حالتها ؟؟ تسخف ( هز صبعو يحذر فاها ) - قتلك مااااا تسألش سندة و انا عارف التصاور شكنت بش تعمل بيهم .. اقسم بالله كان اعملت بيهم مقال .. الطريحة اللي بش تاكلها من عندي ماكش بش تنساها حياتك الكل - هههههههه انتي بج تضربني انا ؟؟ جرب سعدك مالا سي خويا .. الكف يرجعلك كف .. و المشطة ترجعلك مشطة و كان انتي عندك سبتة فالسروال ... حتى انا عندي سبتة .. و ما تنساش انا زايد اعليك حاجة هي الضوافر .. و جرب سعدك تمسني مسة .. اي و كان عالعمر هو ماهوش سبب بش يخليك تمد يدك اعليا .. انا مانيش صغيرة و اللي في مخي اعملتو سايى -( شدها من مرفقها يخض فاها ) انططططق شعملت يالفعة ؟ - ايمن ال*** يتغزل بعشيقته في ملعب رادس ..( مد يدو و طرشقها بكف .. هي مدت يدها و رجعتلو الكف .. شدلها راسها و هبطو اللوطة ) - يااا بهيمة ياااا جحشة .. - سيييبني ياااا حيوووان واللله ما نقود بيك لعمي - تخرالي فيه انتي وياه ( عضتو من يدووو بالقووي.. )- واللله لا تحشمها يا ليث تضرب فياااا .. ( جا ايمن مشات تجر تخبات وراه )- شبيكم يخي نورمال ؟ صغاااااار ؟؟ - هي اللفعة تعمل فالعمايل .. والله ما نوريك - ( طلعلو فاللسانها و تغزل فيه .. كان بش يجيها بقا ايمن يهدي فيه .. مشات رجعت لدارين اللي بدات تهدى شوية ) - سامحني سندة بكري عيط اعليك .. ما نقصدش .. - عااادي ا بنتي ايااا شقولك نعملك تصاور هوني ؟ يبقاولك ذكرى ؟- اكييييد ( بقات تصور فاها و يضحكو .. دارين حست لاول مرة ترتاح مع طفلة .. حكاتلها على حالتها .. لين بالرسكي ارتاحت و رجعو للكرهبة كملو ثنيتهم و سندة مرة تجبد وذن خوها مرة تقرصو و دو كان يلقا يهبطها من شعرها ديما كالفار و القطوس .. ليث اكبر منها بعامين .. اذاكا اعلاه حرف الياجور طايح بينات بعضهم الحلقة 10""رجعو للكرهبة و شدو الثنية .. - اوووف وقتاش بش نوصلو يخي؟؟- انتي اللي حبيت تمشي يعني تتحمل مسؤوليتك للا دارين 🙂🙂 - ابقى ديما ضدي انتي .. مش منك والله مني انا .. اي المشكلة مني - اي و اخيرا اعترفت بغلطتك - اعلااااش ماتحبش تفهم موقفي ايمن ؟؟؟ ( هوما اكا و سندة يكلمها عرفها)- شصااار؟؟ - برااافو نسبة المشاهدة ماشية و تزيد ..-سايى هبطو ؟؟ ( خفضت صوتها بش خوهاا ما يشلقش .. ) بااااهي بااهي تو كيف نلقى فضى نكلمك ( علقت و عالبلاصة حلت الفايس و انستغرام تلقى الخبر انتشر و التصويرة ادور فالباجات .. اللي يقول لا اختو بااز يعرفهم و اللي يقول الطحااان معرس يخون في مرتو.. تقرا فالكمناترات و تضحك .. اما تصدمت كيف عرفتو معرس .. بقات تسأل في روحها زعمة مرتو ويني ؟؟ زعمة يحبها ؟؟.. تسأل و تجاوب وحدها .. و شاددها الضحك ) -شبيك للا تضحك ؟؟ ضحكنا معاااك - احممم تفكرت نكتة - شنية هي ؟ - فما واحد حب يمشي يخي يمشي ما حبتوش ( ليث دور وجهو ليها و ملامح وجهو جامدة طرشقو بالضحك هي و دارين )- ههههه هاااذي نكتة تفشل بصراحة ..عندي ما خير .. - تراه للا دارين امتعنااا - فما فقمة عرفت فقمة يخي الوضع تفاقم ههههه ( بقااات تضحك و هومااا مبهمين فاهااا ..)- شبيكم ماااا تضحكوووش ؟؟ تي اضحك ازززح .. لييييث ( حطت يدها على كتفو و هو كبسلها اعلاها .. نفس الشعور يتكرر .. نفس الاحساس و نفس دقة القلب .. صغيب تتخلص من احساس حسيتو.. سندة شلقت بخوها .. اما مخها مش معاااه .. تفكيرها الكل كيفاااش بش توصل لدار المعامرية .. لازم تخرج منها الكرهبة هااذي بأي طريقة ) - ايكن بش نسألك يخي هنشير الربط وين يجي ؟؟ ( سألتو على عنوان دار المعامرية ) - ههه دار اعزيز دارين فالهنشير اذاكا و انتي منين ليك ؟؟ - ماااو بحكم خدمتي نعرفو البلايص هاذم .. قالو فاها برشااا مناظر طبيعية لتو لا اكتشفها الاعلام - هاااك ماشية تكتشف مالاا ( تصدمت من اللي سمعتو .. ملا صدفة غريبة .. هي ماشية الهنشير نفسو اللي فيه تحقق احلامها المهنية الكل هذا ظان تحدي اللي اعطاهولهم عرفهم اللي يجمع اكبر كمية معلومات على تايخ الغيلة هاكي يترقا فالخدمة و هي ماشية للمعلومات بساقيها و بش تعيش في وسطهم جمعة هههه )... وصلووو لدار اعزيز دارين ..ايمن و ليث بداو يخافو امااا دارين كانت مرتاحة نفسيا مدامها ماشية للدار اللي تربات فاها امها و عاشت طفولتها فاها اكيد بش تكون مرتاحة و مطمنة... عرضلهم عم دارين - اهلااا ايمن شرفتما و نورتنا - اهلاااا عمي .. - كالسبة جاااي ؟؟ ( غزر لدارين ما صدقش )- مستتتحيل .. نفس الملامح ..تقول هندة اختي مقابلتني .. انتي دارين اكييييد دارين - اي اناااا دااارين ... انتي عمي احمد مش هكااا ؟؟ - اي انا هوو ( مشاات سلمت اعليه .. و ايمن مش عاجبو الوضع .. ماهوش مرتاح حاسس المشية هاذي بش ادفعو الثمن غالي .. سمع صوتها من بعيد .. مشى جبد دارين )- شفماااا ايمن شبيك خاااايف ؟؟ - ابقى معااايااا عيش اختي صدقني انتي ماعندكش فكرة قداش البلاصة هاذي مخطرررة .. ابقى بجنبي .. - مررررحبااا مرحبببا .. نورتوناااا ( جااياا من بعيد مرا تظهر في ثمانينات من عمرهااا ) دارين بنت هندة اختي الله يرحمها هووووني هههه و الوريثة الوحيدة لدار المعامرية . ...- انتي مالا عمتي سامية ؟ - اي بشحمها و لحمها ... تفضلو ادخلو ماتبقاوش قدام باب الدار ( سندة مش مصدقة وذنيها .. شنية ؟؟ دار اعزيز دارين دي نفسها دار المعامرية .. افسد ناس في تونس .. تحس في بدنها الكل ولا يرعش .. خبات المصورة متاعها .. كان يفيقو باها ممكن تمؤت هوني .. ساهل عندهم كل شي،. اكيد ايمن و دارين مافيبالهمش بارشيف العايلة هاذي .. عيلة زبااااااالة الحلقة 11"" فالصالة قاعدين بجنب بعضهم .. كان على دارين مرتاحة .. و ايمن و ليث مش مرتاحين .. خاتر يعرفو الخطر اللي هوما فيه و اكثر وحدة ترعش فيهم هي سندة ..مكبشة في ساكها تقول دخلت لبيت الموتة .. صحيح هي فالجحيم بذاتو .. - كالسبة جبتها ايمن ؟ عنا سنين نلوجو اعليكم .. - انا حبيت نجي .. نتصور عندي حق نشوف وين تربات امي .. - اي اي و احنا عنا حق نعرفو هندة كيفاش ماتت ! الطب الشرغي قال اذبحت .. اما كيفااااش انتي الوحيدة اللي كنت معاااهاااا .. ( ايمن العصب مكنو وقف و تنرفيز عماااه )- يخي نوووورمااال انتي في مخك ؟؟؟ فما كرا في عقلها تلوم على طفلة صغيرة ؟؟ - مانيش نلوم فاها نحب نعرف شنية اللي صاار وقتهااا - اختي مرضت من المنظر اللي راتو ممكن تعذرها شويييية .. - باااهي امااا في اقرب وقت نحب نعرف.. ( قاامت و خلاتهم .. مرا متسلطة .. متعجرفة ممكن تتوقع منها كل شي .. )- واااااو تجي قصة الحكاية .. - ليث ممكن تقول لأختك تسكر فمهااا - سندة اسكت اززززح جبتك و ندمت - اعلاااش تسكتو فاااها ؟؟ بالرسمي عندهاا حق تجي فيلم .. حكايتي غريبة و عجيبة .. نعطيك الحق اللي انتي تكتب مقال اعلاها سندة .. - تحكي بالرسممممي؟؟؟ - اكككيييييد - عيييشك عييييشك ما تتصورش قداش بش نربح منها القصة هااذي - اناا ضد .. - والله يا سي ايمن او قدامك هي اللي قتلي اي يعني رأيك مش مهم توووو- هي اختي - هي اختتتك يعني مش معناها تدخل فاااهاا لوقتاش بش تبقى تحت جلبابك ! - وقت نموووت - برااافو يعطيك انتي هكا تنفيلها في شخصيتها - شكككونك انتي بش تعطيني رايك تي شيهمك من اصلوو و لا الصحافة علمتك تدخل في امور الناااس .. - علمتني اللي كل انسان عندو حريتو في التعبير عن رأي انتي انسان ساذج و سطحي و عصبي . - اسمع انا نحترم فيك على خاطر ليث- يزززي سندة سكر فمك ا زززحي.. - اللي يقول الحق تسكرولو فمووو .. -_- .. - صححيتك .. بقاو اكاك لين جااا عم دارين وراهم كل حد بيتو وين.. سندة عالبلاصة هبطت التسجيل اللي سجلتو لصوت سامية فالبيسي .. شنية في مخك سندة ؟؟ راك تلعب بالناااار ..!! هي تعرف نااار من اصلوو ؟؟ المهم توصل للي تحب اعليه و عاااادي جدا .. انسانة كيف سندة حربية .. تخاف اماا الخوف عندها حاجة عادية ... هي تعرف روحها خايفة و يعجبهااا شعورها بالخوووف .. تتلذذ كيف تترعب .. حياتها اثاارة و مغامرات .. المهم توصل للهدف متاعهااا .. و عااادي ... تتجرح تتألم تفد .. المهم فاللخر تنجح و توصل .. 😉😉 دارين كيفها اما مختلفة اعلاها في حاجة اللي هي مرضها .. - عييييش اختي خلينا نرجعوو .. - نمووت و نعرف شبيك خاايف ؟؟ - انتي صدقني ماتعرش - اي احكككي نحب نعرررف .. احكي و رتحني راني تخنقت والله اعللااااااش خايف؟؟-فيبالك مالا اعزيزك قبل ما يموت كان يلوج اعليك بش يقتلك الحلقة 12"" -فااش تحكي مستحيييل .. - انتي ماكش واعية باللي صااار انا خطفتك منهم خطفتك من جهنم اللي كنت عايشة فاها - اما انتي خليتني نعيش في جهنم ما اقوى مرتك نهار و طول تسطكلي لين طلعت لا نبل لا نعل ... - بربي دارين ؟؟ هكااا هذا كفويااا اللي خرجتك من دار المعامرية .. بابا قبل ما يتوفى وصاني اعليك .. - اي اما كاوصاكش تلغيلي شخصيتي و تعيشني نخاف من كل شي ..اما المرة هاااذي مانيش بش نخاااف بج نواجه خوفي المسيطر اعليا .. و بش ناقف لروحي - لاا انتي للا سندة عملتلك غسيل مخ - لااا هي فيقتني على برشا حاجات ايمن انا مانيش ضدك والله .. صدقني .. اما انا تعبت نكون الضحية .. تعبت .. نحب نواجه العايلة هاذي بش نعيش مرتاحة .. - مااالا احكيلهم امك كيفاش ماتت .. احكيلي ليااا اناااا .. بالك نلقى معاك حل .. - ( غزرتلو بعينين مدمعين كل ما تتفكر الليلة المشؤومة تحس روحها تدخل في حالة اكتئاب حاد اما جا الوقت اللي بش تحكي فيه جااا الوقت اللي بش تفرغ فيه قلبها من آهات موجعة .. من آهات ماضي مصددة ...مندية .. مغبرة .. جا الوقت اللي بش تصيح فيه صيحة الماضي المشتتة .. صيحة قوية بعروقها .. صيحة تغرست فاها سنين و ماخرجتش و جا الوقت اللي بش تخرجها بدمعتهااا و خوفها و المها .. ) -16 مارس 2004 .. النهار اللي ماننساوش حياتي الكل ...هو نقطة تحول بالنسبة ليااا .. نقطة و ارجع للسطر .. و كان السظر كلو وجيعة و مرار .. 16 مارس2002 كنااا مروحين من هوني انا و امي .. وقتها بابا فالسبيطار جاتو جلطة😔😔.. تتفكر؟؟- اكيد كنت وقتها معاه فتلسبيطاار و كلمت امي هندة بش تخلط - اي كانت تجري بالكرهبة في هنشير الربط .. الثنية خالية .. اما مانعرش كيفااش شدت فرااان .. تلطخت القدام .. حاجبي تحل .. نظرة الخوف في عينيها لحظتها عمري لا ننساها .. كانت خايفة من فكرة نطيحو اون بان في ثنية خلا و قفار .. وقتها خرجت من الكرهبة و هي ورايااا .. تصيح و تقلي عيش بنتي ارجع ليل .. ارررجع .. صوتها بالصياح مبحاح و انا صغيرة مش نسمع فالكلام عندي وقتها نلعب بالحشيش و الورد .. صوتها يرن في وذني تووو ... ( دارين تفكرت و يا ليتها ما تفكرت .. ) { - عييييش بنتي ارجع .. اررررجع ليل اعليك ( هندة تلهث بكلها و دارين لا حياة لمن تنادي .. ) داااااارين - مااامااا هاني هووني .. -شهزك للزرع عيش بنتي ايجااا - شوف شنية لقيت ..( قربتلها تلقى في يدها شقفات شراب .. نحاتهولها من يدها .. و بقات تكركر فاهااا )-عيش بنتي خلينا فالكرهبة اوو بش نكلم حد يجي يهزنااا .. كيف وصلو يلقاو كمشة اولاد بحذا الكرهبة .. هندة جبدت دارين لااااهااا .. كيف شافوهم بقاو يضيحكو .. لحظتها عرفتهم شااربين خيط - يااا شووو شكووون .. - شنية تحبوو ؟؟ - نحبو عالكرهبة ..عجبتنا ههه - عيشك امشيووو و خلينا نمشيو .. - هو زي دخول الحمااام زي خروجو ؟؟ - باااهي هزو الكرهبة .. - و البنية ؟ ههههه - لااااا حرام اعليكم بنتي صغيرة .. - اوووف بديت تنرفزني راااااك .. ( الراجل مد فرد من جيبو ) - يااا بش تعطينا البنية يا نقتلوها و نقتلوك .. يلاااااا هاتهااااا ( هندة طبست للدارين )- عيش بنتي بش نحسب لثلاثة ريت الزرث اللي ورانا نحبك تجري فيه تجررري كيف قبل فالكورس فالمدرسة ماك تجي لولة فالسبور عيش بنتي .. و اول ضو دار تعرضك امشيلهااا .. واحد ثنين ثلاثة .. دااارين جرات على قوة قوتها .. و ماتسمع كان في ضرب كرتوش وراها .. ماصدقتش حبت نرجع اما امها وصاتها تجري .. طاحت تسمع في صياح امها صيااااح خلاهااا تحبو فالقاعة - مااااماااا .. ماااااااامااااااااا (الدنيا ظلااام ... ماهاش ترا في حتى شي تسمع فالصياح اكهوووو ... )} - اي و من بعد ؟؟؟ - من بعد مانعرررش كيفاش نلقى روحي في دار اعزيزي .. و ناس لابسة بالاكحل .. تبكي .. و تنوووح .. و انا نلوج على امي .. صياحها يرن في مخي .. تصور كان امك تموت و تسمعها تخرج فالروح بش تحميك .. من يدين مسخة .. موت امي انا المسؤولة اعليه .. - اما امك قالو كاتت ذبحا - سمعت كرتوش وقتهااااا منعرش شصااار .. ( دارين تحكي و دموعها شلال .. طبس على ركايبو و شدلها يديها )- اناااا معاااك .. و بش نبقى معاك ... ماتخافش دارين .. وراس اختي كل شي يداوى - صعيب برشا الللي تعديت بيه .. صعيييب .. آه قداش توجع تفيق الصباح ما تلقاش حد اعزيز اعليك .. و زيد بعد مدة بابا توفى الوجيعة اضاعفت ... تي انتي امك ماتت موتة ربي و توجعت اعلاها خلي انا شنية نحس ... النسيان حاجة صعيبة كيف تبدى متعلقة بالبو و الام. الحلقة 13"" في يدها المصورة و ادور في كلوار الفوق ..تلقاش دليل ولا حكاية في ها الدار .. هي اكاك و يد تجبدها .. تسكرلها فمها - امممممم - اشششش انا أيمن بش نحي يدي و ما تتكلم حتى كلمة ( شاورتلو براسها اي .. نحى يدووو ..) - هبلت يخي تجبدني اكاك؟؟؟ - و انتي نورمال ادور هكا ؟؟ كان يفيقو بيك اللي في يدك هاكي تتكسر - يجررررب سعدو- سكككر فمك يا هم .. ( دخلها للبيت .. ) شنية في مخك احكيلي تووو؟؟؟ فاش شنية تخمم ؟؟؟ تسخايلني ماريتش المقال اللي هبط اعليا انا و دارين .. يخي باااش مخلوقة انتي؟؟؟ - ماتوريش المقال لخويا .. حتى لين نرجعو - بربي ؟؟ يعني اطلع اشاعة قذرة كيف هاااكاا و تحبني نسكتلك ؟ - عيشششك ( جبدها من يدها بالقووي .. شعرا لا جاات معنقتو .. لحظتها الضو قص .. عنقتوو) - ياااا ربي ظلمممة ... - لا والله مانصدقش سندة بكلها خايفة من الظلام .. ( قلبها يدق يضرب في صدرو .. و خشمها في رقبتو .. ريحة برفانتو بهدلت بحالهااا .. بعدت اعليه )- اي نخااف .. وقتاش يرجعو الضو نحب نرجع لبيتي .. ! - قبل كل شي نحب نعرف شنية الغرض متاعك الللي خلاك تجي هوووني ؟؟ شاممها قارصة - لا قارصة لا شي .. نحب نكتشف بلايص جدد - عديها على غافل .. ايااا احكي احكي .. - امممم - اممم شنية ؟ ( قربتلو و وراتو الفيديوات و التسجيلات 😎😎) - اعلاش هذا ؟- ترقية فالخدمة .. كان نجيب اكثر معلومات عالدار هاذي عرفي يرقيني... - تستغل في اختي يعني - لااا صدقني لااا مانعرش اللي هي بنتهم .. اللي نعرفو دار المعامرية اكثر عيلة فاسدة و اللي يعرف اعلاها معلومة اكهو يتسمى بطل فالاذاعة عنااا .. - تحب تترقى مالا ؟ في مخك كان فلوس و خدمة - لاا نحب الاثارة و المغامرة .. حياتي معبية حماااس .. و كيف يتعدى نهار مانغامرش فيه نمرض والله - يخي ماتخافش على روحك؟- الصحافة تعلمك الشجاعة و الجرأة صحيح نخااف اماا هذا يزيد يحمسني كيف قلبي يبدى يدق يدق ههههه - ماكش عادية .. مهبولة انتي؟؟ - يمممكن .. يخي بش نبقاو برشا نحكيو فالظلمة ؟؟ - هيااا نوصلك لبيتك .. - ماكش بش تحكي لخويا - كان تبقى عاقلة مانحكيش - حاجة مستحيلة .. هههه ( تضحك و كيف تضحك تشد في يد اللي قدامها صنعة لا حبت تنحاااهااا ... حس بلمستها كاينو اول مرا تمسو .. و صوت ضحكتها كاينهي اول مرا قدامو تضحك .. و لا تحكي و تعبر .. كانت مختلفة 😂😂 مش كيف الكل و الكل ما ينجموش يظونو كيفها كتلة من التفاؤل و الامل مغروسين فاهااا .. هي حياة كاملة فاهااا .. كلها انتعاااش .. هي كمية شيخة .. تشيخك بلاش زطلة .. ههههههه تزطلك هبال حماااس و مغامرات .. خرجها و هي مكبشة في مرفقو .. شايخ اعلاااهاا ) - تعرف قبل امي هندة تقول دار بوها مسكونة - م . م..مسكونة بشنية ؟ - جن اكيد .. - بسم الله بسم الله ... فاااااش تحكي انتي؟؟- اي اي - يااااا مامااااا ... ( زادت كبشت في يدوووو ) اماااان ماتخلينيش ايمن بربي بربي .. - اااه و برا كيف يجي الصبع تحت الزرسة ... - باهي صحيييتك .. ( وصلها قدام باب بيتها .. سكرت في وجهو الباب و مشات تجري غمت على روحها و رقدت ..) اما دارين طاش اعلاها النوم .. " ياا ربي شبي ديما النوم يطيرلي " قاامت نلقا الضو مقصوص .. ضوات بتليفونها و جبدت شمعة .. خرجت للكوجينة الفوق بجنبهم ..شربت دواها .. و قعدت تتفرج من الشباك .. " قداش محلاه المنظر من هوني " - ريييت يرد الروح - هئ فجعتني ليث ..( شااادة قلبهااا ) - شبي الزين ما رقدتش ؟ - طاش النوم اعليااا - في شنية تخمم ؟؟ -حتى شي .. المشكلة النوم يطير و مخي فاارغ .. - انا مخي مش فارغ .. - اعلاش ؟؟ في شنية تخمم ؟؟ -فيييك! الحلقة 14"" -شنية تقصد ليث ؟ "-شي شي .. انسى ( جااا بش يمشي شدتو من مرفقو )- انتي تقصد حاجة .. نحب نعرف شنية ؟ ديما ترمي كلمة و تمشي .. !! - مش قتتتلك شي عاااد ( علاا صوتو شوي هذا اللي زاد دخلها في حيط .. اول مرة يهز صوتو اعللاهااا .. )- شبيك ليث ؟ شعندي قلت انا ؟ هذا الكل سألتك ؟؟ - ماكش حاسة اللي احنا قراب برشااا ؟؟ انتي ما في حيااك رجال كان انا و خوك .. شمعناها هذاااا؟؟؟ شنية تفسر بهذااا ؟؟- عااادي نرتاحلك شنية فاااهاا عيب ؟؟ - و من بعد ؟؟ باهي نفرضو ترتاحلي .. و كيف نوصل نولي .. ( حطت يدها على شفايفو )- انااا لااا ليث اناا لااا - اعلاش؟؟ - شوف حالتي... - انتي هكا تعجبني ..- اما .. ( قربلها و جبدها من حزامها .. ) - امااا شنية ؟؟؟ .. هاا؟؟- سيبني ليث..-مانسيبك الا ما تقلي شنية المشكل كان زدنا قربنا - نعذبك بنوبات الفزع متاعي.. نفددك في حياتك .. مانجمش و تو سيبني ( تحاول تبعد يديه من حزامها ) ماعندكش الحق تمسني ليث .. ماعندكش .. - لااا عندي .. دارين اعطيني فرصة اعلاش ما نقربوش لبعضنا ؟ - جيت بش نخلص اللي اعملتو في امي .. مانحبش نقرب لحد - و انا اي حد بالنسبة ليك ؟ - سيبني ليث امااان كان يشوفنا خويا - شبيك خايفة دارين ؟ - مانحبش نكون عالة عند حد انتي ماريتنيش كيف تجيني الحالة .. نولي مانيش انا .. طفلة صغيرة .. - ميسالش .. يا سخطة راك بنتي .. ههه - اي هاكي المشكلة مانيش بش نكون البنية اللي مخها كبير تتحمل معاك المسؤولية و تتكل اعلاهااا وقت الشدة .. بش تلقاني ضعيفة و هشة - انتي قوية دارين .. مشكلتك مرضك و صدقني يداوى بحصة مع طبيب نفساني .. شكون قلك مخك صغير بالعكس .. كلامظ هذا يوحي اللي انتي مخك كبير فير اعطي الثقة في روحك ( حطت يدها على لحيتو .. )- اعلاش كل ماتحكي معايا نحس ثيقتي بروحي رجعلتي .. معاك كل شي يولي ساهل و احلى .. - ( بقااو ساارحين في بعضهم .. مش فاهم نظررة عينيها .. فيهم حاجة غريبة اعليه مش عارفها شنية .. هوما اكاك و يسمعو في صياااح .. مشاو يجريو .. للصالة ) - هكاااا يااا امممي كل ما يجي حد يقدم شكوى تطلع ضد دارنااا بش تحكيلي تووو شنية الحكاية ؟؟ ولا شنية ؟؟ وليت فضيحة قدام زملائي فالمركز اسمع يلي ماسمعتش عيلة احمد متهمة بقضايا فساااد .. - ياا وادي غالطين فينا احنا عيلتنا شريفة .. و سمعتنا نظيفة - لااااا سمعتنا عالحييييط و الله اعلم شنية مخبية اعليااااا .. ( يصيح و قريب يهبط من السماء لقشة .. نحب نعرفكم بأحمد ولد خالة دارين ..شرطي معروف غاادي .. و معروف بمصداقيتو و حبو لخدمتو اما للأسف راقد على وذنيه ما يعرش خمج عايلتو و معروف زادة بعصبيتو و صعبو )شكووؤن هااااذم ؟؟ -ها هاذم يقربولنا .. هاذي بنت اختي دارين و خوها ايمن .. و هاكا صاحبو و اختو .. ( سندة مطبسة راسهاا خايفة كان يشلق باهااا .. كان يعرفها ممكن تطرد من الدار وقتها .. كتبت برشا مقالات على عيلة المعامرية و وقتها احمد بقى يلوج على الصحفية اللي تكتب ضد عيلتو مشالها عااد و عمللها عركة . .. لحظتها الضو مرة يقص مرة يرجع .. هو وقف قدامها و الضو قص مرة اخرى .. فسعت لبيتها ) - ياااا ماامااا والله مشيت فاها المرة هاااذي ياا سندة .. مشيت فااها بالرسمي .. ملااا صدفة ازززح احمد المعصاب نلقاه هوني حتى انا ظاهر فيا مش بش نخرج منها بالساهل هالحكاية الحولة .. ماشي جاي قدامهم - شبااها اختك فسعت - تخاف من الظلمة - اممم مالا انتي للا دارين تجي بنت خالتي .. - اي بالضبط .. - مرحبااا مرحبا شقولك فالجو مالا ؟ - يفتتتتق جو عالمي .. - اوو بااهي .. تستحق اي حاجة انا موجود( وقف قدامو ايمن) - كيف يبدا عندها خوها ما نتصورش تستحق حد آخر - اااه مالا انتي سي خوها ؟- اي من البو .. - مالا على ما يحدث كان استحقيتلي انتي زادة في حاجة قلي .. ( تبسملو تبسيمة صفرة و مشى .. ) -شنييية هذا ؟ - طالع لأمو -شنية قلت ؟؟ - لا حتى شي نمشي نشوف اختي شصارلها اي على خيير الحلقة 15"" من غدوة سندة قامت داخلة بعضها .. تلم في حوايجها بالزربة .. دخلت فاها غولة .. "لا مستحيل نبقى في ها الدار لازمني نمشي قبل ما يفيق بيا اكا المعصاااب " في يدهااا الفاليز تكركر فاها .. فاقت قبلهم الكل .. قبل ما يفيقو باها .. حلت باب الدار و خرجت ..تمشي و تتلفت وراها .. الشمس بدات تطلع و الطقس باارد ..- وييين مااااشية ؟؟ ( تلفتتلو و صدرها يطقام و يتحط .. ) - ا .. احمد ؟- كنت عارف اللي انتي بش توصل لدارنا ...- سايى اكهو هاني ماااشية .. ( قربلهااا و جبد الفاليز من يدها )- امااا مافيباليش بيك جبانة و خوافة لدرجة هااذي .. - شنية ؟؟؟ - فيسع استسلمت .. ! بش نتفقو اتفاقية .. انتي جيبلي المعلومات الصحيحة على عايلة المعامرية و انا نوعدك اللي هوما يتحاسبو فرد فرد .. من كبيرهم لصغيرهم .- تحكي على عايلة امك راهووو !! - خدمتي قبل كل شي تعرف انتي اللي حليالي عيني عالحقيقة .. مستحيل نخليك تمشي .. الصحافة و الشرطة يجتمعو بش يعرفو الحقيقة .. - باااهي تستناني اليوم العشرة فالمركز نجيبلك كل شي اللي لميتو من تصاور فيديوات .. تسجيلات صوتية .. - باااهي نستنااااك .. !! مهمة جديدة لسندة و مسؤوليتها زادت كبرت .. المرة هاذي مش دافعها ترقية فالخدمة دافعها اكبر من هكا ببرشاا.. دافع وطني .. دافع انساني .. واجب .. و لازم تأذيه .. دارين في بيتها تبكي .. " شبيني نخمم فيه ؟؟ لاااا مانحبش مانحبش .. " تسمع في صوت دقان باب .. - شكووون ؟؟ - ليث! - شنية تحب؟؟ براا امشي - مازلنا بش نحكيو .. -ماعندي شي نحكيه معاك - حل الباب دارين فك عااااد .. - فكني انتي و سيبني - دارين عيش الزين حل الباب .. نحكيو اكهو والله - توعدني نحكيو اكهووو؟؟ - اي وراسك .. نحكيو و بس .. ( حلتلو الباب و وخرت لتالي )-شنية دارين ؟؟ من وقتاش توخر خطوة كيف تشوفني؟؟ خايفة مني؟-اي خاتر انتي .. ( سكتت و طبست راسها ) - لي كمل عااااد شبيك سكت ..-انتي تقربلي و تحاول تستفزني .. بطريقة قربك مني .. مانحب نحس شي تجاهك .. ماااا نححححب نحس ششششي .. - شبيك تصييييح ؟؟ - انتي تحب تخرجني من عقلي ليث .. معادش تغزرلي بطريقة درا كيفاااش معادش تحط يدك في يدي .. معادش تحكي معايا بنبرة صوت واطية و حنينة .. بااااهي؟؟ - انا مانيش نتعمد ..كل شي نعمل فيه على طبيعتي .. مانيش نتصنع .. - هاااكي المشكلة ..كل شي فيك صادق .. و هكا اللي يرعبني .. عيييشك ابعد من حياتي عييييشك .. بربي اخرج من حياااتي .. مانحبش نزيد نقربلك مااانحبش .. ( شدهااا من يدها و هي تفرفط بكلها ) - اركح يا مهبوولة .. - اخخخرج اخخخرج .. (دز فيه من صدرو .. ) - اعلاه تبعد فيااا . مانيش عدوك راني . .. - اشششش ماتزيد حتى كلمة .. (دزتو و سكرت الباب بالمفتاح ..) - بااااهي ياا دارين باااااهي اعمل اللي في مخك توو اما والله ما تكون ظان ليا برضاك و لا بالغصب ..😤😤😤 حطت قدامو المعلومات الكل - هذا اللي جملتو الكل توو .. كل شي نسختين - صحيت سندة بصراحة انتي احسن من المحقيقين - سي احمد انتي تعرف اللي خدمة الصحافة توازي خدمة المحقق نفس الحكاية الفرق الوحيد احنا مش مرخص لينا نحققو .. ببساطة ديما المشكلة تجي فينا .. للأسف هذا الواقع .. - صحيح اما انا مش كيف الاخرين .. نعرف اللي انتي عندك بعد فكري ممتاز.. و هذا بش يفيدنا .. قلي اول فكرة جاتك كيف دخلت للدار شنية هي ؟- امك .. عندي شك اللي هي سبب من اسباب اللي صاير .. بحكم اللي هي مسؤولة عالعايلة ... - ما يلزمناش نشكو لازمنا نتأكدو - سي احمد نسيت اللي الشك طريق الى اليقين 😉 الحلقة 16"" - صحيح الشك طريق لليقين و احنا لازم نوصلولو بأقصر مسافة .. - كيفااش ؟؟ -معادش تجيني برشا لهوني .. بش نحط معاك آلة تنصت .. نحب نسمع كل حوار يدور بينكم و بين امي و خالي .. بالأخص أمي .. نحب عينيك فايقة سندة باااهي؟؟ - بااهي تهنى .. 😎😎 رجعت للدار تغزر يمين و يسار .. قربت للباب بيت الصالة تسمع في صوت اهات "وااااه شنية هذا " - سي سمييير اااه محلااااك ..- يااا مدام يهديك راني معرس .. - نقتلك و نقتل صغارك و مرتك .. اسمع الكلام .. - انتي مرا مسخة .. ( سندة تسمع فالحوار اللي بيناتهم و فمها محلول و احمد يسمع معاها و مش مصدق قداش امو مرا فاسدة .. سندة طلعت تجري لبيتها و حاطة يدها على فمها )-مانيش مصدقة بالحق مانيش مصدقة .. لدرجة هاااذي 😕😕😕 .. !!! هي اكاك و الباب يتهد اعلاهاا - هااااي شبيك انتي هادد اعليا الباب نورمال في مخك ؟؟ - شنية هذااا ؟؟ للا اختي .. وصل بيك الشي اطلع اشاعة على ايمن و دارين اللي هوما يحبو بعضهم .. هبلت ولا شبييييك ؟ - فككني بربي مانيش فاضيتلك راهو .. - تو بش تلم دبشك و ترجع .. - انتي اش حرق شعيييرك ؟؟ تسخايلني مش فايفة بيك حاطط عينك على دارين .. سيب الطفلة مسكينة مريضة مش ناقصة مريض كيفك في حياتهاااا .. ( قربلها و شدها من شعرهااا ) ااااه يااا جبري سيبني .. - مازلت تجبد الحكاية هاذي والله تلوم روحك - مالا كان تحبني مانحكيش على امراضك العصبية تخليني هوني خير والله والله نفضحححك ..- ماضي و تعدااا .. و تو بريت .. - مايهمنيش فيك تي سيبني .. ( سيبها و بعد.. مش مصدق اللي قدامو اختو ولا وحدة اخرى تشبهلها بالمنظر اكهو .. 😢😢) - انتي سندة انتي ؟ مستحيل .. اللي نرا فاها قدامي وحدة اخرى .. نفس الملامح اما مش نفس المبادئ .. وين انسانيتك ؟ وليت تهدد فيااا ؟؟ و تعاير فيا .. اياا عاد (،جبد اللاب توب ) اكتتتب مقال . ليث ال*** كان يعاني من اضطرابات عقلية و زيد لفق اشاعات .. ايااا فاش تستنى ..( جبد المصورة و حطها في يديها و هي تبكي 😢😢) - هيااا عاد صورني صووورني فااااش تستنى - ليث افهمني عيشك .. - اشششش ولا كلمة ... كيف ترجع اختي البريئة من داخل نرجع نحكي معاك -لييييث .. ( مشى و خلااااهاا منهارة هو مايعرش فاش تعمل .. فاش تخطط ..كالعادة ليث يفهم بالغالط .. و يخلاها على حافة الانهيار وحدهااا اما هي احمد يسمع فاها مش منجم يواساها حاسس باها و عارف هي شنية .. علمتو برشا حاجات .. صحفية مبتدئة علمت شرطي معنى النضال و التحدي لمعرفة الحقيقة و نشرها للناس مهما كانت مرة و خايبة 🙂🙂 ) طايحة فالقاعة تبكي .. تسمع في دقان باب مسحت دموعها فيسع و مشات حلت الباب - احمد شتعمل هوني؟؟ - سامحني انا السبب اللي خليتك تتعارك انتي و خوك و سامحني خاتر سمعتكم .. - لاا ماكش انتي السبب .. هو ليث ديما فاهم بالغالط عمرو لا قدر خدمتي .. يسخايلها خدمة خامجة و هدفها فضح الناس .. - انتي اعلاش طلعت اشاعة اعليهم ؟ - مانعرش .. - اما بالكذب ماتنجمش تنجح راهو .. - تعرف خبر كيما اذاكا شيعمل؟؟ يطلعني الفوق - اما تبقى اشاعة .. 😉😉- نعرف والله نعرف ..نادمة .. ! - امشي اطلب السماح .. - من شكووون ؟؟- دارين و ايمن و بالأخص خووك .. ظاهر يحبك و يخاف اعليك- زعمة يسامحني ؟؟ تي ماسمعتوش شقلي ؟؟ مستحيل يسامحني والله .. انتي ماتعرفوش كيف يحط حاجة في مخو سايى .. - شبيك فيسع تستسلم .. - خاتر انا نعرف خويا بالباهي زايد الكلام معاه - ا بنتي امشي و اسكت .. سمعت كلامو و مشاتلهم للجردة .. - احمم عسلامة ..- يسلمك ( ليث يهز فاها و يحط .. يغزل اعلاها .. دارين مافيبالها بشي كالأطرش فالزفة و أيمن عادي عندو كاينو ماصار شي .. قداه دمو بارد ) - ايمن و دارين سامحوني عيشكم - على شنية دارين ؟ يخي شعملت انتي .. - عملت العار يا دارين - اتنجم تخليني نحكي ليث و نبرر موقفي .. - مانيش بش نخليك تحكي .. خاتر عملتك مسودة و تووو طيييير من قدامي .. -حررررام اعلييييك ( مشات تجري يخي تصدمت في احمد )- ريييت شقلي قتلك قلبو قاسي مستحيل يسامحني .. ( دموعها هابطة ..مسحلها دمعة هبطت من عينها .. استغربت منو بقات سارحة فيه .. أيمن يغزرلهم من بعيد و يغزل ... ) الحلقة 17""-ماتتغشش مني سندة و كان تحب تجبد روحك قلي عاادي - لا انا بديت في حاجة نكمل فاها .. - باهي مالا لعشية نتلقاو - وين؟؟ - تا نكلمك هذا نومرويا ( مدلها ورقة ) ايجا لازمك تجي .. اعطاها العنوان ..مشات تلقا روحها تحت عمارة جاها مستغرب - كيفاش وصلت ؟ - ههه راني سندة مانوحلش سرقت كرهبة ايمن .. - ماكش عاديه .. شوف هاذي العمارة اللي يسكن فاها سمير - سمير اللي بكري مع .. - اي احكي معاه و اعرف المعلومات الكل .. خوذ هذا شعار البوليسية .. انتي من تو احسب روحك معانا - مشيش يقول لأمك ؟ - شد الفرد هددو تي تصرف سندة يخي بش نقلك شتعمل .. - خايفة احمد - انتي تخاف ؟ هههه - يخي ترا فيا بلاش احساس ؟ اكيد نخاف .. - انتي اعلاش جيت هوني ؟-بش نفضح عايلة المعامرية - اكهو مالا اطلع .. العنوان اللي اعطيتهولك .. - اعلاش ماتطلعش انتي احمد؟ - انا يفيق بيااا تي مشيتلو قداش من مرة .. - باااهي باااهي ماشي جاي فالصالة - اختي وين يااا ربي .. والله بش نهبل والله - امان ليث هدي اعصابك عيشك .. - شنية نهدي اعصابي ؟؟ نقلك اختي ضايعة .. ( جاا ايمن يجري )- كرهبتي مالقيتهااااش .. -تحكي بالرسمي ؟؟ مالا باز هي هزتها راهي اختي و نعرف هبالها .. -مش مصدقة يااح وين مشات زعمة ؟؟ - ياا ربي راهي ماتعرش البلاصة اقسم بالله كان نلقاها الا ما نجبدلها عينيها الهم هاذي راهي بش تخرجني من راسي .. مربوطة فالكرسي و قدامها احمد و امو سامية و سمير - كلللللللب هاذي خطة مدبرها يااا **** ( لفدا بكف شعرا لا جابها طايحة بكرسيها) - مالا تسخايلني بش نجي ضد امي .. - عيش ولدي نعرفك قدها و قدود .. - هههه ملا عيلة زبالة .. مافيا مااافيا ... و انتي الشرطة في خدمة الشعب ..طيحت قيمة الامن و شوهتلهم سمعتهم - سكر **** فمك تحب تاكل كف اخر .. بش تبقى معانا هوني لين اصحابك و خوك يهبلووو و يضبعو .. و زيد انا نعلن وفاتك بحادث سيارة .. شنية بش يصير فيه خوك ؟ - ههه والله برافو تعرف قمة فالذكاء لا مافيا مافيا عن حق و حقيقي .. ( زاد لفها بكف اخر استفزتو ..برشا ! ) ليث وقتها سايى هبل .. الوقت مخر .. - لااا مستحيل اختي تبطى لتو .. هياااا سندة هيااااا ارجع ..( حطت يدها على كتفو تواسي فيه )- امان وسع بالك ليث تو تجي - لاا دارين متأكد صارتلها حاجة .. اختي و نعرفها مستحيل تكون لتو اتحوس باز صارت فاها حاجة .. بش نمشي نلوج .. - معناااش كرهبة - تعرف انتي السبب فاللي صار الكل ... - انااا شمدخلني واااه ؟؟- كركرتنا معاك الكل هوني و شوف وين وصلتنا كان تصير،حاجة لأختي مانيش بش نسامحك يا دارين .. الحلقة 18"" في بيت ظلمة يديها مكبلين .. وحدها تتنفس بالقوي - انا السبب فاللي صار الكل .. اعملتو بيديا .. اي انا السبب في كل شي نستاهل .. ( بدات تعلي في صوتها ) اناااااااا السبب اقتلوني اقتلني احمد اقتلني .. ( تخض بكلها .. و في نفس الوقت كانو الاخرين يلوجو اعلاها من بلاصة لبلاصة .. على ساقيهم ) - ياا ربي احمي اختي راني ماعنديش غيرها ( قربتلو دارين .. ) - ليث .. - شتحب انتي ابعدني هالليلة الكلبة .. ( استغربت ردة فعلو )- شبيك ليث تتصرف هكا معايا؟ شعندي اعمتلك انا ؟- قول شنية ماعمتليش ..( ايمن القدام و هوما وراه .. ) ماكش حاسة على روحك اللي اختي ضاعت من جرتك - اختك كبيرة و عندها مخ نتصور ماهاش فرخة ترضع في صبعها ( جبدها من مرفقها بالقوي) - اسمع اختي ماتجبدهاش على لسانك هاني قتلك .. قداش بديت نكرهك و مش طايقك - ليث انا دارين ..- نتشرفو 😊😊 تي فككني ماناقصني كان انتي تو انااا .. ( طفاها و قدم القدام .. مش مصدقة اللي ليث تقلب اعلاها .. عندو حق حتى من جرة هبالها و تشوكيعها جيبتهم للخل و القفار حتى ايمن مكرز اعلاها ..) - ليث سامحني صاحبي .. مش عارف شنقلك ..- ماغير ماتطلب السماح اللي نحبك تعملو لوج معايا على اختي .. و من بعد يحلها ربي .. ! - تهنى راك عشيري و سامحني من جرة اختي صار هذا الكل .. دارين انهارت وراهم مش منجمة تشد روحها بش ما تبكيش .. تفقفق .. هوما اكاك و يسمعو في صوت كلاب - يااا ايمن اجررري برشا كلاب .. ( دارين و ليث دخلو للغابة .. شدلها يدها و فسع اما ايمن دخل لاول دار عرضتو .. ) - اجررري دارين ماتاقفش - معاااادش منجمة نتنفس .. - شد روحك اماااان .. ( وقفو .. دارين تتنفس بالسيف شادة في مرفقو و تكح .. )- ايمن وين ؟؟؟ ( بقاو يلوجو و دارين دخلت في حيط ) - لااا خويا خلاني وحدي - اسمع بش اتنقص دلالك ولا اقسم بالله نخليك هوني وحدك - باااهي بااهي - اسسسكت ولا كلمة و لا حرررف .. ( يكركر فاها وراه ممكن الحل بش يربيها و ينحيلها هبالها .. ) اسمع كاان جاتك حال الذعر نخليك و نمشي زادة .. مج ناقص مهبل في حياااتي .. - ليث حرام اعليك .. - سكر،فمك سككككر حرام اعليا تووو؟؟ - سيبببني .. يدي بش تكسرهالي .. - تي بلللع.. - شبيك تقلبت اعليااا - تحبني نبقى نلحسلك مالاااا .. ( بقى يحاول يكلم ايمن .. جي الريزو طااايح ) افففف ملاااازهر اززززح .. !-شبش نعملو ؟؟ - ( تلفتلهااا بعصبية و تنرفيز .. من الخووف تركات في حضنو )- سااامحني سااامحني ليث بربي معادش نحكي .. و سامحني خاتر جبتك هوني .. نااادمة واللة نلقاو سندة و نروحووو ...( حس بدنو الكل عكش معى قربها .. تقول ضربو الكورون .. محتاج حد يعنقو .. اما هي تاعبة اكثر منو . ضميرها يأنب فاهااا )سامحني خاتر ماقدرتش اهتمامك .. ( عفس على قلبو و بعدها شوية .. )- معادش تقربلي دارين .. احسنلك 😉😉 واقف قدامها .. و الفرد في يدوو - شتحب نعمل فيك ؟ فيقت الجيران بحسك راهو .. - اقتلني هيااا فاش تستنى - واااو بصراحة برافو ليا وصلتك تطلب الموت و ما تنالوش .. ماقواني - القوي ربي .. -_- - و نعمة بالله - انتي تعرف ربي ؟؟؟ - ...... -شبيك سكت ؟ ( طبس اعلاهااا و حط الفرد في راسها ) -رحم على روووحك .. الحلقة 19""-الله يرحمني !( نحى من راسها الفرد و استغربها جرأتها الزايدة )- يعني انتي ماكش خايفة ؟ - اعلاش بش نخاف؟(بالرغم قلبها يدق و بش يطيح من بلاصتو اما صوتها راكز و جريء .. غريبة فاها .. !)- تخاف من الموت .. - انتي ماتنجمش تقتلني احمد - اعلاااااش ؟- خاتر انتي عمرك لا قتلت في حياتك - كيفااااااش اعرفت ؟؟؟انننطق - ( دمعة هبطت منهااا .. غزرت في عينيه كان قريب منها برشاااا .. غمضت عينيها و خذات نفس )-نسيت اللي انا صحافية .. يعني عادي كيف نعرف اعليك كل شي .. انتي اللي ظاهر فيك تخاف من الموت خاترك مهدد بالقتل من طرف امك - ( زاد قربلهاااا تخلطت انفاسهم .. مفماش مسافة بيناتهم .. )- كيفاااش اعرفت؟؟ مانتصورش دافع حبك للصحافة يخليك تلوج و تعرف اعليا كل شي ..- دافع شنية مالا ؟ - السؤال موجه ليك ! - انسى معرفة معلوماتي اعليك .. انسى انا شكون وشنية نحب .. اسأل روحك انتي شنية تحب .. ( سواد عينيها غروقه .. ملي راها دخل في حيط ممكن جرأتها الزايدة ماتتمتعش باها اي طفلة .. البنات الكل يغيرو منها خاتر مش كيفها هوما تعلمو يقول lو اي حاضر اما هي تعلمت تقول لا .. و هاذي حاجة مش الكل يتمتعو باها ..ميزة غريبة .خلاتو تلقائيا يلوج اعلاها .. شكون الصحفية اللي توصل تكتب بقلم جريء و شجاع ما تكون كان سندة ..) شبيك ساكت قلي انتي شنية تحب؟ - تهرب معايا .. - شنية ؟ ( فكلها ربطة يديها ... حط الفرد في جيبو من تالي و شدها من يدها ) فاش تعمل هبلت ؟ - اي هبلت .. دبر اعليا انتي .. - لحظة لحظة بش تهز تقتلني في بلاصة بعيدة مش هكااا؟ - قداكش ذكية بش نهزك لجزر مالديف بش تموت شبابة - ههههه .. - عمري لا ريت وحدة بش تموت و تضحك يخي ممسوسة في مخك؟ ايمن فقد الامل .. لا نجم يتحصل على ليث .. و لا نجم يلقى سندة ..حس الدنيا تسكرت في وجهو .. -شبش نعمل تو ؟؟ لارمني نلقا حل .. ! ( كان واقف قدام الدار اللي دخللها .. ! دو اكاك و يخرج راجل ) - عسلامة خويا حاشتك بحاجة ؟ - خويا نحب نسألك ريتش البنية هاذي ( ورالو التصويرة فالتليفون )- ا ا علاش تلوج اعلاها انتي؟ - ضاعت .. هي اخت صاحبي - ماتت .. - شنية ؟؟؟؟؟ - انا سمير اللي نخدم عند مدام سامية .. - ماعرفتكش ..عمري لا ريتك - اسمع هي عملت اكسيدون اليوم و ماحبوش يقولو كان غدوة سي احمد ولدها و هي بش يخبروكم .. - الله أكبر .. يااا ربي ملا مصيبة .. شبش يصير فيه ليث .. يا خويا متأكد الله يخليك راهو الموت مش ساهل - الله على كل شيء قدير .. - ان لله و ان اليه راجعون .. ايمن مشى و سمير عالبلاصة كلم سامية -مدام سايى .. اعملت الللي قتلي اعليه - صحيت تو هز دبشك و امشي .. و انا سايى هاني بش نمشي نشوف احمد .. نتصور بش نقتلوها و نرتاحو منها .. اما سامية اللي ماتعرفوش انو ولدها خاطف سندة ليه وحدو .. - وين هازرني ؟؟ - شنية مداموازل جريئة بديت تخاف؟؟ - خايفة على خويا مانحبوش يتفجع .. باز لاهي يلوج اعليا توو ..- مش بش يبقى يستنى برشا خبر موتك تنشر سايى - ما يتهنى الا ما يرى جثتي - زعمة ؟؟ - خويا و نعرفو .. !! احمد بالحق كان بش تقتلني هيااا من غير ما تلف و ادور - يخي جاي نخطب ؟ راني بش نقتلك لازم نركز .. و نختار البلاصة و الوقت ... عندك أمنية اخيرة؟ - نبكي !! و ما تقولش قداشهي ضعيفة - ماتخافش تبقى بالنسبة ليا جريئتي اللي عشقتها من اول لقاء .. ( قالها في قلبو .. نرحع بيكم للماضي .. احمد داخل لمقر المجلة سأل على الصحفية سندة اللي تنشر فالاخبار على عايلتو .. عرف بيروها .. دخل اعلاها بدون سابق انذار .. - هااااي وين داخل سيادتك .. ماعلموكش ادق الباااب .. (يغزرلها و مش مصدق عينيه يسخايل بش يلقا مرا كبيرة .. خاتر اسلوبها فالكتابة يوحي اللي هي كبيرة فالعمر .. )- انتي سندة ال..- اي بشحمها و لحمها - شكون اعطاك الاذن بش تلفق تهم على دار المعامرية .. - و انتي شكونك بش تعطي رايك اصلااااا ؟؟؟ و شبيك سي الشباب هادد اعليا البيرو ملااااااا خالة هااذي - انا النقيب احمد ( وراها بطاقة تعريف .. ) و زيد شوف لقب الام مليح - لا مش مصدقة .. - لاااا صدق للا اسمع تهبط خبر اخر تلوم كان روحك نلفقلك تهمت تشويه سمعة - لااا والله تحكي بالرسمي ... ( قربلها و هي تبعد.. هو يقرب و هي توخرررر لين لصقت فالحيط .. قلبها شيطيح من بلاصتو .. زين ..عين .. ريحة بارفان تفتق تدي العقل .. ولا اكا العينين و الحواجب اللي عمدو .. رجولة تمشي على ساقيها حست لسانها تعقد .. و ساقيها يخبطو في بعضهم .. تبسملهااا تبسيمة تسحر .. تهز فيه و تحط .. الحطة متاعو و لون الاكحل اللي لابسو يدددوخ و بالحق دوخها .. بلعت ريقها بصعوبة .. حط يدو عالحيط بجنبها و قرب شفايفو لوذنيها - نرى خبر اخر و لا اشاعة اخرى اقسم بالله ندخلك للحبس و انا نكون سجانك .. ) فاقت من سراحنه للماضي .. يمكن جملتو الاخيرة هي اللي رجعتلها شاهد العقل نكون سجانك .. 😉😉😉) الحلقة 20""" قاعدة تحت شجرة .. اما هو كان ماشي جااي على اعصابو .. تغزرلو و مش مصدقة اللي قدامها هو نفسو ليث؟ لازم تتصرف مستحيل تخليه اكاك .. مكبشة في يديها و ترعش بالبرد .. غزرلها كيفاش ترعش نحى الفاست و رمهالها - البسها تبقاش اكاك .. - ليث .. !! - امممم .. شتحب؟ - مرة حكيت معايا في موضوع ... - وقتاش احنا حكينا مانتفكرش .. !!( قامت و وقفت قدامو )- نحكي بالرسمي راني .. - على شنية ناوية آخر دارين ؟ بالحق شنية آخر ما عملتوش؟؟ ( كبشت في مرفقو و طلعت على اطراف ساقيها و طبعت بوسة خفيفة حنينة على لحيتو .. غمض عينيه يستحلى في ملمس شفتيفها الناعمين )- ساااامحني ليث .. صدقني ماقصدتش نئذيك و لا حتى نفكر مانجمش.. - شنية تحاول تعمل دارين .. - سااا.. ( قص اعلاهااا ببوسة عنيفة .. لزهااا للحيط و غطس في شفايفها .. بكل رغبة تمكنتو .. رغبة و غل .. معادش منجم يشد روحو اعلاهااا .. هبلتو ..جننتو .. دارين نقطة ضعفوو .. تفاعلت معاااه بكل حواسهااا.. دورت يدها ورا رقبتو و جبدتووو .. كل ماتبعد يعاود يجبدهاا . دزتووو ..تلهث )- ااه .. اكهوو ..ت.قطع اعليا النفس - (حط جبينو على جبينها ...)شع..متلي انتي ؟ جننتني .. - اعلاش اعملت هكاااا .. - نحبك !-شنييية ؟؟ - نحبك داارين نقولهالك في ظروف صعيبة تحت شجرة في غابة فالظلام و احنا ضايعين - هههه مسامحني؟؟ - انا نقلك نحبك .. و انتي تسأل فيا في سؤال غبي .. اما انا موجوع و متنرفز .. عقلي يتمنى ما يصيرش اللي بيناتنا بكري اما قلبي يحب يصير،اكاك .. سبحان الله مش منجم نشد روحي اعليك دارين .. ( قربت لشفايفو و طبعت بوسة خفيفة .. رجعت لتالي مصدومة .. وجها بش يطرشق بالحمورية)- شنية تفسر باللي عملتو انتي توو؟ - انا تقبل حبك ليا ... - ههه ( جبدها بالقوي لصدرو و غرسلها وجها في رقبتوووو .. انفاسها تلطخ حرقتووو و زادت شعلتلو نااارو ) - كااان نلقى نخبيك في ضلوعي دارين نحبببك !! نحببببك .. شد فران تنطرت مسكينة كانت راقدة - ليييث .. !- فاااش تخرف انتي؟؟ -كنت نخلم بخوويااا - باااهي هيا اهبط - وووين ؟؟؟؟ - هذا الوتيل اللي بش نبقاو فيه .. - هههه بش نموت موتة مضخمة في وتيل خمس نجوم - اهههههبط ... ( صاااح اعلاهااا ) - معااااااادش تصيح اعليا ... ريت حتى انا انجم نصيح ( غمزتو و هبطت تسخايلوها كيفكم من نبزة تهبطو دمعة لا لا هاذي سندة .. الفعل ترجعو بالفعل .. و النبزة بنبزة و عااادي جدااا زادة .. بقا مستغرب منها ها الطفله من اناهو كوكب هااابطة ..! ) دخلو للوتيل .. مشى بش يجيب مفاتح البيوت فالسرفيس .. و هي بقات بعيدة غافلتو و فسعت .. جا قدامها البار هبطت .. تلقاه معبي اولاد يشربو و يشطحو و بنات من غير هدوم .. تتشيطح .. جبدت المصورة و تصور عااادي جدا .. ( اقسم بالله ها طفلة مجنونة رسمي مش لعب ) - وااااا قطوووس فاااش تصور .. ؟؟ - نصورر في العجايب و الغرايب - هااات الاباري فوتوو هاتهاااا - هههه تحكي بالرسمي .. ابعد من قدامي خيرلك .. (جبدها من رقبتهاااا شدتها فيسع هي تجبد و هو يجبد ) - نححححي كسرتك يااااا هم .. ( غزرت لتالي تلقا احمد يلوج يمين و يساااار )- احممممممممد .. الحلقة 21"" جبدها من يدها بالقوي يكركر فاها وراه خرجها لبرة و العصب ماكنو - يخي انتي نووورمااال ؟؟ تغافلني و تدخل للبار ... - شيهمك فياااا .. - سندة ... !! خليك باهية معايا خيرلك .. مازلت ماوريتكش العين الحمرة راهوو..خليتني نتعارك مع الراجل من جرتك .. - احمممد شتحب مني امشي اعمل اللي في مخك .. اقتلني .. اعمل اللي تحب ... !! ( جبد من عنقهااا المصورة و لطخها فالقاعة شهقت وحطت يدها على فمها .. مصدومة .. هو فات حدودو .. غزرتلوو غزرة كلها حقد و كراهية ..غل كبير في قلبهااا .. دزتو من صدرو بكل قوتهااا )- اعلاااااش ؟؟ اعلاه شعملت انا شعملت ؟؟؟ حرام اعليك ( طاحت فالقاعة تلم في طروف المصورة .. خرجت الكارت مموار .. تبكي بالشهقة .)- تستاهل ... ! خاتر فددتني في عيشتي .. - انااا؟؟ اعلاااش فددتك انتي ماكش حاسس انتي فاش قاعد تعمل معايا برافو اعرفت كيفااش توجعني و تضربني عالوتر الحساس ..اعرفت نقطة ضعفي شنية و استغلتها .. (هزت بقايااا المصورة في يدها .. و عملت ديمي تور للكرهبة )- وين مااااشية نسيت اللي انتي بش تموت؟؟ و على يدياااا ... ( دارتلو و بكل غل تملكها ترمي اللي في يدها و تجري للكياس تبقى في وسطو)- هااااني بش نقتل روحي بروحي وريني كيفاااش بش اتنجم تقتلني ... - هههه يزي من هبالك و أرجع ..- اي مهبولة و نعملهاااا و وريني شبش تعمل ..- سندة ايجاااا .. خيرلك .. ( هو يقرب و هي تستنى فالكرهبة اللي جاااايااا .. تغزرلها و مقررة اللي هي ترمي روحها معادش بش تخسر شي .. الكرهبة تزمرررر ...صوتها يقرب .. سندة بقات واقفة .. غمضت عينيهااا و تحس كان بيد جبدتها بقووة غرست وجها في حضنو . ترعش بكلها ..) - يخي هبللللت ؟؟؟ ( شيعت راسها تلقاه هو تصدمت ..بعدتووو )- ابعدني ..شبيك جبتني شبيييك؟ مش تحب تقتلني و ترتاح؟؟ وجودي مقلقك .. انتي بعملتك هاذي يا احمد كرهتني في حاجة اسمها حياة .. حسستني قداش حياتي رخيسة ... عالة عالمجتمع .. اكهو يزي .. يززززي - انا مانيش بش نقتلك ياااا بهيمة .. انا جبتك لهوني بش نبعدك عالموت .. امي مرا القتل ساهل عندها انا منعتك منها تو بعدنا سايى ماتنجمش تلقانا - مستحيل نعاود نعطيك فيك الثقة يعني في ليلة و نهار تقلبت وليت انسان مسالم ؟ عديها على غافل هاذي مش اعليا .. - انا ماكنتش معاها اصلاااا افهمها هااذي .. انا مثلت اعلاها بش ماتمسكش و تكون تحت كلفتي .. كان مازلت تعاودها حكاية الانتحار نجبدلك عينيك ! - اعلاش كسرت المصورة ؟؟؟ تعرف شمعناها هاكي حلمي ..تعبت بش شريتها حرام اعليك .. هاكي قطعة مني - نغير منها ..! - فاااش تخرف انتي؟؟ هبلت في مخك؟؟ ( عدات يديها على شعرها ..وترلها اعصابهااا .. و دخل فاها غولة ...)- اي نغير اعليك من كل شي .. ! اذاكا اعلاش اشرف المراسل بعد اعليك وقت كان يموت اعليك ..بتهديد بعد اعليك .. و رؤوف رئيس التحرير .. و المذيع كمال .. ( عينيها وساااعت )- مستحييييل .. و انا نقول شبيهم يتقلبو نسخايل روحي مسحورة .. اعلاش احمد ؟ تحب تعذبني؟ - لااا حاجة مش بش تنجم تفهمها .. الحلقة 22"" - شنية تقصد؟؟ - مااانقصد شي هياااا امشي تحرك (شدتو من الفاست متاعو ...)- مانمشي الا ما تحكي تووو ...انططططق شنية تقصد؟؟ - فففك عاااد مانيش بش نحكي .. - احمد كان ماكش بش تحكي اقسم بالله نعمل اللي في مخي - (شدها من وجها بيد وحدة )تهدد فيااااا للا ؟؟؟؟ (دزتووو من صدرو ..بكل غل تمكنهااا .. مهنة الصحافة علمتها الفضول .. بكثر العنف اللي تملكها اعليه تغلي و تغزل و العصب ماكنها )- تحب تعرف شنقصد مالاا؟؟ تحب تعرف اعلاش هددت اشرف و كماال و رؤوف و المعجبين اعليك خااااتر اناااااا نحببببك ...انا احمد ال.. اللي حياتو الكل ضد المشاعر تجي انتي اطيح كل شي فالمااااء .. - ( تقول سطل مااا بارد تكب فوق راسهااا ..جبدها من حزامهااا .. وحط جبينو على جبينهاااا ) نحب كل شي فيك ..جرأتك .. هبالك .. انوثتك اللي تحضر و تغيب ..نحب تمردك عا دنيااا ..نعشق غرورك .. و كل ذرة قسوة فيك .. يعجبني ضعفك المافجئ ..نعشق انفصام شخصيتك .. شتحب اخر تعرف؟ اي انا اللي بعدتهم الكل اعليك خاتر انتي ليا اكهووو .. و حتى كلب ما يحاول يقربلك ..انتي متاعي ( ضربتو على كتفووو ...)- شكون قلك حبني؟؟؟اااااه؟؟؟ شكون قلك اعشقني؟ اناااا مش ملكك ..(دزتو على صدرو بالقوووي ) - اناااا مش ليك مش ليييييك .. ( عدااات يدها على شعرها بستراس اللي مكنها رست على سنيها ) انا نحب ندخل امك للحبس تعرف شمعناها امك؟؟ ..و انتي تقلي نحبك؟؟؟ و من وقتاش حبيتني .. ؟؟ شمعجبك فيااا؟ هههههه انتي تحبني اناااا؟؟؟ ( قربلها عاودت دزتو و قامت تصيييح )- ماااتقربليش تووو ابعدني بربي .. كيفاش؟؟ ههه قتلي تعشقني؟- نععععشقك .. - لاااااا قووول لااا قوووول ( تضرب فيهه و هو جبل ما يهزك ريح اما مصدوم منها لدرجة هاذي تصدمت خاتر يحبهااا ؟.. شدلها يديهاااا بالقوي و دورهم وراا ظهرها جبدها ..لصقلها بدنها لبدنو و شعلتلو نارو اكثثثر )-ارررركححح ... شبيك ضبعت؟؟ مالا كان نقلك نحب نعرس بيك شتعمل؟؟ ملاااا مفرفشة هاااذي- قول اللي انتي ماتحبنيش - نحبببببك .. سندة .. بالسيف اعليك و على الناس الكل .. (شدت راسهااا بالقووي ماتحبش تسمع كلاموووو .. )- لااا لااا لااا ..مستحيل .. انتي فاااش تحكي؟؟ تعرف انا قداش نكرهك ؟؟ تعرف ولا لا؟؟؟ - انتي معجبة بيا .. ! - لاااا أنا مانجمش نحب ..تعرف اعلاه؟ خاتر الحب يضعفني .. و انا الضعف عدوي الأول فهمت اعلاش انا مانحبش نحب؟ ( جاا بش يتكلم ضربت ساقها فالقاعة ) اششش عيشك .. مش قلت ماتحبش تقتلني عيشك خليني نمشي - انتي هبلت بش نخليك تمشي ؟ ( جبدها من شعرهااا ... و قرب شفايفو لشفايفهااا و همس)- نورمال تحب نخليك وحدك انتي ليااا من تو ولا كلمة و لا حرف .. ( غزرتلو .. ضو الشارع عكس على عينيه و اعطاهم لمعة تسحر .. صوتو الخشين زادو رجولة .. و ريحة البرفان دوختها .. مصدومة من روحهااا و،من ضعفها .. يمكن غريزة الانسان عااادي .اما هي تكذب على روحها هي ملي عرفتو تحاول تعرف اعليه كل شي ساعات تراقبو ..اما اللي ماتعرفوش اللي هو يراقب فاها زادة .. امااا مستحيل تبينلو ضعفها ..ماتحبش تبينلو اللي هي مكسورة ... و اللي هي محتاج حب حد .. و ل محتاجتلو في حياتها ..ملصت روحها منو و فسعت خلط اعلاها و جبدهاااا )- تلعب بنار سندة .. - سيبني .. يااااا هم ..مستحيل نرضخلك انتي شرير و منافق ..كذاااب .. خبيث .. ظاهر من عينيك ..كلو كذب .. تحب تقتلني .. يخي فيبالك بتلحق نحب نموت .. لااا انا نحب نحقق احلامي .. نحب نعيش .. نحب نشري مصورة جديدة .. انتي كسرت امالي ..امنياتي .. و كل ذرة سعادة .. تعرف شمعناها خدمتي غرامي و حبي و النفس اللي نتنفسو مانحبش نحس حاجات تلهيني على واجبي تجاه القراء .. انامانحبش نضعف (طرشقت بالبكاااء ...) مانحبش نبكي تووو خاتر مستانسة نمسح دموع غيري،.. اي انا ضعيفة و نكره ضعفي تجاه مشاعري .. احمد قول الكلام اللي قلتو غالط ... - والله بش نضربببك والله طلعتلي دين ام العصب .. يزي من البكاااا سندة - خليني نفرغ قلبي اعلااااش هكااا..؟؟ امان انجم نمشي وحدي والله نرجعلك ..- مستحيل - نص ساعة نبقى وحدي محتاجة نكون وحدي نوعدك نرجعلك .. الحلقة 23"" حلت عينيها بصعوبة تحس في بدنها يوجع .. و راسها يدور .. تلفتت تلقاه بجنبها .. مغمض عينيه يرغل بالبرد .. وقتها مازالو فالغابة .. - ليييث قووم .. (جات هي بش تهز روحها بش تقوم .. ساقيها ما طوعتهاش ) لييييث سااااقي توووووجع (غزوتلها تلقاها بلاصة حمرررة ...كاينهي لسعة تاااع حشراء .. قاام مفجوووع )- دااارين لاباس؟؟؟ - ساااقي مش منجمة نحركها عاااوني اممماااان حييييت .. ( غزر لساقها اعرف عقرب قرصتهاااا )- لاااازم موصلو للكيااااس هيااا تشجع لازم نهزك للطبيب في تونس .. (وقفها و بقااااو يمشيووو ... دارين بدات تحس بالدوؤوخة و العرق البااارد لبهااا .... هزت عينيها الفوق ترا كان فالشجر داخل مابين بعضو و فجأة الدنيا ظلامت في عينيهااا ... طاحت على كتفووو ) - داااارين 😰😰😰😰( ضربها بكف خفيف ..ماباتش تفيق .. ) يمممككن العقرب مسمومة ياااا ربي ...تطلعشي لسعة حنش !! ( حملها بقى يمشي ليييين وصل للكياااااس .. لحظتها الريزو رجع وصلو ميساج .. كلمو ايمن و ماتحصلش اعليه .. عاود طلبووو )- تييي وينكم؟؟؟ - احنا هانا راجعين لتونس ..دارين دايخة - لييييث شباها اختي؟؟؟ - لاباااس قلي لقيتش سندة .. - صاااحبي سااامحني..😔😔 (حس من نبرة صوتو اللي سندة صارتلها حكاية .. هبط فالقاعةو دارين مكبشة فيه )- ايمن اختي شبااااهااا ؟؟؟ ماتخوفنيش - عملت ... - شعملت ايممممن ماتلعبليش بأعصابي ..- بصراحة عملت اكسيدون و البركة فيك .. - شنية البركة فيك؟؟؟ لاااا ايمن تفدلك بااازز - الله يرحمهااا .. هكا سامية قتلي .. - ريتهاااا قدامك ميتة ؟ - لاااا - مانصدق الا ما نرا اختي ..- يهديك ربي ياااا ليث يخي هوماااا يفدلكوووو بالموت ؟- انا الغالط اي اللي جبت اختي لهوووني .. ضيعتلها شبابها من جرررة اختك هذا الكل .. ( علق اعليه و مشى يشوف في الكرهبة .. تلفت لدارين ..)- شبش نعمل فيك تو انتي؟؟؟ قوووم قوووم .. ( بقى يصيح و دارين باقية دايخة ) بربي قووم دارين راني تاعب وحدي محتاجلك ... ( شعور مرعب تحس روحك وحدك و انتي في موقف تحتاج لحد معاك .. يواسيك .. ليث سمع اختو الوحيدة ماتت ..مع شكون بش يتعارك ؟ على شكون بش يدلل .. حتى اللي يحبها في اقسى حالاتها .. تعب تعب ..و معادش منجم يشد روحو .. حكاية موت اختو مش مصدقها احساسو المرة هاذي كان قوي كيف ما يشوط ضربة جزاء و عارفها بش تتمركا .. اما فما حاجة زايدة المرة هاذي خوف رعب .. رهبة ..دارين كاينهي حست بيه .. حلت عينيها بصعوبة .. )- ليث ..!! شبي..ك؟؟؟ - الحمد الله يااا رب.. دارين لاباااس؟؟ - داااايخة .. شبيك..انتي ؟؟ ماكش سافا ؟؟ - يمكن سندة توفااات ..- لاااا .. ( جات بش تقوم .. عاودت طاحت قربلها .. و حطلها راسها في حجرو .. هزت يديها ترغل عداتها على خدو .. كاينهي تحب تحفظ ملامحووو .. شعور صعيب حستو ..لعنت روحها الف لعنة .. حست االي هي السبب . مش حست هو صحيح هي السبب فاللي صار .. ) انااااا السبب .. انااااا ..سااامحني .. نعرف كلمة سامحني مش بش اظفي نااارك .. بسبب دلالي صار هكاااا .. - تحبني نسامحك؟ عيشك ما تضعفش و تخليني في نص الثنية وحدي نصااااارع .. كون قوية و استحمل لين نوصلو لتونس .. - صعيب ..حاسة بدني مرخوف .. و بديت نرااا في حاجات غريبة .. فترة ما قبل الموت .. - بربي اسككككت دارين .. ماتكملش اعليا مانحبش نخسركم الزوز .. بالرغم احساسي كبير اللي اختي لتو حية .. امااا انتي مانجمش نراااك تموت قدااامي .. استحمل ..( شدتها الكحة وقتهااا ...) داااارين شبيك ؟ - ليث ... ازرب راني مش منجمة نزي...د نس..تحمل ... وقف ستوب .. ركبهااا من تالي و قعد بجنبها - خوياااا عيشك لسبيطااار - شبااااهاا؟؟- مش عاوف شنية لسعها عقرب و لا حنش - صحيح عنا حنوشة مسمومين هنااا برشااا ماااتووو من جرتهم - يهددددديك قااالو موووت الله يخليك ازرررب .. (حطت راسها على كتفو و دورت يدهاااا على كرشو و كبست اعلاها )- ليث .. زعمة بش نموت اناااا؟؟ - لاااا يااا روحي لااا سايى اووو قريب .. نوصلو للسبيطااار- ساقي تشلت سايى فيبالك ! - شباااهااا ؟؟ - معادش انجم نحركهاااا .. والله .. ( غمضت عينيهاااا .. و دموعها هااابطة ) اكهووو .. هذا اللي مكتبهولي ربي .. - اشششش ماتحكيش اكاك دااارين ..تحبني نتقهر ؟؟؟ راني موجووووع ..تحبني نزيد نتقهر ..شكون بش يصبرني انااا .. - انتي انسان قوي و ربي ما يخليهاش بيك ... ( شيعلها وجهااا وقتهاااا دلرين غابت عن الوعي كليااااا .. جبد دبوزة مااااء بلللها وجهااا )- عيش روووحي فييييق دااارين .. فيق ماتخليهاااش بيااا .. يا خويا ازرررب .. - هاااني نزرررب ..مسكينة مازلت صغيرة .. ربي صبرك .. - لااا لااااا المرة هااذي مستحيل انجم نصببببر .. دااارين فييق بربي .. الحلقة 24"" - نشكيلك يااا بحر همي قول اللي انتي حاسس بيااا .. انا تو بالنسبة ليهم ميتة .. بالنسبة لخويا متوفية .. ! تعبت يااا بحر .. نشكيلك همي .. عمق حزني .. محتاجة لحد يشدني من يدي يقلي انااا معاااك محتاجة لحد يطبطب على كتفي يقلي انااا بجنبك .. !! ( سندة النص الساعة اللي هربتها منو .. خلاتها سوايع . ..لقات البحر ..صديقهااا اللي تشكيلو .. يسمعهااا .. من غير ما يقلها اسكت .. من غير ما يقلهاا اوووف كسرتلي راسي .. !! ) نتمنى نهرررب بعيد .. نعيش في جزيرة مهجورة .. هواء نظيف .. ضحكة من القلب .. انا السبب،فاللي صارلي انا ضحية نفسي .. ( كان وراهااا يسمع فاهااا ..من غير ما يشعر قربلها و حط يدو على كتفهااا )- انااا معااااك .. سندة ... - مانجمتش نفلت منظر شروق الشمس .. ممكن اكثر حاجة تمنيتها اللي انا نعيش .. جربت نعيش امااا ماجربتش نحس بالعيشة .. تو حسيتهاااا .. - خاتر كنت تتصنع فالقوة .. - انااا قريب نموت .. امك مستحيل تخليني نعيش و انا نعرف اعلاها برشااا خبابل .. - كيمااا؟؟ - انتي تعرف انااا شنية نعرف مت غير مااا تلعبهااا مش فاهم شي احمد .. - صدقني مااانعرف شي .. احكيلي .. - المرة هاذي بش نعطي فيك الثقة و نحكيلك .. معادش خاسرة شي ..لازمني نحكي .. انااا و جيلاني يخدم معانااا.. اكتشفنا سر كبير مخبيتووو امك اما كنا محتاجين دليل ... - شنية السر ؟؟؟ احكي .. 😉😉- خالتك ام دارين حية .. و تو في ايطاليااا .. اعرفنا كل شي .. يخي امك مالا اعلاه تحب تقتلني خااااتر انا نعرف كل شي .. مسكينة دارين تسخايل هي السبب في موت امها عذبت روحهااا و خلات الناس تعذبهااا .. تعببببت احمد تعبببت حاسي اللي اناااا عندي حاجة ممكن تعاون غيري.. امااا مانجمش نحكي .. حتى انااا نخاف على روحي ..- مستححححيل خالتي ماتت .. - صدقني عندي ما يثبت محادثات سكايب .. بيراتيت البيسي متاعها و اعرفت هي مع شكون تحكي .. يخي تسخايلني ساهلة و لا اللي يخدمو معاياااا صحافة توري نوري ؟؟ لاااا احنااا صحفيين عنا في مخاخنااا امااا ساعات الذكاء يوصل للموت .. يوصل للاعداااام ..للجحيم ..!! - مش مصدددق .. فيبالك اللي محادثة السكايب هي دليل !- لاات لازمنا دليل ما اقوى .. ! تعرف؟ انا خرجت منها و بش نقدم استقالتي - ماتصورتكش ضعيفة هكااا .. نسخايلك بقلبك .. - يززيني .. مغامرات و هم ازرق فوق راسي..- اعلاش خالتي تخبااات ؟؟ اعلاش عملت روحها ميتة و احنا اللي نعرفو انو تحب بنتها عاللخر .. - خاااتر تحب بنتها عملت روحها ميتة ... - ماتقوليش امي هددتهااا ؟ - اي اي بالضببببط .. كل شي مسجل صوا و صورة .. الظلم ترا الظلم قدام عينيك .. اما يديك مربطة .. اذاكا اعلاش قتلك ابعدني خاااتر انا نحب ندخل امك للحبس .. - نسيت اللي انا الحبببس !! - هي امك رااااهووو - لا مستحيل نستعرف بأم كيف هكاااا .. انا ماعنديش ام .. انا عندي انتي اكهووو ماتبعدنيش اعليك.. في عوض ما تحكي للبحر احكيلي ليا انااا .. انا اليد اللي اطبطب اعليك وقت الحزن .. انا الحضن اللي ينسيك احزانك .. اما قول ابقى .. قولها مرة و انا مستعد نخلي اللي ورايااا الكل و نجييييك .. ماتبعدنيش .. قولهاااا ابقى احمد ! ... - خااايفة .. لا تندم وقت لحظة ضعف .. نخاف لا تتخيلني المرا اللي فسدت حياتك .. - لاااا لااا مخك انتي شفيييه؟؟ انتي خليتني نفيق على روحي .. انتي نورتلي طريقي .. كنت معمي على ام مجرمة و عيلة زبااالة .. و خالتي مفنية في ايطالياااا .. اعلاش تهدد فاهااا؟ - يااا تعمل روحها ميتة ياااا دارين يغتصبوها لولاد .. و تعيش حياتها الكل معقدة .. اماا هي عاشت معقدة صحيح.. تعرف اللي يقهر و يوجع ريتها قدامي تبكي و انا نعرف دواااء لوجيعتها و ماعرفتش نعمل شي غير اللي انا نطلع اشاااعة فاها هي و ايمن خوهااا انا انسانة خااايبة اناااااااانية .. متعجرفة ... - اششش هدي اعصابك تووو حصل مااا فالصدور .. اما اتنجم تصلح غلطتك .. حط يدك في يدي ( مدلهااا يدو بقااات تغزرلووو مستغربة بعد مدتلو يدهاا كبس اعلاهااا ) انتي معايا يعني؟ في صفي؟؟؟ - اي مععععاك انا مع الحق .. - و لياااا؟؟؟ - امم اي ليييك احمد .. خرجني من اللي انا فيه .. نحب نكسر غروري .. نحب نولي انسانة جديدة متواضعة .. نحب ندمر تسلطي و تكبري حتى على روحي .. - توعدني؟ - شنية ؟؟ - تكون لياا ديمااا ؟ - اي نوعدك احمد و انتي اوعدني ما تخليهاش بيااا خاتر انااا محتاجة لحد في حياتي .. راجل كيفك .. (بااسهاا من جبينهااا .. بالكشي تطمن ..تهدى شوية .. ) الحلقة 25 "" متكي راسو لتالي يخمم في حياتو تقلبت 360 درجة في ليلة و نهار .. مش منو ..مش السبب هو ..مش السبب لا أيمن و لا حتى دارين ...هذا قضاء و قدر ..ربي كتبلو بش اختو ممكن تكون متوفية ... ربي قدرلو بش الطفلة اللي يحبها تدخل السبيطار .. ربي سطرلو حياتو و بلاه .. لازمو يصبر و يستحمل و عسى أن تكرهو شيء و هو خير لكم ... كان الصبر هو مفتاح الفرج بالنسبة ليه ... غضة .. من غير دمعة ... أقوى المشاعر اللي ممكن يحسها الإنسان ... مش مهم ... يتوجع ..مش مهم يتصدم .. كلو يهون ... عارف اللي صبرو بش يرجع اعليه ..عارف اللي هو بش يبكي بش يصيح و يخرج اللي في قلبو أما مش مهم .. لااا عادي المهم يرجع كل شيء كيف ما كان .. الطبيب طمنو اللي دارين لاببباس و فاقت .. بصيص من الأمل انو كل بش يتصلح دخللها لقاها متكية و التعب ظاهر على ملامح وجها ... مشالها بقا بجنبها .. حطت يدها فوق يدووو ....- ليث .. سااامحني ... بربي ساااامحني ... ( جاتها غصت متاع بكاء حست بالذنب شي غريب ...حاجة خنقتهااا ... ممكن الإحساس بالذنب اللي حستو تجاااهو ... هي جابتو لدار أعزيزها ... هي اللي جابتو للهلاك ... للجحيم ... ) – ممكن تنسى اللي صااار .... أنا حاسس اللي أختي مازالت عايشة .. – حتى أنا حاسة ... – خوووك قريب يجي .. أنا لازمني نمشي نلوج على أختي ...- لاا بربي ماتخلينيش ليث ... – شتحب أخر دارين أرحمني بربي أرحمني ... – نحببببببك ... والله نحبك ماتخلينيش و تمشي كنت عارفة اللي انتي بش تخليني ... – أختي محتاجتلي كيف ما انتي محتاجة لخوووك ..نوعدك نرجعلك – لااااا ماكش بش ترجعلي ... أما احساسي يقلي اللي انتي ماكش بش تررررررجع – يزززي من الصيااااااااح يا مهبووولة ... – بعد ما وليت نتحكم في مشاعري ... انتي بش تمشي وقت ما نحيت حكاية امي من مخي و اللي أنا مش السبب في موتها انتي بش تمشي .. بعد ما قررت بش نحي الدلال انتي بش تمشي ... ( جبدها لحضنو و دموووعها هابطين شلال ... ) – اشش عيش رووحي والله نرجعلك نوووعدك .... وراس عينيك نرجعععععلك ... غير انتي خمم في روحك تووو و في خووك ... أنا وعدت بابا بش نحط أختي في عينيا و جا الوقت بش نوفي وعدي .. ر بالك على روووحك ... ( بعدها و هي مازالت مكبشة فيه خااايفة ..و الخوف عماااهااا ... كبشت فييييه ... ) – لااااا بربي زيد دقيقة اكهوووو ... بربي – دااارين ... سيبني ... خليني نمشي ... ( سيبتووو ... طبس اعلااها و باسهاااا من رقبتهاااا ... مشى بعد ماا خلاااهاااا شاعلة بكلهاااا ... ) فالكرهبة متكية على كتفووو ... سارحة لبعيد .. جا في مخها خووهاا شهقققت – ااه ... أحمممد أمان اعطيني نكلم خووويا بربي ... – فجعتني ... بااهي شد ... ( شادة التليفون و يدها ترعش ... ) – ألووووو ...- والله أعرفت اللي انتي عااايشة .. احساسي ما يخيبنيش ...- لييييث كلوو مني .. ممكن أنا السبب فاللي صارلي .. ماتخافش اعليا أنااا لاباااس أما انتوماا ما ترجعوش لدار أعزيز دارين راهم خايبين ... – شفماااا ؟؟؟ي .. - سامية خطفتني و هي طلعت اشاعة موتي ...- ال**** ... اعرفتها هي ... – بااهي توو امشي لدارين و جيبها لوتيل ** .. حاجتي بااهااا – أعلااااش ؟؟ - بش نحكيلها الحقيقة ..بش نحكيلكم الكل ... أنا تبدلت في ليلة و نهااار ياا ليث .. مش مصدقة اللي أنا نحكي معااك تووو الله يخليك أعمل اللي قتلك أعليه – بااهي يا رووح ليث المهم طلعت لااااابااس و عايشة أقسم بالله رجعتلي الروووح ..يا ربي الحمد الله ... في لحظة تردتلو الرووح ..خذا نفس و رجع للسبيطااار ... دخل للبيت يلقا راجل حاطط مخدة بش يخنق دارين مشالووو جبدوووو .. وصللهااا في دقائق الأخيرة ... وقتها وين دخلو الطبة و جبدوه .. دارين تغفق مسكينة ... – داااارين لااااباااااس ؟؟ صارتلك حاجة ؟؟ - مانجم..تش ..نقا..ومو .. أعلاااش ..مش..يت ؟؟ ( جبدهاا لصدرو و هي تبكي .. قلبوو طااح من بلاصتووو ... ) – ساممممحني يا رووحي هااني معااااك ..معادش نخليك نووعدك ... نمشي نشوف شكون الطحاان و نجي ...- لا لاااااا ماتخلينيش خااايفة والله تقول عايشة في كوشماااار ...كااابوس ...نحب نفيييق منو و مش منجمة نفيق ... أعلاش حب ي..قتلني ... ( تحكي بالزربة و صوتها خانها ..مبحااح... ) – نحب نعرفو شكون الكلب ...بااز من دار اعزيزك – اعلاش يكرهني لدرجة هااااذي ؟؟ - اللي نعرفو اللي حكاية الورثة داخلة – شكون قلك ؟ - أيمن ... – و شبيه ما قليش أعلااااش ؟؟ من حقي نعرف و نقول شبيه مكبش اللي هوما خايبين ... الحلقة 26 "" وصل للسبيطار يجري لأختوو .. حل الباب يلقى ليث معنقها دخل في حيط .. رجع لتالي .. مش مصدق .. أول مرة يراهم قراب لدرجة هاذي .. لمحتو دارين –أيييمن ... ( ليث بعد أعلااااها فيسع ... ممكن حس بالإحراج قدام صاحبو ) ايمن سمعت اللي سندة مازالت عايشة ... – سمعت تووو ... ( أيمن يحكي من فوق من قلبووو ) خويا شبيك ؟؟ ماكش فرحان .. – شنية اللي بينك و بينو ؟؟؟ - شكووون ؟؟ - انتي وياااهااا شنية بيناتكم ..؟؟ ( نبرة صوتو كان صارمة شوية ...دارين خذات نفس ..بالقوووي ) – ايمن ممكن نحكيو فالموضوع هذا من بعد ؟؟ - لاااا تووو لازم تفسرلي ..شنية بيناتكم ؟؟ - انااا نحب دارين ..- شنية ؟؟ من وقتاش سي الشباب ؟؟ - من قبل ... – و أناا طرطووور قدامك شبيك ما قوتليش ؟؟ - ةايمن عيش خويا شبيك تنرفزت ...- سكر فمك انتي حسابك مش تووو ...- اعلا شيخي هو قال حاجة عيب ؟ الحب ما عمرو كان عيب و زيد هذا صاحبك ... – خاترو صاحبي تغيض .. لازمك تجي تقلي ... ماعجبتنيش الفازة منك عشيري حسبتك ... – شوف أنا كنت بش نجيم ديجا و نحكي معاك ...- وقتاش ؟؟ هههه يزيك بربي ... تعدي فاها اعليااا ... اصلا ظاهرة الحكاية انتي ما كنتش بش تقلي و بش تخليوني راقد على وذنيااا – فاش تحكي يااا خويا واااه – مش قتتتلك اسكت انتي ...و تو ليث ممكن تمشي و مرسي على كل شي .... ليث مشى و دارين بقات مصدومة في تصرفات خوهااا – اعلاش تصرفت معاه اكاك ازززح – سكككر *** فمك أنا الغالط اللي أمنت بيك معااااه – عاادي راهو مش عيب الحب – أما العيب كيف يكون سي الشباب معررررس ...- ههههه انتي بااز تفدلك ...ليث موش معرس ...- لااا معرس ... معرررررس و فيق على رووحك – مستحييييل كيفاش معرس و يتقربلي اكاك ..لااااا ايمن بربي قووول اللي انتي تفدلك عيشك ..- هاكي الحقيقة مانجمش نكذب اعليك .. ( قامت من الفرش ...حلت الباب شادة فالحيوووط بش اتنجم تكالي رووحهاا حاسة روحها تاعبة نفسيا و جسديا ... تلوج اعليه فالسبيطااار ... و ايمن وراها ) – عيش اختي ارجع ...- كلموووو تووو نحب نشوفووو توووو ..خير ما نعمل سبة في روحي .. وقتها بش تندمو حياتكم الكل ...- باهي باااهي تو نكلمووو ... ( خطفت التليفون من يدوووو و حطتو في وذنها ....يديها ترعش ..بدنها الكل يفبري ..) – ألوووو ايمن ..- مش ايمن انا دارين ارجع تو للسبيطااار ...- انا ديجا فالجنينة تاع السبيطار – ابقى غادي ما تتحركش ...( علقت اعليه و تلفتت لخوها ) – ماتخلطش ورايا نحب نصفي حساباتي معاه وحدي ... مشات تلقاه قاعد يستنى فاهااا كيف شافهااا قاام – دارين شقيمك من فرشك ...- و اللي يعرف واحد كيفك كيفاش تحبو يرتااح – علاش تحكي هكاا ؟؟ - احكي بصراحة و بلا لغة خشبية ... انتي معرس ... ( ليث دوور وجهوو ... ) – مانتسماااش – جاااوب بصراااحة معرس و لا لااا ؟؟؟ ماتزيدش اتعبني اكثر – اي ... ( جا بش يكمل يحكي دورت وجها و مشات خلط وراها و جبدها ليه ... جاا ضهرها على صدرووو ..غمضت عينيهااا ... الوجيعة اللي حستها لحظتها حتى حد ما يمكن يحسها ... خاااتر توصل تحب انسان ... ترتاحلو .. تعطي الثقة فيه و في لحظة تخسر كل شي ... في ثانية كل شي يتقلب ... ) – والله ياا دارين معرس باها على اوراق اكهو و ديجااا مقدم قضية طلااااق ... – سيبني ليث برحمة بووك سيبني ...معادش منجمة نزيد نسمع صووووتك ... معادش منجمة نزيد نستحمل حاسة رووحي تاعبة نفسيا و جسدياااا ... سييييييييبني ... ( ملصت روحها منووو ... دارتلو و نظرة عينيها معبية لوووم و عتااب ) – تعبتني برشااا ..قتلك اخطااك مني ..قتلك ابعدني من اللول كنت حاااسة اللي انتي بش تجرحني برشااا ... أعلاش اعملت فيااا هكااا ؟؟ كنت نسخايلك انسان تحميني .. تخاف اعليا من الناس اللي يجرخوني اما انتي شعملت سي الشباب شعملت ؟؟ جرختني اول واحد .. تعرف مش عيب فيك العيب فياا اللي اعطيت فيك لثقة من اللول و استسلمت لدين ام مشاااعري ... اكهوو يزززززي يزززي .. – مانحبهاااش ... انا نحبك انتي ...- مانجمش نب سعادتي على تعاسة غيري ... عندك صغااار قلي ؟؟ - عندي ولد عمرو عاام ... – مش مصدققققققققة قداكش أناني ...ارجعلهم ليث .. عيشك ... انساني – مستحيل ننساك ... تقول في حاجة مستحيلة .. انا بش نطلقها و انتي ليا .. – عمري ما ريت ما أوقح منك .. من اليوم وجهي معادش يلاقي وجهك و كان مرة ربي جمعنا بالصدفة ننصحك اعمل روحك ماتعرفنيش خاتر انا وقتها بش نطفيك – باهي طفيني اما اختي حاشتها بيك تحب تقلك حاجة – شنية تمثيلية جدية هاذي ليث ؟؟ - لا صدقني بالحق تحكي .. قالت بشتقلك الحقيقة انتي و ايمن امشيو معايا ... – أخر مرة ... باااهي ؟؟؟ اخر مرة نمشي معاك و نسمع كلااامك و من بعدهاااا معادش نحب نرااك جمممملة في حياتي الحلقة 27 "" واقفين قدامها الكل ... دارين شادة في خوها دايخة ... – شفمااا سندة ؟؟ ...- بصراحة عندي ليكم سر لازمني نحكيهولكم شنية أخر ؟؟ مازالو أسرار اخرين ؟؟ احكيووو فرغو شكاريكم – امان دارين كز معايا ... اولا خويا صحيح معرس اما مرتو ما يحبهاش و ديجا بش يطلق – أما خبى اعليااا ... بالنسبة ليااا حكاية خووك صفحة و طويتهااا ... تو احكي انتي شفمااا ...- أنا اللي بش نحكيلك ... – أحمد شتعمل هوووني ؟؟ - أنا اللي بش نقلك الحقيقة الكل كون قوية .. – عادي اشمازال بش يطلع اخر ... احمد حط قدامها البيسي و وراها المحادثة اللي صارت بين امو و امها ... دارين تتفرج و تسمع ... و شادة فمهاا مصدومة مش مصدقة تلفتت لأيمن ... – أنا مش عارفة شنحكي .. مش عارفة شنية نقول والله ... امي عايشة يعني ( طرشقت بالبكاا و شدت في خوووهاااا ... ) – عيش اختي كون قوية ..- شنية نكون قووية قدااااش مني بربي ... راني تعبت والله تعبت ...نحب انشوف امي – لازم ندخلو سامية للحبس قبل شبيكم يخي ؟؟ لازم نشدوها متلبسة في قضية من قضايا ... بش ترجع حقك و حق أمك ... قضية تهديد هاذي مش ساهل .. – حرام اعلاها حطمتني و امي مسكينة حبت تحميني يخي أعلاش الدنيا هكااا ؟؟ أعلاش فما كان الغدر... تهديد و خيانة .. قتل و دمومات أعلاااش فماا خوووف ... اليوم ريت الموت بعينيا .. و بش نبقلى نشوفو و يا أنا يا هي ..... يا أنا يااا هي .. – أناا معااااااك يااا دارين .. – عيشك سندة ... مش عارفة شنية بش نقلك ..- أحمد زادة وقف معايا و شجعني بش نحكيلك – عيشك أحمممد ... أما كيفاش بش نعملوو ؟؟ لازم نشدوها متلبسة كيف ما قلت – ساهل برشااا ؟؟ - كيفاش أحمد ؟؟ - أمي اليوم لعشية بش تستلم كمية مخدرات كبيرة برشا ..و أنا هكا و لا هكا كنت بش نلقي القبض اعلاها اليوم ... وقتها بالحجج و الوثائق اللي عنا ممكن تولي قضيتك تتسمع فالقضاء .. و امي تتحاكم .. - صحيح ...أما نحب نرا أمي .. – كلمتها امك و بش تجي في أول طياارة ... – مش مصدقة والله حاسة رووحي نحلم ..- أبقااو هوووني أناا نمشي نحضر التعزيزات الأمنية ..- أحمد نمشي معاااك ..- لا سندة ... الحكاية مخطرة ... ( مشى خلطت اعليه تجري ) – أحممممممد – شبيك ؟؟ - أمان عيشك خليني نمشي معاك بش نبقى متحيرة اعليك راني ... – لاااا مستحيل نخليك تمشي .. ( شدلها وجها بيديه الزوووز ) ماتخافش ياااا روححي .. بش نرجعلللك .. – نخاااف ... من حقي نخاااف ... امك مخطرة – مستحيل تقتلني امي اما كان قتلتني ...- لااااااا اللطف اعليك ... بش نمشي معععاك شيهمني فييييييك – تحب تموت يخي ؟؟ - انتي اللي بش تموت و تحبني نبقى نتفرج فييييييك – اختار مالا نموت وحدي ولا نموتو الزوز ؟؟ - فاش تحكي أحمد ؟؟ بالحق فاااش تحكي وليت تلعب بالموووت ؟؟ تحب تهبلني ازززح ..مالا ماشية معاك و خلينا نموتو الزوووز ( طرشق بالضححححك على منضرهااا ) – ههههههههه ملااا مرعوشة هاذي – شبيك تضحك ياا هم ؟؟ - يخي جدت اعليك بش نمشي انا ... بش يمشيو البوليسية الأخرين ..- تكذب اعليا ...- مانيش نكذب تو نجي بعد ساعة نعطيهم التعليمات و نجي... – تكذذذذذب ...والله تكذب و ظاهر من عينيك ...- ( عدى يديه على شعرها ) – وراس حبي تو نرجعلك ... ساعة و نجي ... – أوعدني ...؟؟ - امم نوووعدك ... – مش عارفة حاسة اللي انتي تكذب اعلياااا .. ( تنهدت تنهيدة قوية .... عدى يديه على شفايفها ... و هبطها لرقبتهااا ...تكرهبت مع لمستو ... تلفتت لخوها تلقاه مش لاهي باها ...شدت يد احمد و حطتها على خدها باستلو كف يدووو ..) – رد بالك على روووحك احممد ... – ماتخافش اعليااا تاا نجي .... ( هو مشى و جاها ايمن ...) – تحبووو ؟؟ - كيفاش أعرفت ؟؟ - ظااهر للي انتي تحبو برشااا .. - اي برشااا ... – حتى اختي تحبو خوووك .. أعلاش تصرف هكا معاها ؟؟ أعلاش كذب اعلاها و مثل دور العاشق الولهان و هو معرس ؟؟ - مانعرش ايمن والله لا نعرف ..اللي نعرفو هو ما يحبش مرتو جملة ... و يموت على اختك .. – لازمنا نتصرفووو مالااا .. مانحبش نرا اختي متعذبة قدامي – شنية الحل أيمن ؟ - امشي احكي معاااهااا و فسرلها اللي هو يحبهااا ... – بالحق ؟؟ - اي .. – اذاكا الصحيح والله ... ( مشاتلها و قعدت بجنبها ... ) – دارين ممكن نحكيو في حكاية ليث – لا أمان سندة اللي فيا مكفيني ... – هو يحبك والله ... – كان جا يحبني ما يكذبش اعليا – يخي من أول غلطة تخليه ؟؟ اعطيه فرصة – مش بالساااهل ... انا توجعت احترموو حتى شعوري بالوجيعة ... ( قامت ...و خلاتهااا حايرة .. اول مرة ترا خوها في نظرة عينيه الخوف مخلط ببرشا وجيعة .... مارتهاش فيه قبل ... اصعب فترة تتعدى بااها ...كلهم الأربعة يتعداو باصعب فترة ... دارين خرجت خلط اعلااهااا ليث ... ) – دااارين ... – شنية تحب ليث ؟؟ - اعطيني فرصة نفسرلك الحكاية الكل .. من حقك تاخو موقف اما من حقي زادة نحكي و انتي اسمعني ...- انا نفسيتي تاعبة ..مش ناقصة والله ... – من حقي نحكي معااك و نفسرلك كل شي ...- بااهي احكي هاني نسمع فيييك ... – عرست زواج تقليدي .. عمري لا حبيتهااا .. امي الله يرحمها مرضت بالسرطان ( عفانا و عفاكم الله ) و حبت تفرح بيا قبل ما تموت بحكم انا ولد الوحيد فالدار .. حبت تفرح بيا قبل ما تموت نقلها لااا ... عرست بااهااا – وجبت منها صغار ؟؟ كيفاش ماتحبهاش – سبحان الله دارين راهي مرتي اما مع الوقت حسيت بمشاعر حب تجااهك - تعرف قصتك قصيرة اما حزينة برشا مش انتي الضحية لااا ... الضحية هي مرتك و بنتك ... ( تبسمتلو تبسيمة وجيعة و مشات و خلاتوووو ... ) – دااارين اسمعني بربي.... اوووف بعد ساعتين .. سندة ماشية جاية تفرك في يديها من العصب اللي مكنها .. ستراس و برشا خوووف – ياا سندة وسع بالك امان – لاااا ايمن كيفاش بش نوسع بالي و هو لتو لاااا جااا وعدني اللي هو بش يجي بعد ساعة كذاااب كذذذذذذذذاب وعدني ...- باهي كلمممو ..- كلمتو يمكن 10 مرات و ما يهزش شبش نعمل انا تو راني بش نهبببل ... ياا ربي احميه ياا ربي ... ( في يدها التليفون و تطلب و تعاود ما حبش يهز اعلاهاااا ... بدا الشيطان يوسوسلها اللي هو مااات ... معادش منجمة ... تستحمل ... ) – لااااا معادش انجم نزيد دقيقة هوني انااا ماااشية ... بش نمشيلووو – وين ماشية يهديك ماشية للنار بساقيك – لازمني نمشيلوووو والله نموت هوني بالستراس اعليه ... معادش انجم يا ايمن امان عااوني مش عندك كرهبة ؟ - اي عندي ...- بربي وصلني بربي مش احنا اصحااااب ... ( دموعهاااا تكركب ... سخفتو عاللخر ... ) – بااهي امااا بالسرقة على خووك والله يقتلني ... – اي اي مستحيل نقولو مزيتك مش بش ننساها حياتي الكل ... الحلقة 28 "" ركبو فالكرهبة و طااار باااهااا – ازرب ايمن بربي معادش انجم نستحمل والله .. – هاااني نزرب اكثر من هكاااا ... حاول زيد كلمووو ( كلمتو هز اعلاها اما صوت غريب مش هووو ... ) – عسامة اختي انتي سندة ؟؟ - اي انا سندة وينو أحمد و انتي شكووون ؟؟ - أنا صاحبووو – قلي أحمممد شصااارلو عيشك ؟؟ ماصارلو شي .. أما ..- أما شنية ؟؟ بربي اححححكي ..- خلاا تليفونو و مشى .. دخل للدار اموو و خلى تليفون و قلي هز اعلاعا و قلها رد بالك على رووحك و رد بالك تجي ... – يبطى قلووو...- عيشك يا مدموزال راو الوضع مخطر طلع عنده رجال برشا و مسلحين – أحمد وين ؟؟ قلي مات مش هكااا ؟؟ - لااا والله لاااا أما هو بش يتصرف – انا جاية تو و ما يهمنيش .... ( علقت اعليه .. و دخلت في حالة هستيريا تاااه توتر ... شادة راسهاااا ) لااا احمد وعدتني حرام اعليك والله ... حرااام – اماان سندة هدي اعصااابك انا عندي سلاح راااهوو ... بقدرة ربي ننقذوه خلي ايمانك بربي قوووي .. – تعرف صاحبو شنية قلي انتي .. ؟؟ ثلي اللي هو دخل للدار و سامية عندها برشا رجال مسلحين ... – خلاها اعليااا – كيفاااش ؟؟ - لحظة تا ترى بعينيك ... ( طلب نومروو و ايمن يتبسم ... ) – أهلااا عشيري الورل – صاااحبي ايمن ... شحوووال الطقس في اسبانيا – هههه يا حسرة يا صاحبي تو هاني رجعت لتونس ... الجو غاادي ما يعجبش – اكهووو عشيري لكل مقام مقال – هاااك اثقفت صاااحبي – اي برجولية قررت نبعد عالتهوميل و البلطجةكككك – لاا عاد و أنا نقول كان صاحبي الورل هو اللي بش يسلكهالي – واااه صاحبي قلي توو شكون مس عشيري نجبدلو عينيه .. نحطو الثقافة على جنب و نتلهاااو ب أيمووون الغالي – جيب رجالك لكل لدار المعامرية ... – اووووه نستنى فاها حتى أنا هاا الضربة و أخيرا ربي هداك عشيري – اي فقت على رووحي ... – بااهي هااني جاااي مسافة السكة هاهاهاها ... غزرلها و هي مبهمة فيه – انتي تعرف الأشكال هاذي ؟ - كان ماجاوش الأشكال هاذي راني انا وياك ماشيين للموت تو ستنىبش نكلم حد أخر ... ألووو اهلاااا بالحومة العربي بكلهاا – اهلااا بصااحبي .. الغالي – هههههههه صاحبي برجولية تهبطلي حومة العربي الكل تو نحبها في دار المعامرية – هرمنا من اجل هذه اللحظة التاريخية – ههههههه وحدك و برااا ايا نتلقااو غاادي ... مازالت سندة مبهمة فيه – مااكش نورممممال – يطلع مني مش هكااا ؟؟ - انتاااا معللم برجولية والله ... خويا يعرف شكون يصااحب .. – اسكت خووك راو تو مشنعهاااا ... ماشي جاااي قدام دارين ...- شبيك ليث ؟ اقعد ازززح بش انجمو نخممو – شنية بش نخمم اختي مشات .. لااا باز خوووك معاااهااا انا نحمد ربي منعت من الموووت ... – ايه كلمها – ولا واحد يهززز اززززح يحب ينرفزوني – مالا نخلطو اعليهم – و انتي فالحالة هاذي للااا ؟؟؟ - اسمع انا اللي يقلهولي مخي نعملووو و عااادي ... - اممك قريب توووصل – صدقني كان متجاتش امي بش تجي راني خلط اعليهم لوووقتاش بش نواجهو الأعداء بالخوف و الهروب تحب تتخلص من مشاكلك لازمك تواجهم ... يزززينا بربي يززينا ما خفناااا و تخبينااا... جا وقت الإنتقاام و خليه يمشي خويا مش خايفة اعليه ... نعرفو يسلكهااا...- و أحنا دارين ؟؟ - مفماش حاجة اسمها " أحناا" – لااا فماااا يا للا .. بالسيف اعليك كان لزززم - فكننني عاااد ليث ازززح فددتني في حياتي راااك ... أنا مالا هاني خالطة أعليهم .. اقعد فاهاااا – ا بنتي يهديك كيفاااش بش تمشي غاادي ؟؟ - ناخو تاكسي ... كاااار... اي حاجة المهم نووووصل الحلقة 29 "" خالط وراها و هي لا حياة لمن تنادي اللي في مخها تعملووو – دااارين امك بش تجير اهو كيفاش تمشي و تخلاهاااا ؟؟؟ - أنا ماشية لخوووويا كان مافيبالكش ... و زيد أختك معاااه .. ماشيين للموت بساقيهم ... لازم نكونو معاهم ... أمي اتنجم تستنى خوياا لاااا ما ينجمش .... ( جبدهااا ليه بالقووي ) – تحبني نعاونهم ؟؟ - عاااون أختك ليث ...عيب تخلاها اكاك ... – بااهي تو نتصرف ... ( جبد التاليفون و كلم صحابو الكل اللي يعرفهم ... و هي باهتة فيه قداااش عندو معااارف ... أما عملتو اللي عملها فاها مش بش تنساها حياتها الكل .. مستحيل تسرقوو من مرتو و بنتو ... أما تحس في قلبها بررد تجاه روحهااا .. عندهااا توو تحمي خوها اللي بقى حياتو الكل يحمي فاهااا .... جا الوقت اللي بش تردلو معروفو ... ) جاتهم كرهبة قدام الوتيل .. صاحب ليث .. – امااان محمد ازرب عيش خووويا – تعرفني نمشي كان بالشوية ... ايجا سوق انتي ... ( مشى يسوق ليث ... تبارك الله اعليه فالسواقة .. عجاجة ... ) – بالشووووية ياا مهبول بش تقتلناااا ... – مش قلت تحب تخلط على خوووك شوف كيفاش بش نخلطو اعليه ... غير خوووذ نفس عميييييييق ... – ااااااااااع ياا هم ... بالشوووووية ... ليث حط همو في الجري .. وراه اصحابو بالكراهب .. الستراس هبططو فالفولون ... حست بيه متنرفزز .. مهموم ... مخنوووق ... مش منجمة تعاونو ..كرامتها فوق كل شي ... كيفاش بش تظلم روحها معااه ... حطت يدها على كتفووو ... غزرلها من المراية ... حسهاا تواسي فيه ... أعلاش يفهمها من نظرة .. حط يدو على يدهاااا و كبس اعلاااهااا ...كاينو يقلها ساامحني ... بربي سااامحني راني تااعب و مخنوووق ... و هي تجااوبو في سسرهااا .. سامحني انتي كرامتي قبل الحب ... عزة النفس اللي عندهااا قوية ... حتى حد ما ينجم يهدهالهاا ... حنين .. اي عندهاا حنين للي عاشتو معااه تتفكر بوستوو نارها تشعل .. أما كيف تتفكر اللي هو معرس نااارها تشعل اكثر نحات يدهاا فيسع ... قلبها يدق فال 100 مش مستوعبة اللي هي حنتلوو و شعرا لا ضعفت قدام جاذبيتو ... دورت وجها للشباك و هو بالعصب زاد فالفيتاااش اككككثر يمكن حس اللي هو سايى خسرهااا و يستاااهل ... خاتر مش ساهل اللي عملو فااهااا ... ممكن كان صارحها من اللول عاادي اما هو خبى اعلاها حقيقة تووجع .... في ليلة و نهار تكتشف اللي حسسها بقيمتها و اهتم باها معرس ... عاادي تكون ردة فعلها قاسية و من حقهااا ... سندة و أيمن وصلو و معاه اصحااابو وقفو بعيد عالدار شوية ... – شبش نعملو تو ؟ - نستناو شوية .. – معادش منجمة نستنى- ا بنتي يهديك اررركح ... شوووف اووكا أحمد خرج ... – بش نمشيلووو – لااااا ( شدها من مرفقهاااا ) ا بنتي يمكن فماا شكون حارسها الدار ... تلعب بالنااار – ما يهمنيييييييش ... ( ملصت يدها و هبطت ...تجري ... أيمن وراهااا يصيح و هي مش تسمع فيه المهم توصولووو ... ) – أحممممممممد ... ( تلفتلهاااا .. مش مصدق اللي هي وصلت لهووووني ... ) – لولاااد جيبوووها فيسع مشيش يفيقو بااهااا ... ( دخلوها للكرهبة شادينها ) – سيبووووووني ... نحب نشوف احمد – يا مدموااازال يهديك راهو مش سااهل اللي تعمل فيه ...معبية مجرمممة ... – مايهمنيييييييش ... تو نحب على احمممد .. ( أحمد ركب فالكرهبة العصب ماااكنوو ) – نوووورمال انتي في مخخخخخك ... ( بقا يصيح و هي تغزر للرجال ... حاشمة ... كيفاش صاح اعلاها قدامهم ... سندة تبدلت ولات حساسة ... طرشفت بالبكاااا .. في كفوهاااا خايفة اعليه بش تموت بالخوف و الرعب و هو شوف كيفاش يتصرف ... طلب من اصحابو يهبطو بش يبقى هو ياها وحدهم ... ) – شبيك تبكي توووو ؟؟ - شي ... هااني بش نمشي ... ( سكر البيبااان ..) شبيك سكرتها الكرهبة ؟؟؟ اوووف ... مش قتلي بش ترجع تكذب اعلياااا ؟؟؟ وعدتني و ما وفيتش بوووعدك... – هاذي خدمتي يا سندة و زيد امي مش حابة تسلم رووحها للشرطة ... – شبش تعمل ؟؟ - بش نعاود ندخللها ... بش نستعمل الرصاص المرة هاذي ... ( تكى راسووو ... يحس في مخوو تنفخ بالتخمام معادش منجم يركززز .... بقى بين ناريين ... اما اكيد واجبو تجاه خدمتو بش يغلب كل شي ... ) الحلقة الأخيرة "" الجزء 1 "" هبط و معاه سندة شادة فيه ...- لا أحمد خلي حد أخر يدخللها ... – سيبني دارين بربي ... ماتزيدش أعليا راني شادد في كحة ... – ندخل معاااك .... ( هوما اكاك و يجي جيش كاامل ... اللي مع ايمن و اللي مع ليث ... أحمد بقا مصدوم ... ) – شنية هذا الكل ؟؟ منين جاااوو ؟؟ - أصحاااب أيمن و ليث ... – مسلحين هاذم ؟؟ - اي .. – ماهمش نووورمال ... بااهي قلهم يحرسو الدار من رابع شيرة ... و أنا بش ندخل للدار ... ( مشى و خلاهااا ..حست روحها مشا معاه ... دارين مع ليث .. الزوز خايفين على رواحهم ... قلوبهم مع بعضهم .. اما حاجة ناقصة هي الثقة .. اليد فاليد اماااا القلوب مش صاافية ... القلوب موجوعة ... ) – دارين نحبك ... -..... ( الصمت كان حاااضر شنية بش تقلو ؟؟ انا نحبك زادة ؟؟ باهي و من بعد ؟؟ شنية بش يتبدل ؟؟ اي الحب بااهي و شعور رائع ... و من بعد الحب شفمااا ؟؟ بش ينجم يبدل الواقع ) – والله بش نطلق على قريب و نكون ليك ... - ....... ( مازلت ساكتة ... كابس على يدهااا و هي في عالم آخر .. ) - شبيك ساكتة احككككي ... – انتي ماتعرفش شعور الوجيعة ...تصور كان جات مني شنية بش يكون موقفك ؟؟ أما الرجل شرقي يحب كل شي يمشي على هووواه ..يعمل اللي في مخو و لازم المرا هي اضحي ... مانجمش نبني سعادتي على تعاسة غيري – هي زادة تحب اطلق ...- تكذب ..-والله هي تعبت مني و تعبت من روحهااا زادة ... الظروف جمعتني باها في وقت غالط ... – ممكن الأمور تتصلح ... على خاطر بنتكم ..- مش بش يتصلح شي ...مازالت أخر جلسة و كل حد يمشي على روحووو ... كان تحبني بالحق تاقف معايا ... اعلاش تخلي فياااا بلاش بيك دارين ... – انا ويااك منجموش نكونو لبعضنااا هذا مكتوبنا و لازم نتقبلوه ... ( هوما اكاك و سمعووو صياااااح و حس كرتوووش في جيهتهم ... فسع باهاااا لخربة مقابلتهم ...دخلهااا و هي بش تموت بالرعب )- ملاا فيلم رعب هذاااا – اشششش دارين ... – ياا ربي خووويا شصااارلووو والله نموت كان صارتلو حاجة ... – مااتخاافش نعرفو صاحبي يسلكهااا .. غير انتي كون قوووية ...- تعبت من القوووة ...- أنااا معاااك ...- انتي ماكش معايااا ... انتي بعيد برشا اعليا ليث ( عنقهااا بالقوووي .. تحس في بدنهااا تكونساا مانجمتش ادزووو ...مانجمتش تبعد حاجة اقوى منها ببرشااا ... ) ايمن يجري و سندة معااه ... – يا ايمن وين ماشيين ؟؟ - ورا الدار ... شد الفرد هذا خليه معااااك ...- مانجمش نستعمممملو ... ( هي اكاك ترا راجل شااد الفرد ورا ايمن ا...عينيها وساعت .. ريقها نشف ... )- اييييييييييمن ... ( تلفت ... و فجأة الراجل يضرب بالكرتوووش ... جات في كتف ايمن ... ) لااااااااااا ياا ربي ( تشد الفرد و يديها الكل ترعش و تضرب الراجل ... ايمن طاح اعلاها ... ) – اييييييمن .... ( حطتو بجنب الحيط ... قطعت من دبشو طرف و حطتها عالجرح ...) – س...ندة ...- ايمن عيشك كون قوووي استحمل بربي ... ملا عملة كلوو مني انااا السبب ... يعطني داااا.... يعطني عمى في عينيا ... – ت..ي اس..كت ..امشي ...خ..ليني – اما نخليك تحب دارين تقتلني ... ياا ربي حلها في وجهي ...يااااا رب ..( كابسة على جرحو يديها الكل دم ... حاسة رووحها في فيلم مش واقع ...عمرها لا تصورت يصير هكااا فاااهااا دموعها سايلة ... أيمن اللي وقف معااهااا وقفت رجال ... قدامها غارق في دمووو ...دخلت في هستيريا ) لا ايمن بربي قووم شكون بش يقويني بربي ...قووووووم ... بربي لا تغمض عينيك .. ( تلفتت يمين و يسار ... شافت كالخربة .. قومتووو بقاات تمشي في لين وصلووو دخلووو ... و غادي لقات خوها و دارين مش مصدقة ... طاحت فالقاعة هي وياااه ....)- ايييييييمن شبيه ياا سندة ؟؟- تضرررب – اوووه على سعدي وووووووه خويااااا ... الجزء 2 "" _ تحب تقتل امك سي الشباب ؟؟ - فيسع سلم روووحك خيرلك .. و تهنى رجالك البرة الكل تشدووو ... بقيت كان انتي ... - هكااا يا أحمد كفويا ولدتك و ربيتك و قريتك ....- تسخايلني راقد على وذنيا انتي ما ولدتنيش ..- كيفاش اعرفت ؟؟ - نسيت اللي اناا شرطي .. بش نعرف كل شي ... و تووووو سلم رووحك و يزززي من تسكبين ... ( قربتلووو و هو كببللها يديهااا .. هزها للكرهبة ...و بقى يدور في عينيه يلووج اعليهم ... دار ورا الدار و بقى يصيح )- سننننننننندة ...وينننننننننك ( سمعت صووتووو زادة قوووات فالبكية ... حرجلو ليث ...)- احنااا هوووني احممد ...- شصاااار ؟؟ - اطلب الإسعاااف ايمن تضرررب ... – سنددددة وين ؟؟؟ - اهيااا منهارة هوووني ...- بااهي باااهي ... خرجهااا و هي متكالية على كتفووو ..عينيها في دنيا اخرى ساارحة فاللي صارلها بكري .. أول مرة يصيرلها كاك في حياتها ... توصل تضرب حد بالكرتوش ... صعيبة برشا .. – سندة شبيك ؟؟؟ -......- سندة فيييييق فيييق ...- ضربت حد بالكرتوووش ... مش مصدقة يا أحمد و زيد نرا أيمن قدامي غارق في دمووو ..حاسة روحي نحلم ... اقسم بالله مخي مش قادر يستووووعب ...- تعدا كل شي ...سايى وفاااا – و أيمن ؟؟ - لاباااس الضربة جات في كتفوو حمد الله ... دارين كانت فالإسعاف بجنب خوووهااا شادتلو يدووو .. تلوم في روحهااا هي السبب فاللي صارلوو ... كان تصير فيه حاجة مش بش تسامح روحها حياتها الكل ... وصلو للسبيطار و ايمن عمل العملية و نجحت ... ليث قعد بجنب دارين ..شدلها يدهااا ... – اسمعني .. اخر مرة ؟؟ - احكي اما أخر مرة ...- غدوة أخر جلسة و بش نطلق ... كان بالحق سامحتني .. نلقاك مع 10 تاع الصباح قدام باب المحكمة ... كان ماتجيش 10 و ربع نفهم اللي انتي تخليت اعليااا ... ( مشى و خلاهااا .. شدت راسها بالقوووي تحسو بش يطرشق بالوجيعة ..بالتخمام .. شبش تعمل ؟؟ حارت و حار دليلهااا ... صراع قوي بين قلبها و عقلها شكون بش يغلب ؟؟ شكون بش يعلن وجودو ؟؟ سندة و أحمد واقفين قدام بعضهم ... ترمش في عينيها .. و هو يتبسم على جنب ...- شعملت انتي تو ؟؟- بستك شنية فاهااا ؟؟ - لا مش عاادي ... ما شورتنيش – لازمني نشاورك بش ناخو حاجة من حقي ... ( دورت وجهاا تضحك ) يعنبوو اكا الضحكة ... – يززي عااد تحشم فيااا ...- هكاا توو تحشم مني ؟؟ انا نعرف كيفاش نحيلك الحشمة ( قربلها ... دزتوو بالقوووي ) احشم ياا همم ..و زيد احنا فالفستيار تااع البنات تصور كان دخلو اعليناا – محلااااها الرمانسية فالسبيطاااار ...- هههههه امشي اخرررج ياا مهبووول ... – مانيش خااارج ... – احمممممد والله بش نضرربك – اضررب ميسالش .. ( دورت يديها على رقبتووو ...)- تحبني نضربك ؟؟ - اممم اي .. – ههههههه ( عنقهااا ... و هي استسلمت لشعورها تجاهووو ...محلاه الإحساس ..هوما اكاك و تدخل هاملة النظافة ...)- شنية قلة الحياء هاذي .. – ياا خالتي مرتي مسكينة حبلة ... شووف حالتهااا دخلت معاها للفستيااار ...- اووه اللطف اعليك يا بنتي ... ( سندة عملت روحها دايخة ) – عيشك ياا خالتي ... – ربي يخلص وحلك .... – عيشك ..( خرجووو طرشقو بالضحك ... )- ههههه يكب والله سعدك يا أحمد ... فضحتنا – اهيكا تعدااات اما شقووولك في حكاية الحبالة .. برجولية ضربتلي لمخي ؟؟- شنية ؟؟ - نعرسووو و نجيبو بنبينو ... ( غمزها و هي وجها تقلب ألوان ) شووو كيف حشمت ؟؟ ..- يزززي عااد ... ما أبلدك ..- تووو قلي جاوبني ... تعرس بياا ... ؟؟ - هوني ؟؟ تطلب مني نعرس بيك فالسبيطار ؟؟- اي بش تكون ذكرى مهبوولة ...- هههههههههه اي نقببببببل ...-لااااا جدت اعليك انتي ؟؟ ( ضربتووو على كتفو و على صدروووو ... ) – ياا سخطة ياااا هممم ..( جبدها لحضنووو ...)- ا بنتي نفددددددلك ههههه الجزء 3 "" دارين دخلت لخووهاا ...- مينووو حبيبي خووويااا ( شدتلو يدووو و عينيها مززغلة بالدموووع ) – ما...تب..كيش أنا لا..باس – ترعبت لا نخسرك .. وقتها ما يبقالي حد ..- يبقالك ليث ...- لاااااا – ب..ش ترج..علوووو راك ..- لاااا مستحيل نرجعلووو ..- تحب تعبني ...ا..كثثثر ش.وف حالتي –بااهي ارتاااح .. عيش خووويا ... – اوعدني ترجعلو ...يحبك برشا ... – توو نخمم المهم تو عندي صحتك ...بلاش بيك انا حتى شي والله ... داخلة للسبيطار تجري ..عينيها معبية دمممموع ... تتلفت يمين و يسااار ممكن حست روحها ما وقفتش معاااه ... تعلمت في بعدو برشا حاجات ...تعلمت الاشتياق ...الحنين ...هدى ترباات على قاعدة ... ممكن حست اللي هي تحبو برشا ...كيف سمعت بيه تضرب .. ماتت بالخوووف .. تجري فالكلوووار ...وصلت لباب بيتو ودخلت ..تلفتتلها دارين ... تبسمت .. – هدى ؟؟؟ - دارين ... ؟؟ ايمن لابااس ( دارين بعدت ...ايمن بقا يغزرلهااا و قلبووو واجعووو ...توحشهااا ... برشاا ) – ايمن لاااااااباااس ؟؟؟ ( قربتلووو .. و عينيهااا بالدمووع ... ) سااامحني ...ماوقفتش معاااك ...دارين سامحني ... – انا مسامحتك و تو نخليكم ... حست روحهااا قالت حاجة غالطة ) – قلت حاجة غالطة أنا ؟؟ بش تخليك تضحك ؟؟ - لااا اما تحسك قلتها مخر – بالحق ؟؟؟ انتي ماتحبنيش ؟؟ عندك حق .. حتى انااا اعملت فيك و في اختك ... ايا بالسلامة و ان شاء الله لابااس ( جات خارجة عيطلهااا ) – هدى ؟؟ ( تلفتتلو فيسع ...)- نعم .. – كيف قلت سامحني لأختي كبرت في عيني ... صارو بيناتنا حاجات مانجمش ننساهم .. و انتي وقفت معايا ...وقت كنت بطال .. وقت كنت دورو لااا قبلت بيااا ... مانجمش نسلم فيك – بالحق أيمن .. ؟؟- وراس عينيك ...ايجااا عندي ( مشاتلووو تجري و قلبها يدق ... حطت راسها على صدرووو توحشت قربو لاهااا ) – ساامحني يااا روحي ... اما انا بش نقلك حاجة تفرحك برشاا ... – قلي ترااه ...( غمضتلو عينيه و جبدت يدو حطتها على كرشهااا .... نحات يدهااا تلقاااه مبهم مش فاهم شي ) – شمعناهااا ؟؟ - ههههه معناها احنا بش نولي ثلاثة ... – هدى تحكي بالرسمي و لا تفدلك – وراسك يا حبي .. ( عنقهاااا بالقوووي ..مش مصدق اللي هو بش يولي بو ... أحلى شعور فالدنيا ينسيك في كل شي ... ممكن البيبي بش يقوي علاقتهم ... أكثر و أكثر و ينسيهم فاللي تعدى و اللي فاات ..) ماشية و مش عارفة وين تهزها ساقيها تستنى في حاجة اللي تخلاها تاخو قرار ...تيك ...تاك ....تيك ....تاك ...الوقت اي هو الوقت اللي كل ما تتعدى دقيقة تتعدى على قلبها و توجعها .. تعفس اعلاها و على كبريائها ... هه تعرفوه كبرياء أنثى ممزوج ببرشا ضعف ... ماتعرش كيفاش وصلت للدار ... دخلت تلقا مرا غاادي ...دارين قلبهااا يدق ... امها اي امها قدامهااا ... – بنتي ...؟؟ - امي ...؟؟ أكيد انتي امي ... ( قربتلهااا ...و جبدت بنتها لخضنها تشم في ريحتها و مش مصدقة ... اللي هالكابوس و فاااا ) والله ياا بنتي اعملت هذا الكل علجالك ... بش تعيش مرتاحة ... حسيبها ربي ... حسيبهااا ربي ساامية ...سامحني يااا دارين عيش بنتي سامح امك ..- مسامحتككك يااا .. المهم عندي رجعتلي ... عديت حياتي مرار .. بلاش بيك .. غصة في قلبي ... بقاو يحكيو .. و امها عرفت حكايتها مع ليث .. – شبش نعمل يا امي ؟؟ ايمن خويا قلي لازمك ترجعلو خاترو يحبني .. انتي شنية بش تقلي .. ؟؟ انصحني والله بش نهبل ... الجزء الأخير "" _ تبع قلبك عيش بنتي ... أعلاش تحب تعيش بغصة حياتك الكل .. تي هو هكا و لا هكا بش يطلق اليوم و لا غدوة ... مش انتي السبب ... صدقني ... تو جاوبني انتي تحبو؟؟ - اي نحبو برشااا – مالا أعلاه الخوف هذا الكل في عينيك ..؟؟ - خايفة لا كل شي يصير عكس ما توقعتووو – تبببع قلبك ... تبعووو .. – زعمة .؟؟؟ مشيش نندم ؟؟- كان بش تبقى تخاف ؟؟ راك ماكش بش تععيش .. امحيه الخوووف اللي ماكنك ..و شوف الحكاية من نظرة اخرى ...زاوية اخرى غدوة امشيلووو و رد بالك اضيع فرصتك بش تعيش بسعادة ... ما ضيعش و لا نهار فالحزن و البكاء ( مسحتلها دموووعهااا ...) اضحححك و عيش .. و كيف اعيش بفرحة حتاى النفس يتبدل ... و الدنيا تراهااا رووز ... – انتي حبيت ؟؟ - حبيت بووك .. برشا ... الله يرحموو ... مانجمتش نحب غيرو ...- الله يرحموووو ... عيشك ماما ... بالحق عيشك ... نورتلي الطريق ... – الطريق موجود .. اما لازمك تقتنع اللي السعادة ماتجيش من الحيط انتي اخلق سعادتك ... دارين نجمت تاخو قرار .. من غدوة مشاتلوو ..بقات تستنى فيه ..فالكرهبة بعيدة اعليه ... لمحتو هابط فالدرووج ..هبطت من الكرهبة ... نحات لينات .. و بقات اثبت في تحركاتو ..مسكين بقا يدور في عينيه يمين و يساااار ... لمحهااا من بعيد ... فجأة الضحكة ترسمت و حس قلبو بش يطير من بلاصتووو ..طبست راسهااا .. و من بعد غزرتلو و شاورتلو بيديها بش يجي ... مشالهااا ..كل ما يقرب ..كل ما قلوبهم يدقوو ... قربلها بلهقة و شغف كبير ... عرضت بيديهااا ... هو حط جبينو على جبينههااا – مش مصدق اللي انتي قدامي ...- يزززي ياا مهبووول الناس – يمشيو يزمروو صدقني مانيش نرا كان فيك انتي ... محلااااك اليوم ... محلااا زينك ..دين امك دخلتني في حيط رااك ( كانت لابسة روب قصيرة نوووار ..و صندال نورا ... و شعرها مسيب الأصفر ... ) امااا معادش بش نخليك تلبس هكاااا ...نغير اعليك راني ... ( عووج راسو و طبع بوسة في خدهااا ... ) – ليث ... هيااا نمشيوووو ... ما يجيش هككا حشمتني ... هزززهاا للستاد .. كان فااارغ ...كان هوووما في التيران ...- مش مصدقة عينيا هههههه – شقووولك ؟؟ - ستااد رادس ..هههههههه - برشا رومانسية ريت ؟؟؟ - يطلع مننننك و كان يفيقو بينا ؟؟ - محسوووب ... ايجااا لعندي ايجاا – لاااا ( هي تجري و هو يجري وراها لقفها من كرشهااا ...دخلهااا للفستيار تاع الملاعبية ...)- ياا مهبووول شنية بش تعملي ؟؟ - برشا حاجات خايبين ... و مش متربيين ...( حطت يدها على فمهااا )- لاااا نقتلك و ايمن يشد يكور بيييييييك ... – ههههههههه تو جدت اعليك انتي ( هبط على شفايفهاااا .... كلهملها .. و هي تفرفط تحتوووو .... مارحمهااااش .... ههههه ) خارجة من الستاد وجها احممممر ... سابقتو و هو وراها شادد ضحكتوو – اضحك اضححححك ماتخليهاش في قلبك ...- ههههههههه ايجاا بربي ... – لااااا متغشة اعليك ... ( تمروح على وجهاا و هو شايخ اعلاااااهااا ) – بااهي تا نصلح غلطتي و نجي نخطب ...- سكككر اللي يسمعك تا يقول هااذي ...- شنية ؟؟؟ ههههه ( تبسملها بتخوبيث ... ترمات اعليه و عضتووو من كتفوو)- ااااا ياا هم وجعتني ...- تستاهل ...( ضربتو بمشطة و فسععععت ... تلفتتلو ) – ليييييييث .... نحبببببببببببببك ... مش مهم شنية يصيرلنا ... وجيعة .. مرض ... اعرفو اللي ربي يختب فينا أما كيف ما خلق الووجيعة ربي خلق الفرحة و اعرفو اللي الدنيا هاذي مش بش تاقف خاتر انتي حزنت ... ساعات لازمنا نفقدو السيطرة شوية بش نعيشو ... نحبو ...نضحكو ... هاذي الدنياا هوني تكون وفات الكرونيك .. كل حد قلااها ما يتعداش مرور الكرام حط بصمتك حتى بسمايل يعبر على رأيك ...نحب نبطل الكتيبة خااترني تعبت .. أماا كيف نلقا تفاعلكم نرجع هلى قراري الله غالب .. نشيخ كيف نكتب و نشيخ اكثر كيف نرا 600 جام في كرونيك متاعي .. نحبكم برشاااااااااا <3 أمنيتي نولي كاتبة مشهورة .. أمنيتي نوصل لسامي الفهري و نقلو اللي انا نكتب سيناريوات دراما .. كوميديا .. اي حاجة .. حلمي .. ادعيولي نحققو <3

person_outline Unknown 

all love